14- tema: Biologiyanı oqıtıwda tayanısh hám pánge tiyisli jeke kompetentsiyalardı rawajlandırıw jolları

14- tema: Biologiyanı oqıtıwda tayanısh hám pánge tiyisli jeke kompetentsiyalardı rawajlandırıw jolları.

Biologiya oqıtıwshı ilimiy metodikalıq tayarlıqtıń strukturalıq bólimlerine tiyisli bilim, kónlikpe hám ilimiy tájiriybelerdi iyelewleri barısında pedagogikalıq kompetentlikke iye bolıwı názerde tutıladı.

Pedagogikalıq kompetentlik (uqıp) - bul oqıtıwshınıń kásiplik-psixologiyalıq ózgesheligi bolıp, pedagogikalıq iskerlikti shólkemlestiriw hám basqarıwda subiektiv shárt-shárayattaǵı ámeliy-teoriyalıq háreketin ańlatıwshı sapalar jıyındısı esaplanadı.
Oqıtıwshılardıń kompetenciyaları eki gruppaǵa ajratıladı:
1. Oqıtıwshınıń tayanısh kompetenciyaları;
2. Oqıtıwshınıń jeke kompetenciyaları;
Oqıtıwshınıń tayanısh kompetenciyaları keste formasında berilip atır.
Biologiya oqıtıwshınıń pedagogikalıq kompetentligi (uqıpı) niń túrleri hám olardıń mazmun mánisi keste formasında berilip atır
Oqıtıwshınıń tayanısh pedagogikalıq kompetenciyalar
Kompetenciyalıq jantasıw talapları tiykarında pedagogikalıq iskerlikke kirgizetuǵın ózgertiwler
1. Intellektuallıq kompetentlik Intellektual iskerlik usıllarınan paydalanıw, kreativ, logikalıq, analitik - sın kózqarastan, dóretiwshilik oylaw Oqıwshılardıń kreativ, logikalıq, analitik – sın pikir bildiriw, dóretiwshilik oylaw kónlikpelerin rawajlandırıw maqsetinde oqıw máselelerin payda etiw
2. Global kompetentlik Informaciyalar globallasqan dáwirde informaciya aǵımınan saqlanıw hám global mashqalalardı ańǵarıw Informaciyalardı tańlaw, konstrukciyalaw, oqıw processinde paydalanıw jolların belgilew
3. Ideologiyalıq-siyasiy kompetentlik Dúnya jámiyetshiligi hám mámleketimizde júz berip atırǵan sociallıq-siyasiy waqıyalardan xabarlı bolıw Oqıw materiallarınıń ideologiyalıq jóneltirilgenligin ámelge asırıw, oqıwshı jaslar sana-sezimine jáne kewiline milliy ideologiya ideyaların sińdiriw
4. Social -materiallıq kompetentlik Jámiyetimizde júz berip atırǵan social, ruwxıy – aǵartıwshılıq ózgerisler maydanınan izertlewler alıp barıw Tálim-tárbiya procesin jámiyetimizde júz berip atırǵan social, ruwxıy -bilimlendiriw ózgerisler tiykarında shólkemlestiriw
5. Basqarıw kompetenciyası Tálim-tárbiya procesin maqsetke muwapıq shólkemlestiriw hám basqarıw Tálim-tárbiya processinde texnikalıq hám innovaciyalıq texnologiyalardan mas paydalanǵan sabaqlarda oqıwshılardıń biliw iskerligin shólkemlestiriw hám basqarıw
6. Kommunikacion kompetenciya Oqıwshılar jámááti menen baylanısqa kirisiw, pedagogikalıq múnásibetlerdi adamgershilikke sáykeslestiriw Tálim-tárbiya processinde oqıwshılar menen óz-ara sheriklikke kirisiw, subiekt-subiekt múnásibetlerin jolǵa qoyıw
7. Diagnostik kompetenciya Tálim-tárbiya procesin maqsetke muwapıq proektlestiriw tiykarında kútiletuǵın nátiyjeni boljaw Kompetenciyalıq jantasıw talapları tiykarında innovacion texnologiyalardan paydalanılǵan sabaqlardan kútiletuǵın hám kepillengen nátiyjelerdi boljaw
8. Ǵárezsiz izertlew kompetenciyası Tálim-tárbiya processinen kútilgan nátiyjege erisiw maqsetinde didaktik hám jeke pánlerdi oqıtıw metodikasına tiyisli izertlew alıp barıw Kompetenciyalıq jantasıw talapları tiykarında óz kásiplik ilimiy tájiriybesi hám pedagogikalıq sheberligin arttırıw maqsetinde rejeli izertlew alıp barıw
9. Korrekсion kompetenсiya Tálim-tárbiya processinden kútilgen nátiyjege erisiw, jol qoyılǵan qáte hám kemshiliklerdiń sebeplerin anıqlaw hám olarǵa toqtatıw beriw Pedagogikalıq iskerliktegi kemshiliklerge toqtatıw beriw maqsetinde óz ústinde sistemalı jumıs alıp barıw
10. Aldıńǵı jumıs tájiriybelerdi úyreniw hám ámeliyatqa qollaw Tálim-tárbiya processinde moderator oqıtıwshılardıń jumıs tájiriybelerin úyreniw hám ámeliyatqa qollaw Ózi oqıtatuǵın páni boyınsha texnikalıq hám innovaciyalıq texnologiyalardı qollaw maydanınan moderator oqıtıwshılardıń jumıs tájiriybelerin úyreniw hám ámeliyatqa qollaw
11. Daw hám qarama-qarsılıqlardıń aldın alıw kompetenсiyası Tálim-tárbiya processinde payda bolatuǵın pedagogikalıq jaǵdaylardı analiz qılıw jáne onı saplastırıw ilajların qollaw Texnikalıq hám innovaciyalıq texnologiyalardan paydalanılǵan sabaqlarda payda bolatuǵın pedagogikalıq jaǵdaylardı analiz qılıw jáne onı saplastırıw ilajların qollaw
Sonı atap kórsetiw zárúr, biologiya oqıtıwshılarınıń tayanısh kompetenсiyası usı tálim mákemelerinde pedagogikalıq iskerlik júrgizetuǵın barlıq oqıtıwshılar ushın ulıwma esaplanadı.
Biologiya oqıtıwshılarınıń jeke kompetenсiyaları bolsa, usı ustaz tárepinen biologiya oqıw páni boyınsha shólkemlestiriletuǵın tálim-tárbiya procesiniń mazmunı hám bárkámal shaxstı kámillikke jetkiziwde tutqan ornı menen parıq etedi.
Biologiya oqıtıwshılarınıń tayanısh kompetenсiyası olarda oqıtıwshınıń jeke kompetenсiyaların qáliplestiriwge tiykar bolıp xızmet etedi, olar bir-biri menen bekkem baylanısqan hám bir-birin talap etedi. Biologiya oqıtıwshılarınıń jeke kompetenсiyalarınıń ayrıqsha qásiyetleri keste formasında berilip atır.


Tómende biologiya oqıtıwshılarınıń jeke pedagogikalıq kompetenсiyaları, olardıń mánisi hám kompetenсiyalıq jantasıw talapları tiykarında pedagogikalıq iskerlikke kirgizetuǵın ózgertiwler keste formasında berilip atır.