Kurs jumısınıń maqseti:
Sòylew tili tolıq rawajlanbağan balalardıń shaxs òzgesheliklerin ùyrenıw hám balanı psixologik tárepten tekseriw.
Kurs jumısınıń wazıypası:
-Balanı tálım tarbiyaǵa qızıqtırıw
-tálım tarbiya processine korrekcion járdemdi alip kiriw
Kurs jumısınıń ob`ekti:
Til kemshiligi bar balalardiń shaxs ózgeshelikleri
Kurs jumısınıń predmeti: Sòylew tili tolıq rawajlanbağan balalardıń shaxs òzgesheliklerin rawalandırıw processi.
İzertlew metodları: teoriyalıq – izertlew jumısındaǵı mashqalaǵa baylanıslı psixologiyalıq hám pedagogikalıq arnawlı ádebiyatlardı analizlew; baqlaw, pedagogikalıq tájriybe-sınaq, ulıwmalastırıw hám bahalaw; meditsinalıq – pedagogikalıq-psixologiyalıq hújjetler hám balalardıń háreketlerin úyreniw.
Jumıstıń Strukturası:
Kirisiw, tiykarǵı bólım, eki bap, tórt paragraf, juwmaqlaw hám paydalanılǵan ádebiyatlar diziminen ıbarat.
Kurs jumısınıń mashqalaları: sóylewi tolıq rawajlanbaǵan balalardıń shaxs qásiyetleri temasına baylanıslı kitaplar hám ishindegi maǵlıwmatlardıń azlıǵı;
Kurs jumısınıń metodologiyalıq tiykarı
L.S.Vigotskiydiń birlemshi hám ekilemshi kemshiliklerdiń kózge taslanıwı haqqındaǵı táliymatı, R.E.Levina tárepinen islep shıǵılǵan sóylew tiliniń patologiyasın analizlew haqqındaǵı printsipleri, shıǵıs oyshıllarınıń balanı fizikalıq hám ruwxıy jaqtan tárbiyalaw haqqındaǵı shıǵarmaları.
I BAP. BALALAR SÒYLEW TILINIŃ SHAXS QÁSIYETLERI
1.1. Balalar rawajlanıwında shaxs túsinigi
«Jeke shaxs» termininde súwretlenetuğın shınlıq, usı terminniń
etimologiyasınıń ózinde kórinedi. «Jeke shaxs» sózi (latin tilinen) áwel bastan antik teatrda háreket etiwshi adamlardıń belgili bir tipleri menen bekitilgen («qızğanshaq», «qaharman, h.t.b») akter maskalarına (nıqabına) («lichina» (perde) sózin salıstırıń) tiyisli bolğan. Soń bul sóz akterdiń ózin hám onıń rolın ańlata baslağan. Rimlilerde persona sózi shártli túrde onıń belgili bir sotsiallıq funktsıyasın, rolin (áke shaxsı, patsha shaxsı, qazı shaxsı h.t.b) kórsetken halda qollanılğan. Jeke shaxstıń dáslepki mánisi-adamnıń belgili bir funktsiyası yamasa sotsiallıq roli. Waqıttıń ótiwi menen jeke shaxs túsinigi belgili bir dárejede sol konkret til ushın spetsifikaliq bolğan jáne de kóbirek mánilik áhmiyet, ózgeshelik hám diapazon hár túrliligi menen tolıqtırılıp barılğan. Jeke adamnıń eń áhmiyetli úsh minezlemesin atap ótemiz:Birinshiden, jeke adam qásiyetleriniń turaqlılığı. Jeke adamnıń psixikalıq háreketleri qanshama sánlı, ózgeriwsheń bolğanı menen onıń psixikalıq dúzilisi belgili dárejede turaqlı ekenligi attan anıq kórinedi, al bul nárse atap aytqanda usı jeke adamnıń minez-qulqın anaw yamasa mınaw jağdayda aldın boljap kóriniwge imkaniyat beredi. Ekinshiden, jeke adamnıń birligi. Jeke adam bir pútin nárseden ibarat boladi, onda hár bir qásiyet basqaları menen tiğız baylanısqan hám sonlıqtan da jeke adamnıń hár bir qásiyeti óz áhmiyetine, kóbinese jeke adamnıń basqa qásiyetleri menen óz-ara baylanısıwına qaray pútkilley hár qiyli áhmiyetke iye boladi. Úshinshiden, jeke adamnıń aktivligi. Aktivlilik dógereke átiraptağı dúńyanı bilip alıwğa, ózgertiwge, qayta dúziwge, óz-ara basınıń tábiyatına, óziniń psixikalıq dúzilisin (ózin-ózi tárbiyalawdı) ózgertiwge bağdarlanğan kóp túrli hám hár tárepleme xızmette kórinedi.
Do'stlaringiz bilan baham: |
