Ztransgaz aksionerlik kompaniyasi faoliyatini tashkil

O`ZTRANSGAZ" AKSIONERLIK
KOMPANIYASI FAOLIYATINI TASHKIL
ETISHNI TAKOMILLASHTIRISh
CHORA-TADBIRLARI TO`G`RISIDA

Tarixi
Neftni sanoatlashgan tarzda qazib olish ishlari O’zbekistonda 1885 yilda boshlangan. Neft Farg’ona vodiysida joylashgan Chimion qishlog’i yaqinidagi ikki burg’ qudug’idan qazib olinar edi^[1]. 1900 yilda ushbu mintaqada jiddiy razvedka ishlari boshlandi va 1904 yilda 270 metrdan ortiq chuqurlikdan neft favvorasi otilib chiqdi. 1906 yilda Farg’ona viloyatida neft haydash zavodi qurilib, u davriy harakat qiluvchi bitta ikki kubali qurilmadan iborat edi. Neft konidan qazilma boylik ot-ulov transportida tashilar edi. Neftning sifati esa termometr va areometr yordamida aniqlanar edi. Qayta ishlash natijasida olinadigan asosiy mahsulotlar chiroq kerosini va isitish mazuti edi. 1915-1916 yillarda, O’rta Osiyoda ichki yonuv dvigateli yordamida harakatlanadigan avtomobillar paydo bo’lgandan keyingina benzin foydali mahsulotga aylandi. Mahsulot Afg’oniston va Xitoyga temir yo’l va ot-ulov transportida eksport qilinar edi. 1907 yilda zavodni aka-uka Nobellar sotib olishdi va uning bosqichma-bosqich rekonstruksiyasini boshlashdi. O’sha yilning o’zida Chimion konidan zavodgacha tortilgan to’rt dyuymli neft quvuridan foydalana boshlandi hamda rezervuar parki qurildi. 1940 yilga kelib zavod o’z laboratoriyasiga ega bo’ldi, texnologik jarayon sifat jihatidan yuksaldi, yillik ishlab chiqarish quvvati 176 ming tonnaga etdi. 1972 yilda Qashqadaryo viloyatida jahondagi eng yirik qurilmalardan biri bo’lgan Muborak gazni qayta ishlash zavodi qurildi, 1980 yilda esa Sho’rtanda zavod ishga tushirildi. Birinchi gaz 1953 yil Qizilqum cho’lidagi Setalantepa konidan qazib olindi. 1962 yilda noyob Gazli koni ishga tushirilgandan keyin Buxoro — Ural va O’rta Osiyo — Markaz transkontinental gaz quvuryo’llari o’tkazildi.

Faoliyatining tashkil etilishi
Mustaqillik yillarida sohaning rivojlanishiga katta ahamiyat berildi. 3 may 1992 yil O’zbekiston Respublikasi Prezidenti Islom Karimovning „O’zbekneftgaz“ neft va gaz sanoati O’zbekiston davlat konsernini tashkil qilish to’g’risida"gi Farmoni imzolandi. 23 dekabr 1992 yil O’zbekiston Respublikasi Prezidentining "O’zbekiston neft va gaz sanoati davlat konsernini „O’zbekneftgaz“ neft va gaz sanoati Milliy korporatsiyasiga aylantirish to’g’rida" Farmoni e’lon qilindi. 11 dekabr 1998 yil O’zbekiston Respublikasi Prezidentining "O’zbekneftgaz neft va gaz sanoati Milliy korporatsiyasini „O’zbekneftgaz“ Milliy xolding kompaniyasiga aylantirish to’g’rida" gi Farmoni imzolandi. „O’zbekneftgaz“ MXK — bir butun birlashgan uch pog’onali xolding kompaniya. Kompaniyani amaldagi boshqaruv tizimi „O’zbekneftgaz“ Milliy xolding kompaniyasi faoliyatini tashkil etishni takomillashtirish chora-tadbirlari to’g’risida" O’zbekiston Respublikasi Prezidentining 2006 yil 21 avgustdagi PQ-446 son Qarori va O’zbekiston Respublikasi Prezidentining 2008 yil 1 iyuldagi PQ-906 son „O’zbekneftgaz“ Milliy xolding kompaniyasi ijro etuvchi apparatining tashkiliy tuzilmasiga o’zgartishlar kiritish to’g’risida"gi Qaroriga muvofiq tasdiqlangan. Respublika sanoati barqaror, jadal va mos ravishda rivojlanishini, qayta o’zgartirishlar strukturasini chuqurlashtirish, soha komplekslari va sanoat korxonalarini modernizatsiyalash, ishlab chiqarishni texnik va texnologik yangilash asosida uning asosiy sohalarini diversifikatsiyalashga, hamda eksport salohiyati, samaradorligi, raqobatbardoshligini oshirishga yo’naltirilgan asosiy vazifalar 2011-2015 yillarda respublika sanoatini rivojlantirishning muhim yo’nalishlarida belgilab berilgan, O’zbekiston Respublikasi Prezidentining 15 dekabr 2010 yildagi „2011-2015 yillarda O’zbekiston Respublikasi sanoatini rivojlantirishning ustuvor yo’nalishlari to’g’rida“gi PQ-1442 son Qarori qabul qilingan. Bugungi kunda „O’zbekneftgaz“ MXK neft-gaz sohasining barcha faoliyat yo’nalishlarini ta’minlaydigan, 200 dan ortiq korxonalarni birlashtirgan, 120 mingdan ortiq kishi ishlaydigan, vertikal bir butun birlashgan, uch pog’onali xolding kompaniyadir.
Korxonalari