Збекистон республикасининг

433-модда. Тегишли сифатли товарни алмаштириш
Сотиб олувчи ўзига ноозиқ-овқат товари топширилган пайтдан 
бошлаб ўн кун мобайнида, агар бундан узоқроқ муддат сотувчи 
томонидан эълон қилинмаган бўлса, харид қилинган тегишли сифатли 
товарни харид жойида ёки сотувчи эълон қилган бошқа жойларда 
ўлчами, шакли, ҳажми, андазаси, ранги, тўплами бошқача бўлган 
худди шундай товарга алмаштиришга ҳақли, бунда у нархларда фарқ 
бўлган тақдирда сотувчи билан зарур ҳисоб-китобни амалга оширади.
Сотувчида алмаштириш учун зарур товар бўлмаганида сотиб 
олувчи харид қилинган товарни сотувчига қайтариб бериш ва унга 
тўланган пул суммасини олиш ҳуқуқига эга.
Агар товардан фойдаланилмаган, унинг истеъмол хусусиятлари 
сақланган бўлса ва ушбу сотувчидан сотиб олинганининг исботи 
бўлса, сотиб олувчининг товарни алмаштириш ёки қайтариб олиш 
ҳақидаги талаби қаноатлантирилиши лозим.
Ушбу моддада кўрсатилган асослар бўйича алмаштирилмайдиган 
ёки қайтариб олинмайдиган товарлар рўйхати қонун ҳужжатларида 
назарда тутилган тартибда белгиланади.
1. Ноозиқ-овқат товарлари билан чакана олди-сотди шартномасининг 
ўзига хос жиҳатларидан бири шундаки, сотиб олувчи ўзига сотилган ва 
сифатга нисбатан талабларга жавоб берадиган, лекин ўлчами, шакли, 
ҳажми, андазаси, ранги, тўплами ва бошқа шунга ўхшаш кўрсаткичларига 
кўра ўзига тўғри келмаган товарни алмаштириш ҳуқуқига эга.
2. Сотиб олувчи харид қилинган товарни ўлчами, шакли, ҳажми, андазаси, 
ранги, тўплами бошқача бўлган худди шундай товарга алмаштириш, 
сотувчида алмаштириш учун зарур товар бўлмаганида эса, харид қилинган 
товарни сотувчига қайтариб бериш ва унга тўланган пул суммасини олиш 
ҳуқуқига эга.
3. Сотиб олувчи ўзига товар топширилган пайтдан бошлаб ўн кун 
мобайнида, агар бундан узоқроқ муддат сотувчи томонидан эълон қилинмаган 
бўлса, товардан фойдаланмаган шунингдек, унинг истеъмол хусусиятлари 
сақланган бўлса ва ушбу сотувчидан сотиб олинганининг исботи бўлса, 
харид қилинган тегишли сифатли товарни харид жойида ёки сотувчи эълон 
қилган бошқа жойларда алмаштириш ҳуқуқидан фойдаланиши мумкин.

---

76
4. Қонун ҳужжатларида белгиланган тартибда тегишли сифатдаги, 
қайтариб олинмайдиган ёки шунга ўхшаш товарга алмаштирилмайдиган 
товарлар рўйхатига киритилган товарларгина алмаштирилиши мумкин 
эмас. Хусусан, қонун ҳужжатларига биноан қимматбаҳо металлардан 
ясалган буюмлар, шахсий гигиена буюмлари ва айрим бошқа товарлар 
алмаштирилиши мумкин эмас.