Ózbetinshe jumis materiallari

3-shınıǵıw. Berilgen teksttegi sózlerdi kóshiriń hám sózlerdi buwınlarǵa bóliń.


«Mehribanlıq úyi»ndegi mehribanlıq
Hádislerdiń birinde «Kewliń jumsarıp talabıń ońınan keliwin qáleyseńbe? Jetimge rehim et, basınan sıypa, awqatıńnan jegiz, sonda kewliń rawshan tartadı hám tilegiń bárjay boladı»-delingen. Mine bul gáplerden adam tek ǵana násiyhat alıp ǵana qoymastan, al sawap is islewge de talpınadı.
Sawap isti hár kim, hár kúni islewi kerek, degen danalıq gápke júginsek, biz dáslep jetimlerge járdem qolımızdı sozıwımız tiyis. Óytkeni, olar mehirge mútáj...
Jurtbasshımız hár qashan jaslarǵa, balalarǵa bolǵan itibarın kúsheytip, atalıq ǵamxorlıǵın kórsetip, olar ushın qolaylı sharayatlardı jaratıp bermekte.
Ásirge tatıytuǵın ǵárezsizlik jıllarında tilge tiyek etkendey unamlı jumıslar islendi hám dawam etpekte. Barlıq salada jetiskenliktiń mártebesi kórinbekte. Ásirese, bilimlendiriw tarawında alıp barılıp atırǵan túpkilikli reformalar keleshegimiz bolǵan jaslar ushın xızmet eteri sózsiz.
Prezidentimiz İ.A.Karimov Respublikamızǵa saparı dawamında jańa ob`ektlerdi kózden ótkeriw payıtında Xojelidegi Qá sanlı «Mehribanlıq úyi» imaratın barıp kórgen edi. Onda islengen rekonstruktsiya jumıslarına, tárbiyalanıwshılar ushın jaratılǵan sharayatlarǵa joqarı baha berip, bul ibratlı islerden kewli tolǵanlıǵın atap ótken edi. Sonlıqtan da barlıq walayatlardıń «Mehribanlıq úyi» direktorlarına, sonday-aq, sol aymaqtaǵı qala hám rayon prokuroturalarına ayrıqsha tapsırma berip, usı jerge jıynalıp islengen ibratlı islerdi kózden ótkeriwdi, bunnan órnek alıwın usınǵan edi. Aradan sál-kem bir ay ótkennen keyin 26-oktyabr` kúni jurtımızda Ózbekstan Respublikası Ministrler Kabineti janındaǵı jas óspirimler isleri boyınsha komissiya, Bas prokurotura, Xalıq bilimlendiriw ministrligi, «Sen jalǵız emesseń» Respublika jámáátshilik balalar xorı menen birge mámleketimizdegi 28 «Mehribanlıq úyi»leri direktorları hám sol aymaqta jaylasqan qala hám rayon prokurorları qatnasında oqıw-ámeliy seminarın shólkemlestirdi.