4. Yillik ish rejimi va vaqt fondi. Yillik ishlab chiqarish rejasi va mehnat sig‘imi Reja

4. Yillik ish rejimi va vaqt fondi. Yillik ishlab chiqarish rejasi va mehnat sig‘imi


Reja:

1. 
   Yillik ish rejimi.
   
2. 
   Yillik vaqt fondi va uning turlari.
   
3. 
   Ishchining nominal va haqiqiy yillik vaqt fondlari.
   
4. 
   Ish joyi va jihozning yillik vaqt fondlari.
   
5. 
   Bo‘lim va uchastkalarning yilik ishlab chiqarish rejasi.
   
6. 
   Keltirilgan yillik ishlab chiqarish rejasi.
   
7. 
   Ishlab chiqarishning mehnat sig‘imi.
   

Adabiyotlar – 1,2,3,4.


Tayanch iboralar: Ishlab chiqarish rejasi, keltirilgan yillik ish rejasi, mehnat sig‘imi, ish rejimi, yillik vaqt fondi, nominal va haqiqiy vaqt fondi, jihozdan foydalanish koeffitsienti.


1. Ish rejimi va yillik vaqt fondi

Bo‘lim va uchastkalarning ish rejimi yillik ish kuni va sutkadagi ish smenalar soni, hamda ish smenalarining davomiyligi bilan aniqlanadi.

Yillik ish kuni muayyan ishlab chiqarishning uzluksiz va uzlukligiga bog‘liq. Ishlab chiqarish bo‘lim va uchastkalarning ish jarayoni asosan uzlukli bo‘lib, unda yillik ish kuni yil davomidagi dam olish va bayram kunlarini inobatga olgan holda hisoblanadi. Lekin ayrim hollarda, masalan servis xizmat ko‘rsatish korxonalarning ishlab chiqarish bo‘lim va uchastkalarida ish jarayonning uzluksiz shakli qabul qilingan.
Sutkadagi smenalar soni ishlab chiqarish sharoiti va uning hajmiga bog‘liq bo‘lib, u bir yoki ikki, ayrim hollarda termik va galvanik uchastkalarda uch smenali bo‘lishi mumkin.
Ish smenalarning davomiyligi va ishchilarni ta’til kunlari mutaxassisliklarning xususiyati va mehnat qonuniyatchiligi asosida belgilanadi.


2. Yillik vaqt fonldi va uning turlari

Yillik vaqt fondi ishlab chiqarish jarayonining tarkibiy xususiyatidan kelib chiqqan holda quyidagilarga bo‘linadi:

1. 
   Ishchining yillik vaqt fondi. U o‘z navbatida nominal va haqiqiy fondlarga turlanadi.
   
2. 
   Ish joyining yillik vaqt fondi.
   
3. 
   Jihozning yillik vaqt fondi.