Збекистон республикасининг
-модда. Омонатга фоизлар ёзиш ва тўлаш тартиби
Download 3.63 Mb. Pdf ko'rish
|
- Bu sahifa navigatsiya:
- Агар банк омонати шарт номасида бошқача тартиб назарда тутил- ган бўлмаса, банк омонати суммасига фоизлар ҳар бир ой ўтганидан
- Омонат қайтарилганида шу пайтгача ёзилган ҳамма фоизлар тўланади.
|
764-модда. Омонатга фоизлар ёзиш ва тўлаш тартиби
Банк омонати суммасига фоизлар омонат банкка тушган куннинг эртасидан бошлаб, то у омонатчига қайтарилган ёки бошқа асосларга кўра омонатчининг ҳисобварағидан ўчирилган кундан олдинги кун- гача ёзилади. Омонатчининг ҳисобварағи хатланганлиги оқибатида банк ушбу ҳисобварақдаги пул маблағларидан фойдалана олмаган давр учун фоизлар ёзилмайди. Агар банк омонати шарт номасида бошқача тартиб назарда тутил- ган бўлмаса, банк омонати суммасига фоизлар ҳар бир ой ўтганидан кейин унинг талаби билан омонат суммасидан алоҳида тўланади, бу муддатда талаб қилиб олинмаган фоизлар эса фоизлар ёзиладиган омонат суммасига қўшилиб боради. Омонат қайтарилганида шу пайтгача ёзилган ҳамма фоизлар тўланади. 1. Шарҳланаётган модда омонатчининг маблағларидан фойдалан- ганлик учун фоизларни ҳисоблаш ва тўлаш тартибини белгилайди. Унда императив норма мавжуд бўлиб, банк омонати суммасига фоизлар омонат банкка тушган куннинг эртасидан бошлаб, то у омонатчига қайтарилган ёки бошқа асосларга кўра омонатчининг ҳисобварағидан ўчирилган кундан олдинги кунгача ёзилиши белгиланган. Шарҳланаётган модданинг 1-қисмида омонатларга фоиз ҳисоблан- майдиган истисно ҳолат ҳам назарда тутилган. Бундай итисно ҳолатлар бўлиб, омонатчининг маблағини хатлаш ҳисобланади. Натижада банк ушбу пул маблағлардан фойдалана олмайди. Ушбу истисно ҳолат омонат хатланган муддат мобайнида давом этади. Тегишлича, омонат хатловдан 713 чиқарилгандан сўнг фоизларни ҳисоблаш давом этади. Қонун чиқарувчи ушбу ҳолатда омонатга ҳисобланадиган фоизлар даврини аниқ белгилаб қўймаган. Омонатчининг пул маблағларидан фойдаланганлик учун фоизлар ҳисоблаш ва тўлашнинг умумий қоидаларидан келиб чиққан ҳолда, омонат учун фоизлар ҳисоблаш омонат хатловга олинган кунга қадар давом этиши ва хатлов туфайли фоиз ҳисоблаш тўхтатилган ҳолатда, хатловдан чиқарилган куннинг эртасидан бошлаб фоиз ҳисобланиши мантиқан тўғри бўлади. 2. Шарҳланаётган модданинг 2-қисмида омонатлар бўйича фоиз- ларни ҳисоблаш ва тўлаш муддати (кун, ой, квартал, йил ва ҳ.к.) ва тар- тиби (капиталлаштириш ва капиталлаштирмаслик) тарафлар томонидан шарт номада кўрсатилиши керак. Банк омонати шарт номасини тузишда омонатчи омонат бўйича фоизларни ҳар ойда олиши ёки олмаслигига эътибор қаратиши мақсадга мувофиқ. Бошқа ҳол белгиланмаган бўлса, омонатчи устама фоизларни ҳар ойда тўлашни талаб қилишга ҳақли шунингдек, омонат бўйича тўланмаган фоизлар дастлабки қўйилган омонат суммасига қўшилади (капиталлаштиради) ҳамда кейин унга ҳам фоиз ҳисобланади. 3. Қўйилган омонат қайтарилганда, омонатга ҳисобланган барча фоизлар ҳам асосий омонатга қўшиб тўланади. Яъни, омонатчи омонатга қўйган пул қийматини тўлиқ олиши билан бирга унга ҳисобланган фоиз- ларни ҳам олади. Download 3.63 Mb. Do'stlaringiz bilan baham: 
|