Алишер Навоий номидаги Ўзбекистон Миллий кутубхонасининг 2023–2025-йиллар учун

Меҳнат жамоасининг умумий йиғилиши (конференцияси)да маъқулланган
2023-йил “____”__________
Баён № ___


Алишер Навоий номидаги Ўзбекистон Миллий кутубхонасининг
2023–2025-йиллар учун
ЖАМОА ШАРТНОМАСИ

Меҳнат жамоасининг йиғилиши (конференцияси) қарорига биноан жамоа шартномасига имзо чекдилар:

Иш берувчи	Касаба уюшмаси қўмитаси раиси
_____________________ У. Тешабаева (Ф.И.О.)	____________________ Л. Нарзиев (Ф.И.О.)

2023-йил “28”-апрел 2023-йил “28”-апрел

Жамоа шартномаси ижтимоий-меҳнат масалалари бўйича комиссиянинг қуйидаги аъзолари иштирокида имзоланди:
Иш берувчи вакиллари Ходимлар вакиллари

1. Н. Холдорова 1. М. Муратова

2. С. Джампулатов 2. Б. Халматов

3. Н. Худойбердиев 3. А. Абидова

I. УМУМИЙ ҚОИДАЛАР

1.1. Мазкур жамоа шартномаси (кейинги ўринларда – Шартнома) Алишер Навоий номидаги Ўзбекистон Миллий кутубхонасида (кейинги ўринларда – Миллий кутубхона) якка тартибдаги меҳнатга оид муносабатларни ва улар билан бевосита боғлиқ бўлган ижтимоий муносабатларни тартибга солувчи меҳнат тўғрисидаги ҳуқуқий ҳужжат ҳисобланиб, Ўзбекистон Республикаси Конституцияси, Ўзбекистон Республикаси Меҳнат кодекси, Ўзбекистон Республикаси “Аҳоли бандлиги тўғрисида”, “Меҳнатни муҳофаза қилиш тўғрисида”, “Ижтимоий шериклик тўғрисида”, “Касаба уюшмалари тўғрисида”ги Қонунларига, Ўзбекистон Республикаси Вазирлар Маҳкамаси, Ўзбекистон касаба уюшмалари Федерацияси Кенгаши ва Ўзбекистон Иш берувчилар Конфедерацияси ўртасида ижтимоий-иқтисодий масалалар бўйича 2023–2025-йиллар учун тузилган БОШ ЖАМОА КЕЛИШУВга, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ҳамда Ўзбекистон ахборот технологиялари ва оммавий коммуникация ходимлари касаба уюшмаси Республика Кенгаши ўртасида тузилган Тармоқ келишувига, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ва Миллий кутубхонанинг ҳуқуқий-меъёрий ҳужжатларга асосланиб тузилган.

1.2. Шартнома Миллий кутубхонани ижтимоий-иқтисодий ривожлантиришнинг асосий йўналишларини, меҳнат шароитлари ва унга ҳақ тўлашни, ходимлар учун ижтимоий кафолатларнинг қуйи чегараларини белгилаб берувчи меъёрий ҳужжат ҳисобланади.