Ўзбекистон республикаси соғЛИҚни сақлаш вазирлиги инновацион соғЛИҚни сақлаш миллий палатаси

1А 
Туғруқдан кейинги даврда ТМА ва ТТП тасдиқланган ташхисида (ADAMTS 13 < 10%) 
плазмаферез ва плазмани қуйиш тавсия этилади.
1А 
Гематологик кўрсаткичлар нормаллашганда (ЛДГ, кейинги 3 кун давомида 
тромбоцитларнинг миқдори > 150 минг) ПАни бекор қилиш тавсия этилади. 
Ҳар қандай ТМАларда терапевтик ПАни ўтказиш қоидалари: 
 ҳар куни ўтказилади; 
 тўлдириш ҳажми: айланаётган плазманинг 1-1,5 ҳажми; 
 тўлдириш воситаси: янги музлатилган плазма (ЯМП). 
1А 
Туғруқдан кейинги даврда аГУСда (ADAMTS даражаси 13 > 10%, катастрофик 
антифосфолипид синдроми истисно этилган) экулизумабни қўллаш тавсия этилади. 
Экулизумабни тайинлаш тўғрисидаги қарор нефролог шифокори билан маслаҳатлашилгандан 
кейин қабул қилинади.
5С 
Туғруқдан кейинги даврда аГУСда (ADAMTS даражаси 13 > 10%, катастрофик 
антифосфолипид синдроми истисно этилган) экулизумабни қўллаш имкони бўлмаганда, 
ПА тавсия этилади. 
5С 
Туғруқдан кейинги даврда ТМАнинг сақланиб турувчи клиник ва лаборатор 
аломатларида HELLP-синдроми, ТТП ва аГУС ўртасида дифференциал диагностикани 
ўтказиш ва техник имкониятлар мавжуд бўлганда ТМАнинг кўчкисимон ривожланиб 
боришини олдини олиш учун ПАни ўтказиш тавсия этилади. 
Туғруқдан кейинги даврда ТМАнинг симптомлари ривожланиб бориши ёки узоқ давом этишида 
техник имкониятлар мавжуд бўлганда (дисциплинараро консилиум, шошилинч ҳолатларда 
навбатчи шифокорларнинг қарорига мувофиқ) эрта ПАни (24 соат ичида) ўтказиш мумкин. 
Билвосита комплемент ҳолатларида ПА қўлланилиши етишмаётган ёки дефект комплемент 
регуляторларини алмаштирган ҳолда, аутоантитаначалар ёки комплемент тизимининг 
мутацияга учраган регуляторларини самарали чиқариб ташлаши мумкинлигига асосланади. Уни 
қўллаш зарурати аГУСни тасдиқлаш ва ТТПни тезда истисно қилиш имкони мавжуд бўлмаганда 
туғувчи ва туққан аёлларда ТМАнинг ривожланиш тезлиги билан боғлиқ. Кейинчалик аГУС 
касаллиги тасдиқланган болаларда «тез» ПА биринчи навбатда қўлланиладиган дори 
воситалари сифатида ўзини кўрсатди. Бироқ, экулизумаб билан солиштирганда ПАнинг 
самарадорлигини исботлайдиган тизимли шарҳ, мета-таҳлил ёки БРТ мавжуд эмас.
Бир қатор 

---

33 
қўлланмаларда ташхис аниқланмагунга ва ТТП истисно этилмагунга қадар ва/ёки 
экулизумабдан фойдаланиш имконияти бўлмаганда плазмаферезни аГУСда бошланғич даво 
сифатида қўллаш тавсия этилади. 
2В 
Юз бериши мумкин бўлган тромбоэмболиянинг (ВТЭ) мавжудлигини текшириш учун
D-димернинг даражасини аниқлаш тавсия этилади. 
D-димернинг мусбат натижаси ҳар доим ҳам ВТЭ мавжудлигини кўрсатмайди ва қўшимча 
текширувлар ўтказилишини талаб қилади. Бироқ, D-димернинг манфий натижаси ВТЭни 
истисно қилишга ёрдам беради. D-димернинг текширувлари 3-даражали муассасаларда 
Finecare FIA Meter Plus анализаторида ўтказилади.