Ўзбекистон Республикаси Олий ва Ўрта Махсус Таълим Вазирлиги Тошкент Автомобил ва йўллар институти

Доимий счётлар деб номланишининг сабаби — улар ҳар бир хисобот даври якунида ёпиладиган вақтинчалик счётлардан фарқли ўлароқ, доимий сальдога эга бўлишлари мумкин. Доимий счётлар ба­лансда кўрсатидади, шунинг учун ҳам бу Счётлар баланс счётлари деб номланади: бўлар активлар, мажбуриятлар ва хусусий сармоя счётларидир.
Доимий счётлар: актив, пассив ва контрар (контрактив ва контрпассив) бўлиши мумкин.
Актив счётларда турли хил активлар акс эт­тирилади ва улар фақат дебет сальдосига эга бўлади. Активларнинг кўпайиши ушбу счётларнинг дебетида акс эттирилади.
Пассив счётлар мажбуриятлар ва сармоянинг ошишини акс эттириш учун мўлжалланган, фақатгина кредит сальдосига эга бўлади, мажбуриятлар ва сар­моя ошиши мазкур счётларнинг кредитида акс эттирилади.
Контрар счётлар — молиявий хисоботда ак­тивлар ёки мажбуриятларнинг соф қийматини акс эттириш учун сальдолари уларга боғлиқ бўлган асосий счётлар сальдосидан чегириладиган счётлардир.
Контрактив счётлар сальдоси хисоботда улар­нинг соф (баланс) қийматини акс эттириш учун асо­сий воситаларнинг бошланғич қийматидан чегирилади­ган асосий воситаларнинг эскириши мисол бўлади. Асо­сий воситаларнинг эскириши счётлари балансда уларнинг бошланғич қийматини камайтириб кўрсатади.
Контрпассив счётга сотиб олинган хусусий акцияларни мисол қилиб келтириш мумкин, хисобот­да устав капиталининг хақиқий хажмини акс эттириш учун "Устав сармояси" счёт сальдосидан унинг сальдоси чегирилади.
Счётлар режасининг 9-бўлими транзит (вақтинчалик) счётлар — даромад ва ҳаражатлар счётларидан иборат ва счётларни жойлаштириш тартиби бўйича "Молиявий натижалар тўғрисидаги хисобот" шаклига мувофиқ келади. Уларнинг транзит (вақтинчалик) счётлар деб аталишининг сабаби шундаки, улар ҳар бир хисобот даврининг охирида ёпилади ҳамда кейинги хисобот даври бошида ноллик сальдога эга бўлади. Счётлар режасида "жамлама" счёти тушунчаси, илова cчётлар мавжуд эмас, яъни иккинчи тартиб счётла­ри жамлама счётларининг тахлилий таркибий қисмларидир. Барча счётлар энди тўрт белгили рақамланишга эга ва актив, мажбуриятлар ҳамда сар­моянинг ҳар бир тури бўйича очилади.
Корхонанинг баланс хисоботида оборот (жорий) ва узоқ, муддатли активлар ва пассивларни алоҳида хисобга олишлари керак Бу оборот сармояси сифатида айланаётган активлар ва корхонанинг узоқ, муддатли операцияларида фойдаланаётган активларни бир-биридан ажратиш лозим. Шунингдек, якин даврда хақ тўланиши лозим бўлган мажбуриятлар (жорий мажбуриятлар) хақида тасаввурга эга бўлиш керак, чунки уларни сўндириш учун оборот активларидан фойдаланилади.