Ózbekstan respublikasí joqarí HÁm orta arnawl

Mektep jasındaǵı balalardıń fizikalıq jaqtan tárbiyalaw wazıypaları:
1. Den sawlıqtı bekkemlew, oqıwshılardı shınıqtırıw, olardıń durıs fizikalıq rawajlanıwı hám joqarı aqılıy is qábiyletin saqlap turıwǵa kómeklesiw.
2. Fizikalıq sapaların tárbiyalaw (shaqqanlıq kúshlilik, tezlik, shıdamlılıq, iyiliwsheńlik) hám jasawǵa zárúrli háreket kónlikpelerin: júriw, juwırıw, sekiriw, hákkelew, tırmasıp shıǵıw, tońqalaq asıw, sapta júriwge tayarlıq, qáddin tiklew, teń salmaqtı saqlawǵa tiyisli shınıǵıwlar, háreketlerdiń anıqlıǵı hám sáykeslgi, ritm hám temp sezimi, kópshilik bolıp háreket etiw, kónlikpeleri arqalı oqıwshılardı «Pisip jetilisken áwlad ushın» belgilengen talaplardı orınlawǵa tayarlawdı qáliplestiriw.
3. Dene tárbiyası hám sport tarawındaǵı ayrıqsha bilimlerden xabardar etiw, sırtqı kónlikpelerin sonday-aq jeke hám ulıwmalıq gigienası kónlikpelerin mádeniy minez - qulıq ádetlerin sińdiriw, fizikalıq jaqtan pisip jetiliskenlikke erisiw maqsetinde erkin shınıǵıw islewdi biliw.
4. Dene tárbiyası hám sport penen shınıǵıw processinde oqıwshılarda ózi hám jámiyet ushın zárúr bolǵan kúsh kónlikpelerin: maqsetke umtılıw, shıdamlılıq, albıramawshılıq sonday-aq joldaslıq, doslıq hám jámaat bolıp háreket etiw ózgesheliklerin qáliplestiriw.
Dene tárbiyası hám sport isleri aldında turǵan wazıypalardı iske asırıwda túrli klasslardaǵı oqıwshılardıń den sawlıǵı, jası, jınısı, fizikalıq rawajlanıwı hám fizikalıq tayarlıǵı esapqa alınadı.
Joqarıda kórsetilgen bólimde, hár túrli jas dáwirindegi oqıwshılarǵa bul magistrlik jumısınıń bunnan aldınǵı bólimlerinde bayan etilgen ózgesheliklerin kózde tuta otırıp, dene tárbiyası hám sport penen shuǵıllanıwshıları boyınsha kórsetpeler usınıs etiledi.
Hár bir insan sport hám dene tárbiyası menen shuǵıllanıwı shárt, ásirese den sawlıǵı ázzi yaki jası úlken insanlar ushın júda áhmiyetli. Bunda hár bir insan ózi ushın jeke tártipte arnawlı shınıǵıwlardı tańlaw imkániyatına iye. Den sawlıǵı hálsiz insanlar pútkilley bolmasa da málim dárejede salamatlıǵın tiklep aladı. Búgingi kúnge kelip kóplep sport túrleri boyınsha sport zalları, dógerekleri hám sekciyaları shólkemlestirilgen bolıp, ol jerde joqarı tájiriybege iye jetekshiler tárepinen hár bir insan ushın tiyisli tártiptegi sport hám dene tárbiyası shınıǵıwları tańlanadı.