Ўзбекистон Республикаси Президенти

Мажбурий ижтимоий суғурта – меҳнатга лаёқатлиликни (касаллик, бахтсиз ҳодиса, қарилик) ёки иш жойини йўқотиш туфайли даромаддан (иш ҳақи) маҳрум бўлиш ҳолатларида амалдаги қонунчиликда белгиланган тарзда қўлланадиган ижтимоий кафолатдир.
Минимал истеъмол бюджети – шахснинг ривожланиши учун зарур бўлган маънавий эҳтиёжлар истеъмолининг ижтимоий асосланган минимал даражасини таъминлайдиган истеъмол товарлари ва хизматлари турларининг қиймати.
Нафақа – фуқароларга қонунчиликда кўзда тутилган ҳолларда қисман ёки тўлиқ меҳнатга лаёқатсизлик, оғир моддий шароит, болали оилаларни қўллаб-қувватлаш, шунингдек, қариндошлардан бири вафот этган тақдирда мунтазам ёки бир марта бериладиган пул тўловлари.
Оналик ва болалик муҳофазаси – давлат ва жамоатчилик тадбирлари тизими. Она ва бола соғлиғини ҳимоя қилишга қаратилади. Она ва бола муҳофазасининг тиббий, ижтимоий ва иқтисодий аҳамияти аёллар соғлиғини сақлаш, оналар ва гўдаклар ўлимини камайтириш, уларнинг касалланишини пасайтириш, илк болаликдан жисмоний ва руҳий соғлом авлодни тарбиялашни таъминлаш.
Пенсия – қонун томонидан кафолатланган ва фуқароларни кексалигида, қисман ёки тўлиқ меҳнатга лаёқатсизлиги, боқувчисини йўқотганда ҳамда меҳнат фаолиятининг муайян соҳасида маълум иш стажига эришган пайтида таъминлашга қаратилган пуллик тўлов.
Саломатлик – инсонда нафақат касаллик ва бошқа жисмоний нуқсонларнинг мавжуд бўлмаслиги, балки тўлиқ жисмоний, руҳий ва ижтимоий жиҳатдан қониқарли ҳолатдир.
Турмуш даражаси – аҳолининг зарурий моддий ва номоддий неъматлар ҳамда хизматлар билан таъминланиш ҳамда уларни истеъмол қилиш даражаси.
Ялпи ички маҳсулот – мамлакатда бир йил давомида ишлаб чиқарилган жами пировард маҳсулот ва хизматларнинг бозор қиймати.
Ўзбекистон Республикаси Президенти
Ислом Каримовнинг


БМТ саммитининг Мингйиллик ривожланиш
мақсадларига бағишланган ялпи мажлисидаги нутқини