Ўзбекистон республикаси олий ва ўрта махсус таълим вазирлиги тошкент педиатрия тиббиёт институти

Вазиятли масала №51. 
23 ёшли бемор мушакларида кучайиб борувчи ҳолсизликка, 
жумладан, қўл ва оёқларнинг проксимал қисмларида мушаклари-
нинг зарарланишига шикоят қилиб шифохонага мурожаат қилган. 
Ён-атрофидагиларнинг ёрдамисиз ўрнидан тура олмайди. Ютиниши 
қийинлашган. Объектив: периорбитал соҳаларда шиш ва кўз 
қовоқларининг сиёхранг кўриниши эритемаси кузатилади. Терининг 
қуёш нурларига таъсирчанлиги кучайган. 
1. Сизнинг ташхисингиз?
2. Беморга теширувларни белгилашдаги сизнинг тактикангиз? 
 
Янги туғилган чақалоқлар тери касалликлари 
Вазиятли масала №52. 
Туғруқхонада беш кунлик чақалоқда елка, думба соҳаларида 
ҳажми 1-3 см ли тугунли тошмалар пайдо бўлган. Пайпаслаб 
кўрилганда тугунли тошмалар қаттиқлашган, устидаги тери юзалари 
оч пушти рангда. Атроф тери юзалари ўзгаришсиз. Туғруқ жараёни 
асбоб-анжомлар ёрдамида ўтказилган ва жараён оғир кечган. Бола 
4500 гр. вазнда туғилган.
1. Сизнинг тахминий ташхисингиз? 
2. Қандай касалликлар билан таққослов ташхисини ўтказиш 
лозим? 
3. Қандай муолажаларни ўтказиш керак? 
Вазиятли масала №53.
Бемор бола 3 ҳафталик, ота-онаси теридаги қаттиклашишга 
шикоят қилиб олиб келишган. Анамнезида: бола чала туғилган, 
қаттиқлашишлар бола ҳаётининг 2-ҳафтасида совуқ қотишидан сўнг 
пайдо бўлган. Объектив: қорин ва қўл соҳаларида тери 

---

529 
қаттиқлашган, хамирсимон кўринишда, шишган, таранглашган. 
Бармоқ билан босиб кўрилганда из қолдиради. Ўчоқлар чегараси – 
оч жигаррангда. 
1. Сизнинг тахминий ташхисингиз? 
2. Қандай касалликлар билан таққослов ташхисини ўтказиш 
лозим? 
3. Қандай муолажаларни ўтказиш керак? 
Вазиятли масала №54. 
Шифокор кўригига 6 ойлик чақалоқ билан онаси мурожаат этди. 
Шикоятлари: тери бурма соҳаларидаги қизаришлар. Касаллик 2 кун 
аввал бошланган. Бу белгилар билан бир вақтда беморда тез-тез ич 
кетиши ҳолати кузатилади. Объектив: бўйин, қўлтиқ ости, чов, сон 
ва бошқа бурмали соҳаларида сувланиш жараёни кучли намоён 
бўлиб, гиперемия ҳолати кузатилади, бошнинг сочли қисмида эса 
ёғли қатқалоқлар қайд этилади. Субъектив: бемор шикоятлари 
оғриққа, ачишишга. Бемор паратрофик кўринишда. 
1. Сизнинг тахминий ташхисингиз? 
2. Қандай касалликлар билан таққослов ташхисини ўтказиш 
лозим? 
3. Қандай муолажаларни ўтказиш лозим?