Œзбекистон республикаси

Силикат эритмалар

Силикат эритмалар ингибирловчи модда сифатида натрий силикатини ўз ичига олади. Бу эритмалар уқаланиб кетувчи тоғ жинсларини бурғиланган қудуқ деворларини мустахкамлигини оширишда ишлатилади. Қатламларни мустахкамланиб қолиниш усули эриган шишани кудуқнинг тешик ва ёрилган жойларига осонлик билан оқиб кириши ва силитсиум кислота гелини (гель кремневой кислоты) ҳосил қилиб кувур деворларини цементлаш хоссасига асосланган. Бу эритмани гипс ва ангидрид қатламларини бурғилашда ишлатиб бўлмайди. Силикат эритмаси чучук сувда олдиндан гидратланган гил кукунидан тайёрланади. Унинг таркибига натрий силикати аралаштирилади.

1 м³ эритма тайёрлаш учун қуйидагилар керак бўлади (кгда): гил 80-100, сувдан 935-900; УЩР 30-50 Na₂КiO₃ 20-40 клей (ёки М-14) 5-10 оғирлантирувчи миқдори керакли зичлик ҳосил қилгунча ишлатилади.

Эритма кўрсаткичлари: зичлик 1,05-2г/см³ шартли қовушқоқлик 20-40с, фильтрланиш кўрсаткичи 4-8см³/30мин, СНС₁=915 дПа, рН=8,59,5 эритма иссикликка чидамлилик кўрсаткичи, рН оптимал кўрсаткичи 8,59,5 га тенг. Структура механик характеристика кўрсаткичларини кўтариш учун унга бентонит кукуни ва УЩР пастаси кўшилади.

Гидрофобловчи эритмалар

Гидрофобловчи эритмалар ингибирловчи қўшимча сифатида гил жинсларини гидрофобловчи хусусиятга эга бўлган, кремний органик бирикмалар ёки юқори ёғлар ва дафтен кислотанинг тузлари каби моддаларни ўз ичига олади. Бу моддалар гил минералларда адсорбцияланиб, гил ва дисперс муҳитни ўзаро ажратиб турувчи гидрофоб тўсиқ сифатида ишлатилади.

Гидрофоблаш хусусиятига эга бўлган бир неча эритма турлари мувжуд.

Кремний органик бирикмали эритмалар учун ингибирловчи кўшимча сифатида кремний органик бирикмалар (ГКЖ-10, ГКЖ-11) ни ишлатилади. ГКЖ дан ташкари бу эритмалар таркибига яна сув, гил ва полиморф реагенти – фильтрацияни пасайтирувчи (КМЦ, КССБ, ПАА ва бошқалар) кирадилар. Полиакрилламд, КМЦ ва КССБ каби ҳимояловчи реагентлар кремний органик бирикмалар билан қазиш эритмасининг коллоид фазасига юқори стабиллаш таъсирини кўрсатади.