Œзбекистон республикаси

Бажариладиган ишлар кетма-кетлиги худди юқоридагидай. Лекин унга қуйидаги ўзгаришлар киритилади:

Бурғилаш эритмасини иситиш вақтида иккала қурилмада ҳам 31,5 кг/см² босим ҳосил бўлади. Текшириш бошланишида юқори қурилмадаги босим 66 кг/см²гача кўтарилади, қуйи қурилмада эса 31,5 кг/см² лигича сақланади.

Агар ҳарорат 204⁰С дан ошса, у ҳолда фильтр қоғози ўрнида пўлатдан тайёрланган ғовакли диск ишлатиш керак.

Бурғилаш эритмасини иситиш вақти 1 соатдан ошмаслиги керак.

Фильтр қобиғининг сиқилувчанлиги

Тешириш юқорида кўрсатилган услуб бўйича олиб борилади, лекин бомбада 14 кг/см²босим ташкил қилинади, қуйи қурилмада эса 7 кг/см².

3.7.1- жадвал

Буғ босими ва 100-316⁰С ҳароратдаги сувнинг кенгайиш ҳажми

Ҳарорат		Сув буғи босими		Тўйиниш босимида сувнинг ҳажмий кенгайиш коэффициенти
^0Ғ	^0С	фунт/кв.д.	кг/см^2
212	100	14,7	1,03	1,04
250	121	30,0	2,11	1,06
300	149	67,0	4,72	1,09
350	177	135,0	9,50	1,12
400	204	247,0	17,36	1,16
450	232	422,0	29,78	1,21
500	260	680,0	47,85	1,27
550	288	1044,0	73,57	1,36
600	316	1541,0	108,77	1,47

*Ҳарорат, ҳажм ва босим максимал қийматидан ошмаслиги керак.

Назорат саволлари

1. Сув ажратиш ёки эритмаларнинг гилли қобиқ ҳосил қилиш қобилияти қайси ускуна ёрдамида аниқланади.

2. Бурғилаш эритмасининг сув ажратиш кўрсаткичи қайси катталик билан ифодаланади?

3. Юқори босим ва ҳарорат шароитидаги сув ажралиш хоссасини аниқлаш қайси ускуна ёрдамида аниқланади?

Қум миқдорини аниқлаш

Қурилмалар

Бурғилаш эритмасидаги қум миқдори фильтрли қурилмалар ёрдамида ўлчанади.

Бурғилаш эритмасидаги қум миқдорини аниқлаш қурилмалари

Қурилма (3.8.1–расм) қуйидаги қисмлардан ташкил топган: диаметри 2,5 д. (200 меш, 74 м) бўлган элак, элак диаметридаги воронкалар ва шиша трубка. Шиша трубка даражаланган, унинг ҳажми қуйилаётган бурғилаш эритмаси ҳажмига мос келади. У қуйи қисмидан даражаланган бўлиб (0 дан 20 % гача), шу қисмдаги қум миқдорини аниқлайди.