Ўзбекистон республикаси олий ва ўрта махсус таълим вазирлиги ўзбекистон республикаси маданият ва спорт ишлари вазирлиги ўзбекистон давлат санъат ва маданият

МИЛЛИЙ	ТАМОЙИЛЛАР
ВОСИТАЛАР
қиёфа	-либослар; -тақинчоқлар; -ташқи кўриниш; - табиат ва табиий шароит манзаралари; - уй-жой ва яшаш тарзи пейзажлари ва ҳкз.
тил	-тилда ишлатиладиган ибора; -мақол, -матал, -қарғиш, -ҳақорат, -жаргон, -қочирма ва ҳкз.
тарих	-муҳим тарихий воқеалар; -халқ қаҳрамонлари; -тарихий шахслар ва ҳкз.
адабиёт	-назм, -наср, -драматургия, -халқ оғзаки ижоди адабиёти ва ҳкз.
санъат	-қўшиқ; -куй; -рақс; -фольклор томошалари ва ҳкз.
анъаналар	-маросимлар; -урф-одатлар; -халқ ўйинлари.
мавзу ва ғоя	-яшаш тарзи ва орзу-интилишларига асосланган масалалар.
муаммолар	-долзарб муаммолар; -доимий муаммолар; -табиий муаммолар ва ҳкз.
характер	-фазилат ва хусусиятлар.

Миллий қиёфа. Миллатнинг ўзига хос ташқи жиҳатларини қамраб олади. Маълум халқнинг ўзига яраша матолари, бош кийимдан тортиб то оёқ кийимгача ўзига хос миллий либослари мавжуд бўлади. Четдан қарашдаёқ, либослар маълум миллатни таниб олишга хизмат қилиши мумкин. Масалан, ҳиндларнинг “сари”си, юнонларнинг “тога”си, японларнинг “кемано”си бутун дунёга ўз миллатини тараннум этади. Шу асосда, либосларга хос безак берувчи миллий тақинчоқлар – билагузук, маржон, тиллақош, узук ва бошқалар ҳам ўзининг аҳамиятига эга. Ҳар бир миллатнинг юз тузилиши, соч турмаги, кўзлари, пардози, ўзини тутиши ҳам миллий қиёфани муҳим таъминловчи воситалари ҳисобланади. Шунингдек, ҳар бир миллатнинг туғилган ва яшайдиган макони табиий шароитларни қамраб олади. Қайсидир ҳудуд тоғлари, қайсидир ҳудуд боғлари билан машҳур. Ҳудудларнинг ўзига хос жиҳатларини ташкил этувчи шароитларга ўрмонлар, саҳролар, тепаликлар, денгизлар, дарёлар, шаҳар манзаралари ва қишлоқ манзараларини мисол қилиб келтириш мумкин. Табиий шароитлар эса мавжуд тарздаги уй-жой ва яшаш тарзини ташкил этади. Масалан, саҳро ҳудудларида салқинлаштирувчи чодирлар бўлса, ўрмон ҳудудларида ёғоч уйлар кўзга ташланади. Демак, бу тамойил доирасидаги энг муҳим воситалар ҳисобланар экан.