Ўзбекистон Республикаси Олий ва Ўрта Махсус Таълим Вазирлиги Тошкент Автомобил ва йўллар институти

Пассив счёт қуйидагича ифодаланади:
Дебет Счётнинг номи Кредит

Маблағлар манбаининг камайиши

Сальдо Ой бошидаги Маблағлар манбаининг кўпайиши Ой охиридаги сальдо

Пассив счётнинг ой охиридаги сальдоси (Скп) қуйидаги формула ёрдамида топилади:


Скп = Снк + Окт -Одт,


бу ерда: Снд — счёт, кредити бўйича бошланғич сальдо; Окт — кредит бўйича оборот; Одт — дебет бўйича оборот.
2.6. Икки ёқлама ёзув ва унинг аҳамияти
Икки ёқлама ёзув бухгалтерия хисобининг асосий қоидаларидан бири бўлиб хисобланади. Икки ёқлама ёзув тизими биринчи маротаба 1494 йилда пайдо бўлган. Унинг асосчиси итальян ноиби Лука Пачоли хисобланади. Икки ёқлама ёзув икки томонламалилик хусусиятига эга бўлиб, барча иқтисодий ходисалар бир-бирини тўлдирадиган икки жихатга: кўпайтириш ёки камайтириш, пайдо бўлиш ва йўқолиш жихатларига эга. Бунинг натижасида автотранспорт корхонада амалга ошириладиган барча хўжалик муомалалари камида иккита счётда: бир счётнинг дебети ва бошқа счёт кредити бўйича рўйхатга олиниши керак, токи дебет бўйича умумий сумма кредит бўйича умумий суммани мувозанатлаштирсин ва тизимда ҳар доим ба­ланс ушлаб турилсин.
Бухгалтерия хисобида икки ёқлама ёзиш деб, хўжа­лик муомалалари натижасида вужудга келадиган иқтисодий ходисаларни счётлар орқали ўзаро алоқадор холда акс эттириш усулига айтилади.
Демак, барча хўжалик муомалалари бухгалтерия хисоби счётларида икки ёқлама ёзув усули билан: бир счёт дебетида ва айни вақтда бошқа счёт кредитида тенг суммада акс эттирилади. Икки ёқлама ёзув тизими назорат аҳамиятига эга, чунки хисобот даври учун барча счётлар дебети бўйи­ча оборотлар суммаси кредит бўйича барча счётлар оборотлари суммасига тенг. Ҳар қандай хўжа­лик муомаласини икки ёқлама ёзув билан акс этти­риш бухгалтерия баланси умумий суммасининг тенглигини сақлайди.
Икки ёқлама ёзув орқали счётлар ўртасидаги ўзаро боғланишни белгилаш счётлар корреспонденцияси дейилади.
Мисол. Автотранспорт корхона хайдовчиларига март ойи учун 50000 сўм иш хаки кассадан тўланди. Бунда 5010—"Миллий валютадаги пул маблағлари" ҳамда 6710—"Ишчи ва хизматчиларга иш хақи юзасидан қарзлар" счётлари ўзаро боғланишни, яъни счётлар кор-респонденциясини хосил қилмокда.
Дебетланувчи ва кредитланувчи счёт ҳамда муомала суммасининг кўрсатилиши бухгалтерия проводкаси деб атадади. Бухгалтерия проводкасини тузиш ўтказилган хўжалик муомалалари натижасида қандай счётлар дебетланганлиги, қайсилари кредитланганлиги ва қанча суммага расмийлаштирилганини кўрсатишни ифодалайди. Бухгалтерия проводкалари бирламчи хужжатлар асосида тузилади.
Бухгалтерия проводкалари икки хил бўлади:
1. Оддий бухгалтерия проводкаси;
2. Мураккаб бухгалтерия проводкаси.