Bilim, O’quv hamda malakalarni baholashning reyting tizimi

Bilim, O’quv hamda malakalarni baholashning reyting tizimi

Reja:

1. 
   
   O`qitishning reyting tizimi, uning maqsadi
   
2. 
   
   Bilim, o`quv hamda malakalarni tekshirish
   
3. 
   
   Baholashning reyting tizimi
   
4. 
   
   Reyting tizimining mazmuni va uning bosqichlari
   
5. 
   
   Amaliy, laboratoriya mashg`ulotlarining o`quvchilar bilimini chuqurlashtirishdagi ahamiyati
   

O`zbekiston Respublikasining Kadrlar tayyorlashning milliy dasturi hamda Vazirlar Maxkamasining 204-sonli karorida ko`zda tutilgan Reyting tizimi o`rta maxsus, kasb-hunar ta`limi davlat ta`limi standartlarining tarkibiy qismi bo`lib, uni bajarilishi barcha akademik liseylar va kasb-hunar kollejlari uchun majburiydir deb belgilab qo`yilgan.

Ta`lim sohasida reyting tizimini qo`llanilishida asosan quyidagi maqsadlar ko`zda tutilgan:
-reyting tizimi o`quvchilar bilim ko`rsatkichlari darajasini, malakasini shakllantirish, o`quvchini o`qishga va foydali mehnatga bo`lgan munosabatini ob`ektiv -kompleks baholab beradi;
-reyting, o`quvchi shaxsini sifat ko`rsatkichini aniqlaydigan sonli ko`rsatkichdir;
-o`quvchilarni doimiy baholash va ular olgan baholarni takkoslab borish;
-o`quvchilarda o`qishga intilishga va o`zaro bellashishga imkoniyatni shakllantirish, ularni shu ruxda tarbiyalash;
O`quv yurtlarida ishlab chiqarish ta`limi ustalari hamda o`qituvchilarning pedagogik faoliyatini to`ғri baholash;
-o`quvchilar bilim saviyasi va malaka ko`nikmalarini xaqqoniy baholash;
-o`quvchilarni darslarga katnashish intizomini yaxshilash va ularning fanlar bo`yicha uzluksiz tayyorgarligini tashkil etish;
-o`quvchi va o`qituvchining o`z faoliyatini oldindan rejalashtirish, o`quv jarayonining borishini tezkor tahlil qilish, o`z faoliyatida zaruriy o`zgartirishlar kiritish imkoniyatini yaratish.
Reyting tizimi yuqorida sanab o`tilgan maqsadlarni o`zida mujassamlashtirgan bo`lib, o`quvchilarning bilim sifatini xaqqoniy baholash, ularning bilimini o`zaro takkoslash orqali o`quv jarayonida musobaka, ya`ni bellashish muxitini yaratish imkonini beradi.