Ўзбекистон республикаси президенти ҳузуридаги қонунчилик ва ҳУҚУҚий сиёсат институти

87-савол:
Янги таҳрирдаги Конституциямиз 
лойиҳасига киритилаётган ўзгартишларга 
кўра, сиёсий партияларнинг Бош вазир 
номзодини кўрсатишдаги иштирокига оид 
қандай янгилик киритилмоқда?
Жавоб: 
Сиёсий тизимни ривожлантириш, давлат ва 
жамият ҳаётида сиёсий партияларнинг ролини кучайтириш, 
улар ўртасида соғлом рақобат муҳитини шакллантириш, давлат 
ва жамият қурилишини такомиллаштиришга йўналтирилган 
демократик ислоҳотларни чуқурлаштириш ва мамлакатни 
модернизация қилишда сиёсий партияларнинг ролини янада 
кучайтириш бугунги кундаги энг асосий вазифа ҳисобланади. 
Бунинг 
ёрқин 
мисоли 
сифатида сиёсий партияларнинг 
Бош вазир номзодини кўрсатиш 
жараёнидаги иштирокини ало-
ҳида кўрсатиб ўтиш лозим. 
Амалдаги Конституциямизнинг 
98-моддасига
кўра, 
Бош 
вазир
номзоди Олий Мажлис 

---

146
Қонунчилик палатасига сайловда энг кўп депутатлик 
ўринларини олган
сиёсий партия ёки тенг миқдордаги энг 
кўп депутатлик ўринларини қўлга киритган
бир неча сиёсий 
партия томонидан таклиф этилади. Лекин ушбу конституциявий 
қоида Бош вазир номзодини кўрсатиш жараёнида бошқа сиёсий 
партияларнинг иштирок этиш ҳуқуқини чеклаб қўйган эди.
Янги 
таҳрирдаги 
Конституциямиз 
лойиҳасининг 
118-моддасига 
кўра, Бош вазир номзоди Ўзбекистон 
Республикаси Президенти томонидан Қонунчилик 
палатасида фаолият юритаётган барча сиёсий партиялар 
фракциялари билан маслаҳатлашувлар ўтказилганидан 
сўнг Қонунчилик палатасига кўриб чиқиш ва маъқуллаш 
учун тақдим этилади.
Киритилаётган мазкур янгиликнинг аҳамиятини нималарда 
кўриш мумкин?