Ózbekstan respublikasí joqarí HÁm orta arnawl

Oyın áhmiyeti. Oqıwshılarda shaqqanlıq, jeńil atletikaǵa tayarlıq, óz-ara doslıq, bir-birine qayırqomlıq, qáwipli jaǵdaylarda anıq háreket etiw tájriybelerin qáliplestiredi.
“Sızıq boylap” oyını
Oyın tártibi. Oyında gezek menen 1 danadan oqıwshı qatnasadı. Jerge dar sıyaqlı sızıq sızıladı. Qatnasıwshı sızıq ústinde turadı. Kózleri baylanadı. Ol mayda qádemler menen sızıq ústinde júriwi kerek. Eger oqıwshı sızıq ústinen aqırına shekem tuwrı júrip barsa, oyında utqan esaplanadı.
Oyın áhmiyeti. Oqıwshılarda dıqqattı bir jerge toplaw, mashaqatlı waqıtta ózin joǵaltpaw, anıq nıshanǵa alıw, dene teń salmaqlılıǵın uslap turıw, proporcional háreketleniw kónlikpelerin qáliplestiredi.
Álbette, bul oyınlardı shınıǵıwlarda qızǵın qollanıw eń áwele, oqıtıwshınıń uqıpı, tayarlıǵına baylanıslı. Sol sebepli, sabaqqa tayarlanǵanda ol teoriyalıq hám ámeliy táreplerge, shınıǵıwdı shólkemlestiriw metodikasına itibar qaratıp, buǵan baylanıslı mashqalalardı sheship alıwı kerek.
Bunnan tısqarı, oqıwshılardıń iskerligin óz-ara salıstırıwlaw arqalı olardıń imkániyatlarına baha beriw oqıtıwshınıń ózi tárepinen ashıq, áshkara emes, bálki ayrıqsha qurallar arqalı bildiriledi. Nege deseńiz ámeliy háreketlerdi joqarı dárejede atqarǵan oqıwshılarda basqalarǵa salıstırǵanda ózin ústin qoyıw, kúshine artıqsha baha beriw, menmenlik belgileri júzege shıǵadı. Oqıtıwshı sol sıyaqlı jaǵdaylardı aldınnan bahalawı hám fizikalıq múmkinshilikleri basqalarǵa salıstırǵanda ústin oqıwshılarǵa ádetdegidan kóre salıstırǵanda quramalılaw shınıǵıwlardı júklewi múmkin.
Juwmaq etip aytqanda, oqıw - tárbiya procesinde xalıq oyınları salamat turmıs tárizin qáliplestiriwde tiykarǵı faktorlardan biri bolıp tabıladı. Ferǵana wálayatında oynalatuǵın “Gerbish urıw”, “Toqta, sanayman”, “Sızıq boylap” oyınların qaysı klass yamasa qaysı aymaq bolıwınan qaramastan, sabaq hám sabaqtan tısqarı dene tárbiyası shınıǵıwlarında oynap, oqıwshılar ortasında shaqqanlıq, tatıw-doslıq, shıdamlılıq, doslıq hám eń áhmiyetlisi, qatańlıq, ózine isenimdi oyatıw sıyaqlı páziyletlerdi qáliplestiriw maqsetke muwapıq bolıp tabıladı.