Dasturiy ta'minot va uning rivojlanib borish tendensiyalari

Dasturiy ta'minot va uning rivojlanib borish tendensiyalari
Reja:
1. Dasturiy ta'minotning asosiy tushunchalari.
2. Dasturiy mahsulotlarning tasnifi.
3. Tizimli dasturiy ta'minot tushunchasi va ularning tasnifi.
4. Bazaviy dasturiy ta'minot.
5. Servisli dasturiy ta'minot .
6. Dasturlash texnologiyalarning qurollarini tasnifi.
7. Ilovalar yaratish uchun vositalar.
8. Windows operatsion tizimi haqida umumiy tushunchalar.
9. Windows XP tizimining alohida xususiyatlari.
10. Windows operatsion tizimining menyulari.
11. Windows operatsion tizimining oynalari va ular bilan ishlash.

1. Dasturiy ta'minotning asosiy tushunchalari


Dastur (program, routine)- masalani echish uchun kompyuter buyruqlari (yo’llanmalari)ning tartibga solingan izchilligidir.
Dasturiy ta'minot (software)- ma'lumotlarni ishlab chiqish dasturlari majmuasi va ulardan foydalanish uchun zarur hujjatlar.
Masala (problem,task) – echilishi kerak bo’lgan muammodir.
Ilova (application) – masalani echishning kompyuterdagi dasturiy amalga oshirilishi.
Masalar quyidagi turlarga bo’linadi:
- Texnologik masalalar axborotlarni kompyuterda ishlab chiqishning texnologik jarayonini tashkil qilishda qo’llaniladi va echiladi.
Texnologik masalalar kompyuterning ish qobiliyatini ta'minlash, boshqa dasturlarni ishlab chiqish va vazifaviy masalalar ma'lumotlarini ishlab chiqish uchun qo’llaniladigan utilit, servis dasturlari, protseduralar kutubxonalari ko’rinishidagi servisli dasturiy ta'minot vositalarini ishlab chiqish uchun asos bo’ladilar.
- Vazifaviy masalalar predmet sohalarining axborot tizimlari doirasidagi boshqaruv vazifalarini amalga oshirishda echishni talab qiladilar.
Vazifaviy masalalar majmuasida predmet sohasini tashkil qiladilar va uning ihtisosi to’liq belgilab beradilar.