Ўзбекистон республикаси соғЛИҚни сақлаш вазирлиги инновацион соғЛИҚни сақлаш миллий палатаси

2В Қон кетиши белгиларисиз кечаётган ТМАда тромбоконцентрат тавсия этилмайди.
3С 
Туғруқдан кейинги даврда ТМАда тромбоцитлар миқдори > 50 000/мкл бўлганда 
гепарин профилактикасини ўтказиш тавсия этилади.
1А 
ТМА ва гемолиз туфайли оғир анемияда (гемоглобин < 70 г/л) ўрнини тўлдириш 
мақсадида эритроцит сақловчи донорлик қон таркибий қисмларини (эритроцитар масса, 
ювилган эритроцитлар) қуйиш тавсия этилади. 
Қон таркибий қисмларини қуйиш сони лаборатор ва клиник кўрсаткичларга (гемоглобин, 
эритроцитларнинг миқдори, гемолиз мавжудлиги, пульс, АҚБ кўрсаткичлари) мувофиқ 
белгиланади.
3В 
Гемолиз, жигар ферментларининг ошган даражалари ва тромбоцитопенияни даволаш 
учун кортикостероидларни қўллаш тавсия этилмайди, чунки бу оналарнинг касалликка 
чалинишини камайтириши ҳозирча ҳали исботланмаган. 
Эклампсияда биринчи ёрдам кўрсатиш 
 Талваса ҳуружида даволаш муолажаларини жойида ўтказишни бошланг.
 Қабул бўлимида ИДПни ташкил қилинг ёки зудлик билан ҳомиладор аёлни интенсив 
даволаш ва реанимация бўлимига ўтказинг. 
 Қон ва ошқозон массаларининг аспирацияси хавфини камайтириш учун чап ёнбошга 
қараган ҳолатда текис қаттиқ юзага аёлни ётқизинг, оғизни очиб ва пастки жағни олдинга 
чиқариб, нафас йўлларини тезда бўшатинг; бир вақтнинг ўзида оғиз бўшлиғигини ёт 
нарсалардан тозаланг; аёлни жароҳатланишдан ҳимоя қилинг, бироқ, уни фаол равишда 
ушлаб турманг. 
 Сақланган спонтан нафасда оғиз-ҳалқум ҳаво ўтказгичини киритинг ва кислородли 
аралашмани намлантириш тизимида бурун-юз ниқоби орқали кислород ингаляциясини 
ўтказинг. 
 Апноэ ривожланганда нафас чиқишида мусбат босим режимида бурун-юз ниқоби орқали 
100% кислород билан мажбурлов вентиляцияни ўтказишни бошланг. Талвасалар 
кузатилиши давом этса ёки кома ҳолати сақланиб турса, миорелаксантларни юборинг ва 
аёлни нормовентиляция режимида ЎСВга ўтказинг. 
 Адекват газ алмашинувини тиклаш бўйича ўтказилаётган чора-тадбирлар билан параллель 
равишда периферик венага катетерни ўрнатинг ва талвасага қарши дори воситалариларни 
юборишни бошланг (магний сульфати: 10-15 дақ. ичида 4 г болюс кўринишда в/и, кейин 
АҚБ ва ЮУСни диққат билан назорат қилиш билан 1 г/соатига ушлаб турувчи дозада 
юборинг). Талвасалар кузатилиши ҳали ҳам давом этса, 3-5 дақ. ичида қўшимча 2 г магний 
сульфатини (8 мл 25% ли эритмасини) юборинг. 

---

34 
 Магнезиал терапиядан самара бўлмаганда диазепам (в/и секин оқимда 10 мг) ёки 
тиопентал натрий (450-500 мг) қўлланилиши мумкин. 
 Талваса ҳуружи 30 дақ. кўп давом этса, бу ҳолат экламптик статус деб баҳоланади. 
 Антигипертензив терапияни ўтказинг. 
 Сийдик қопига катетерни ўрнатинг (узоқ вақтга катетерни қолдиринг, сийдик ажралишини 
соатбай ёзиб боринг ва протеинурияни текширинг). 
 Экламптик статус, кома ҳолатида барча муолажаларни (вена, сийдик қопини 
катетеризациялаш, акушерлик муолажалар ва бошқ.) тиопентал натрий билан умумий 
оғриқсизлантириш остида ўтказинг. Кетамин қўлланилмасин! 
 Ҳомиланинг узлуксиз КТГ-назоратини ўтказинг. 
 Аёлнинг ҳолати барқарорлашгандан кейин туғдириб олинг.