Ўзбекистон Республикаси Олий ва Ўрта Махсус Таълим Вазирлиги Тошкент Автомобил ва йўллар институти

Оддий бухгалтерия проводкаси дейилганида бир счётнинг дебетланиши ҳамда иккинчи счётнинг кредитланиши тушунилади.
Мураккаб бухгалтерия проводкаси дейилганида эса, бир неча счёт дебетланиб, битта счёт­нинг кредитланиши ёки бир счётнинг дебетла­ниши ҳамда бир неча счётларнинг кредитлани­ши тушунилади.
Бир вақтнинг ўзида бир неча счёт дебетла­ниб ва бир неча счёт кредитланиши холлари юз бермайди.
Оддий бухгалтерия проводкасига қуйидаги бухгалте­рия ёзувини мисол қилиб келтириш мумкин. Масалан, юк ташиш учун 200000 сўмлик ёкилги берилди. Ушбу муомалага қуйидаги проводка берилади:
Д-т 2010—"Асосий ишлаб чиқариш" — 200000 сўм;
К-т 1030—"Ёкилги" — 200000 сўм.
Юқоридан кўриниб турибдики, корхонада содир бўлган хўжалик муомаласи битта счётнинг дебетида, иккинчи счётнинг кредитида акс эттирилган.
Энди, мураккаб бухгалтерия проводкасига мисол келтирамиз.
Мисол. Автотранспорт корхонанинг ишчи ва хизматчиларига иш хақи хисобланди:
1)Хайдовчиларга— 50000 сўм;
2)Тамирловчи— 20000 сўм;
3) Тайёрлов цехида банд бўлган ишчиларга — 44000 сўм;
4) Корхона бошқарувида банд бўлган ходимларга — 30000 сўм.
Ушбу муомалаларга қуйидаги мураккаб бухгалтерия про­водкаси берилади:
Д-т 2010—"Асосий ишлаб чиқариш" — 50000 сўм;
Д-т 2310—"Ёрдамчи ишлаб чиқариш" — 20000 сўм;
Д-т 2510—"Умумишлаб чиқариш ҳаражатлари" — 44000 сўм;
Д-т 9420— "Маъмурий-бошқарув ҳаражатлари" — 30000 сўм;
К-т 6710—"Ишчи ва хизматчиларга иш хақи юзасидан қарзлар" — 144000 сўм.
Юқоридаги муомаладан кўриниб турибдики, хўжа­лик муомаласи таъсирида тўртта счёт дебетланган ҳамда битта счёт кредитланган.
Шуни таъкидлаб ўтиш лозимки, икки ёқлама ёзиш усули бухгалтерия хисобининг муҳим усули сифатида бухгалтерия баланси ва счётлар тизими билан чамбарчас боғлиқдир. Чунки хўжалик муомалаларини икки ёқлама ёзганда счётлар тизимидан фойдаланилади. Счётлар тизимига эса бошланғич маълумотлар бухгалтерия балансидан олинади. Демак, икки ёқлама ёзиш усули бухгалтерия балансидаги тенгликни счётлар тизими ёрдамида ҳамма вақт таъминлаб туради.