Ózbekstan respublikasí joqarí HÁm orta arnawl

Oqıtıwdıń túsinikli bolıwı principi. Bilim beriw oqıwshılarǵa túsinikli, olardıń jasına, dárejesine muwapıq bolıwı kerek. Túsinikli bolıwdıń áhmiyetli belgisi-beriletuǵın jańa bilimlerdiń oqıwshı sanasında burınnan bar bilimler menen baylanısıwı. Bunday baylanıs bolmasa oqıwshı jańa materialdı túsine almaydı.
Adamzat tájiriybesinde bilimlerdiń qorshap turǵan átiraptaǵı qospalı óz-ara baylanıslar sistemasın sáwlelendiriwshi óz-ara baylanısları bar. Dúnya sheksiz, sol ushın adamnıń biliw imkániyatları ullı. Biraq faktler, ideyalar, teoriyalar kórinisindegi bilimler jıynaǵınıń málim shegarası hám kólemi boladı. Biliwdiń sheksiz imkániyatları menen praktikada shegaralanǵanlıǵı ortasında qarama-qarsılıq payda boladı. Bul qarama-qarsılıq balanı individual túrde aqılın rawajlandırıw jolı menen saplastırıladı.
Dene tárbiya teoriyasınıń ulıwma principleri. Dene tárbiya teoriyası hám ámeliyatı ulıwma principleri hám dene tárbiya teoriyası usılınıń principleri dep atalatuǵın principlerge súyenedi. Bulardan tısqarı, dene tárbiyanıń ayrım kórinisleri hám ózgesheliklerin kórsetiwshi (mısalı, sport, trenirovkası, kosmonavtlar, ot óshiriwshiler trenirovkası hám t.b.) principleri de bar. Olar bir-biri menen ulıwma baylanıslı bolıp, principlerdiń birden-bir dizimin payda etedi. Eń birinshisi biz dene tárbiya teoriyasınıń ulıwma principleri menen tanısıp shıǵamız. Olar: a) dene tárbiyanıń miynet hám áskeriy ámeliyat penen baylanıslıǵı; b) shaxstı hár tárepleme rawajlandırıw; v) dene tárbiyanıń salamatlastırıwǵa jóneltiriw principi dep bóleklenedi.
Dene tárbiya processinde teoriyalıq principler, bir tárepten, nızam wazıypasın orınlasa, ekinshi tárepten dene tárbiya processinde oqıtıwshını teoriya hám metodik tárepten belgili ramka (qálip) ǵa, jolǵa saladı. Pedagogikalıq process hám ámeliy xızmetti princip bar bolıp nızam tárizde áhmiyet kórsetiwi múmkin.
Ayrım jaǵdaylarda: principke dene tárbiyadaǵı belgili bilimlerdiń bir bólegi, yaki xızmetke kórsetpe beriwshi yaki túrlishe óz aldına wazıypanı orınlaw ushın ulıwma tiykar dep qaraymız.