2 amaliy mashg‘ulot sharli tegirmon Hisobi Ishdan ko‘zlangan maqsad

2 - amaliy mashg‘ulot
SHarli tegirmon Hisobi
1. Ishdan ko‘zlangan maqsad.
SHarli tegirmonning tuzilishi va ish tarzini o‘rganish. Uning hisob asoslarini bajarish. Barabanning aylanishining chastotasi, tegirmon unumdorligi va yuritgich quvvatini hisoblash.
2. Nazariy qism.
SHarli tegirmonlar sement, keramika va shisha ishlab chiqarishda materiallarni dag‘al va mayin tuyish uchun ishlatiladi. SHarli tegirmonlarning ishlash moxiyati aylanayotgan baraban ichidagi materialni markazdan qochuvchi kuch ta’sirida yuqoriga ko‘tarilgan va erkin tushayotgan maydalovchi jismlar bilan zarb va qisman ishqalanish kuchi vositasida maydalashdan iborat.
SHarli tegirmonlar asosiy belgilariga ko‘ra quyidagicha tavsiflanadi:
A) Barabanning tuzilishi va to‘siqlarning mavjud yoki yo‘qligiga qarab;
a) Silindrsimon, ular qisqa va uzun, ichki to‘siqli va to‘siqsiz, bir yoki ko‘p kamerali;
b) Konussimon.
B) Silindrsimon va konussimon tegirmonlar po‘lat shar yoki sterjen, chaqmoq toshli shag‘al, zoldir va boshqa maydalovchi jismlar bilan to‘ldiriladi.
SHarli tegirmonlar ishlash usuliga ko‘ra:
a) davriy;
b) uzluksiz tarzda ishlaydiganlarga ajratiladi.

1-rasm. Davriy sharli tegirmon
Davriy sharli tegirmon keramika sohasida keng qo‘llaniladi, ular konstruktiv tuzilishiga ko‘ra ancha sodda, ikkita podshipnik (2) aylanadigan po‘lat baraban (1) dan iborat, harakat elektr yuritgich (3) reduktor (4), friktatsiyali jufti (5) va tishli uzatma (6) lar orqali amalga oshiriladi (1-rasm).
Uzluksiz ishlaydigan sharli tegirmonlarda diametrning uzunligiga nisbati odatda, birga yaqin bo‘ladi va xo‘l usulda yaxshi yanchishni ta’minlaydi. Tegirmonga yuklanadigan material 0,40,45 t/m³ hajmda bo‘ladi, va ichki yuzasi chinni yoki kremniy plitalar bilan qoplanadi. Maydalovchi jismlar sifatida kremniyli toshlar yoki chinni sharlardan foydalaniladi va ularning og‘irligi maydalanayotgan material og‘irligiga teng bo‘ladi. Bu tegirmonlarning unumdorligi ish siklining davri bilan (yuklash, maydalash va bo‘shatish vaqtlarni yig‘indisi) aniqlanadi. SHarli tegirmonlarda tuyish vaqti, uning o‘lchamlari, maydalanadigan materiallarning zarralarini o‘lchamlari, tuyilish qobiliyati va maydalash darajasiga bog‘liq.