2-мавзу (4)

3.1.2-МАВЗУ: АВТОМОБИЛЬ ТРАНСПОРТИДА ЮКЛАРНИ ТАШИШ УЧУН ОҒИР ВАЗН ВА КАТТА ҲАЖМЛИ МЕЪЁРЛАРНИ ТАРТИБГА СОЛИШ
Ўзбекистон Республикаси Вазирлар Маҳкамасининг 2011 йил 26 декабрдаги “Ўзбекистон республикаси ҳудудидаги автомобиль йўлларида хавфсизликни таъминлаш ва ташкил этиш чора-тадбирлари тўғрисида” ги 342-сонли қарори. Автомобиль транспортида оғир вазн ва катта ҳажмли юкларни ташишда ишлатиладиган асосий тушунча ва атамалар.Автомобиль йўлларини қуриш (таъмирлаш ва реконструкция қилиш) лойиҳаларини келишиш, тасдиқлаш ва таъмирлаш ишларини ташкил этиш тартиби
Автомобиль йўлларидан ҳамда уларга ажратилган минтақалардан фойдаланиш тартиби.Ваколатли органлар томонидан автомобиль йўллари ва унинг минтақасини назорат қилиш тартиби.Катта ҳажмли ва оғир вазнли юкларни автомобиль транспортида ташишда ҳаракат хавфсизлигини таъминлаш қоидалари.Махсус рухсатномаларни бериш ва ҳаракатланиш йўналишини келишиш тартиби.Юк ташишга рухсатнома беришда қўйиладиган талаблар. Ҳайдовчиларга қўйиладиган қўшимча талаблар
Транспорт воситаларининг техник ҳолати ва жиҳозланишига ҳамда юкларнинг белгиланишига қўйиладиган қўшимча талаблар. Оғир вазнли транспорт воситаларининг сунъий иншоотлардан ўтишдаги алоҳида ҳолатлари.
2.1. Автомобиль транспортида оғир вазн ва катта ҳажмли юкларни ташишда ишлатиладиган асосий тушунча ва атамалар
автомобиль йўли — транспорт воситалари ҳаракатланиши учун мўлжалланган, уларнинг белгиланган тезликда, оғирликда, ўлчамларда муттасил ва хавфсиз ҳаракатланишини таъминлайдиган муҳандислик иншоотлари мажмуаси, шунингдек ушбу мажмуани жойлаштириш учун ажратилган ер участкалари ва мажмуа устидаги белгиланган доирадаги бўшлиқ;
автомобиль йўлининг ўқ чизиғи — қатнов қисми ёки ажратувчи тасма ўртасидан ўтувчи шартли чизиқ;
автомобиль йўлларини ривожлантириш чизмаси — иқтисодиёт тармоқлари ҳамда ҳудудларни ривожлантиришга боғлиқ ҳолда автомобиль йўлларини ривожлантиришнинг мақсади ва асосий кўрсаткичларини, уларни лойиҳалаш, қуриш, таъмирлашнинг мақсадга мувофиқлигини асословчи ва техник даражасини ошириш бўйича бошқа тадбирларни ўз ичига олган чизма;