Солиқ (ҳисобот) даври учун олтин, кумуш, паладий ва платина бўйича ўртача арифметик биржа нархи солиқ органлари томонидан Лондон қимматли металлар бозори уюшмасининг (London Bullion Market Association) эрталабки фиксинги асосида, бошқа металлар бўйича эса – Лондоннинг металл биржаси (London Metal Exchange) маълумотларига асосан аниқланиши;
бунда, солиқ (ҳисобот) даври учун ўртача арифметик биржа нархи металлар нархини қўшиш орқали ҳосил бўлган суммани Ўзбекистон Республикаси Марказий Банки томонидан (нархлар қайси валютада белгиланган бўлса, шу валюта бўйича) эълон қилинган валюта курсига кўпайтириш ва кўрсатилган нархлар белгиланган кунлар сонига бўлиш орқали аниқланиши;
солиқ (ҳисобот) даври учун ўртача олинган реализация қилиш баҳоси солиқ тўловчи томонидан мустақил равишда кумуш, платина, палладий, рух, қўрғошин ёки молибден ажратиб олишда, ушбу металлар рудадаги асосий металлар бўлса, бошқа металлар, шу жумладан олтин ва мис бўйича солиқ базаси уларга ишлов бериш (бойитиш), қайта ишлаш (аффинаж) ва ташиш харажатлари чегириб ташланган ҳолда аниқланиши;
солиқ органлари, ҳар ойда, солиқ (ҳисобот) ойидан кейинги ойнинг 10 санасидан кечиктирмай, улар томонидан ҳисобланган ҳар бир металл тури учун ўртача арифметик биржа нархини Ўзбекистон Республикаси Давлат солиқ қўмитасининг расмий веб-сайтида жойлаштиришлари белгиланди.
Ўз навбатида, мазкур солиқ бўйича солиқ ставкалари қайта кўриб чиқилиб улар бирхиллаштирилди ва гуруҳлаштирилди шунингдек, фойдали қазилмалар алоҳида турлари бўйича солиқ ставкалари пасайтирилди ва Кодекснинг 452-моддаси “Солиқ ставкалари”да қуйидаги миқдорда белгиланди:
Do'stlaringiz bilan baham: |
