Ўзбекистон республикаси олий ва ўрта махсус таълим вазирлиги самарқанд давлат чет тиллар институти
Download 2.8 Kb. Pdf ko'rish
|
ТУПЛАМ 6
- Bu sahifa navigatsiya:
- CHET TILLARNI O‘QITISHDA AXBOROT TEXNOLOGIYALARIDAN FOYDALANISH O’tanazarova D.(SamDCHTI talabasi)
|
LITERATURE
1. Bassnett-McGuire, S. Translation Studies / S. Bassnett-McGuire. - Lnd- N.Y., 1980. - 159 p. 2. Catford, J.C. A Linguistic Theory of Translation / J.C. Catford. - Lnd., 1965. - 103 p. 3. Cohen, J.M. English Translators and Translations / J.M. Cohen. - Lnd., 1962. - 56 p. CHET TILLARNI O‘QITISHDA AXBOROT TEXNOLOGIYALARIDAN FOYDALANISH O’tanazarova D.(SamDCHTI talabasi) Ta’lim sohasida qariyb barcha fanlarni o’qitishda axborot texnologiyalaridan keng foydalanilmoqda. Xususan, chet tillarni o‘rgatishda innovatsion pedagogik texnologiyalar va interfaol usullardan keng foydalanilmoqda. Xorijiy til ta’limiga innovatsion pedagogik texnologiyalarning tadbiqi - shaxsni jamiyatning talabiga ko‘ra yo‘naltirish, ta’limni shu talablar asosida tashkil etish ta’lim tamoyillari, metodlari aloqadorligi asosida shaxsni har tomonlama etuk kadr qilib shakllantirish, uning qobiliyati va imkoniyatlarini to‘liq namoyon etishi va rivojlantirishi uchun qulay shart- sharoitlar yaratishdan iborat. Oliy va umumiy ta’lim muassasalarida o‘quv jarayonida interfaol pedagogik texnologiyalarni qo‘llash va axborot kommunikatsion texnologiyalaridan foydalanish bugungi kun pedagoglarining diqqat markazida turgan bosh masalalardan biridir. Zeroki, yangi davr ta’lim jarayoni o‘qituvchidan innovatsion pedagogik texnologiyalar bilan bir qatorda axborot kommunikatsion vositalaridan foydalanish ko‘nikma va malakalarini ham puxta egallash zaruratini taqozo etmoqda. Ayniqsa, chet tillarini o‘rganishga bo‘lgan talab va ehtiyojning tobora ortib borishi, chet tili o‘qituvchisining zimmasiga ham bir qator vazifalarni yuklaydi. Сhet tili o‘qituvchisi o‘z fanini a’lo darajada bilishi, pedagogik qobiliyatlarini to‘la namoyon eta olishi va zamonaviy pedagogik texnologiyalarni, interfaol ta’lim metodlarini mohirona qo‘llay olishi, AKTni ham dars jarayoniga tadbiq eta olishi lozim. Chet tili o‘qituvchisining bunday bilim, ko‘nikma, malaklarga va mahoratga ega bo‘lishi o‘quvchilarning tilni 117 yuqori darajada o‘zlashtirishlarini hamda darsning sifat samaradorligini ta’minlaydi. Chet tillarini o‘qitish bo‘yicha tuzilayotgan yangi o‘quv dasturlari, har bir o‘quvchiga individual yondashibgina qolmay, ularning hamkorlikdagi faoliyatini ham nazarda tutmoqda. O‘z navbatida bu o‘quvchining individual-psixologik xususiyatlaridan kelib chiqib, uning ijtimoiy jarayonda ishtirokini ta’minlashga ham xizmat qiladi. Psixologiyada, ma’lumki, shaxsning axborotni qabul qilish va qayta ishlash mezonlariga ko‘ra audial, vizual va kinestetik tiplari mavjud bo‘lib, kishi olayotgan axborotning katta qismini oliy nerv faoliyatining yuqoridagi xususiyatlaridan kelib chiqib o‘zlashtiradi. Ya’ni, oliy nerv faoliyati audial xususiyatga ega bo‘lsa, u ma’lumotlarning katta hajmini eshitish analizatorlari yordamida samaraliroq qabul qiladi. Vizual tasvirli xususiyatga ega nerv sistemasiga ega shaxslarning xotirasida ko‘proq ko‘ruv idroki asosida qabul qilingan axborotlar saqlanib qoladi. Kinestetiklar esa ma’lumotlarni tana sezgilari va harakatlar yordamida osonroq idrok etadilar. Bunga asoslanib, biz o‘quvchilarni ham axborotni qabul qilish va o‘zlashtirish xususiyatlariga ko‘ra audial, vizual va kinestetik tiplariga kiritamiz. Chet tilini o‘qitish bo‘yicha tuzilayotgan zamonaviy o‘quv dasturlarida o‘qitishning aynan shu kabi psixologik jihatlari e’tiborga olinganligi ta’lim samaradorligini oshirishga xizmat qiladi. Masalan, ingliz tilini o‘qitishda interfaol metodlardan biri “Body language” – “Tana tili” kinestetiklarning ingliz tilini o‘zlashtirishiga faol ta’sir o‘tkazsa, “ Visual ” va “ Audial” uslublaridagi mashqlar vizual yoki audial xususiyatli o‘quvchilarga mavzuni puxta o‘rganishlariga xizmat qiladi. Chet tili darslarida bir vaqtning o‘zida barcha o‘quvchilarning diqqatini o‘ziga tortish va dars mavzusini tushuntirishda AKTdan foydalanish til o’rganish jarayonini tezlashtiradi. AKT yordamida talabalarga ham audial, ham vizual, ta’sir etish bilan bir qatorda ularni erkin, ijodiy fikrlash va yakka yoki hamkorlikda ishlash ko‘nikmalarini shakllantirish imkoniyatlari juda keng. Darsda qo‘llaniladigan har bir usul, har bir vosita (ko‘rgazmali qurol, tarqatma material, video-audio va multimedia vositalari, turli slaydlar va sh.k.) o‘quvchini fanni chuqurroq anglashga, tilni puxta o‘rganish, eshitish, ko‘rish kanallari orqali axborot qabulini kuchaytirish, og‘zaki nutqini o‘stirish, fikrlash doirasi va dunyoqarashini kengaytirish, vatanparvarlik tuyg‘usini shakllantirish bilan bir qatorda o‘zga xalqlar va millatlarni hurmat qilish, turli millatlar madaniyatini o‘rganish, tillarni o‘rganishga qiziqish uyg‘otish, ishtiyoqini kuchaytirish, muloqotmandlik 118 qobiliyatini rivojlantirish, tinglash malakalarini shakllantirishga xizmat qilsa ta’lim samaradorligiga erishish mumkin. Download 2.8 Kb. Do'stlaringiz bilan baham: 
|