‘zbekiston respublikasi oliy ta’lim vazirligi urganch Davlat Universiteti

O
‘ZBEKISTON RESPUBLIKASI OLIY TA’LIM VAZIRLIGI

Urganch Davlat Universiteti
Tabiiy fanlar fakulteti biologiya ta’lim yo’nalishi
207-guruh talabasi Nazarboyeva Yorkinoyning
Biofizika fanidan tayyorlagan

MUSTAQIL ISHI

Mavzu: Muskul qisqarish apparat oqsillari

Bajardi: Nazarboyeva Yorkinoy

Tekshirdi: Ro’ziyeva Muhayyo

Urganch -2022

Mavzu: Muskul qisqarish apparat oqsillari


Reja:

1. 
   Qisqaruvchan tizimlar biofizikasi.
   
2. 
   Muskullar ishi va mexanikasi.
   
3. 
   Qisqaruvchanlikning molekulyar mexanizmlari.
   

Xulosa
Foydalanilgan adabiyotlar

1.Qisqaruvchan tizimlar (muskullar) biofizikasi qisqaruvchi elementlar strukturasi, muskullarning qisqarish faoliyatining molekulyar asoslari va bu jarayonda kimyoviy energiyaning mexanik energiyaga aylanish qonuniyatlarini o‘rganadi. Muskullar kimyoviy energiyani ish bajaraoladigan mexanik energiyaga aylantirish xususiyatiga ega. Bu energiya ixtiyoriy va ixtiyorsiz tana harakatlarini bajarilishi, shuningdek, ichki a’zolarning ishlashi va harakati uchun sarf bo‘ladi. Muskul to‘qimasi elastomer xususiyatga ega bo‘lib, tarkibiga kiruvchi biopolimerlar mexanik va kimyoviy ta’sir natijasida o‘z uzunligini o‘zgartirish xususiyatiga ega. Muskulning qisqaruvchan sistemasi qisqaruvchi va elastik elementlardan tashkil topgan. Muskul to‘qimasining qisqarishini ta’minlovchi strukturasi aktin va miozin oqsilidan tuzilgan. Aktin molekulyar massasi 50 - 80 kD atrofida bo‘lib, molekulasi uzunligi 103 А0 ni tashkil etadi. Miozin oqsili esa molekulyar massasi 42 kD ni, molekula uzunligi 1600 А0 ni tashkil etib, skelet muskul to‘qimasining 60 % massasidan iborat.
Sent-Dyerdi tomonidan aktin va miozin oqsili muskul to‘qimasi tarkibida aktomiozin kompleksi holida bo‘lishi ko‘rsatib berilgan. Shuningdek, bu kompleks tarkibiga qisqarish jarayonida muhim ahamiyatga ega maxsus oqsil guruhlari tizimi kiradi. Muskullar qisqarishida energiya manbai glikogen hisoblanadi. Muskullarning kimyoviy energiyani mexanik energiyaga aylantirish jarayoni izotermik va izobarik sharoitda kechadi.