Lekciya 3 Tema :::: Tabiyattanıwdı oqıtıw metodları

---

 
Lekciya - 3 
Tema
::::
 Tabiyattanıwdı oqıtıw metodları
Joba 
::::
 
1. Oqıtıw metodları haqqında ulıwma túsinik.
2. Tábiyattı awızeki oqıtıw metodları. 
3. Kórgizbeli qurallardı kórsetiw tiykarında sáwbet.
4. Oqılģan sabaqlıq teması (maqalası) tiykarında sáwbet.
Tayanısh túsinikler: 
Oqıtıw metodları, awızeki oqıtıw metodı, gúzetiw-kórgizbeli metodı, 
súwretli kórgizbeli qurallar, oqılģan sabaqlıq teması (maqalası), ámeliy oqıtıw 
metodları, kórgizbeli oqıtıw metodları, metodikalıq usıl.
 
1. Oqıtıw metodları haqqında ulıwma túsinik.
Oqıtıw metodı degende oqıtıwsı hám oqıwshılardıń óz ara baylanısqan 
iskerligi túsiniledi, bul processte oqıwshılar tárepinen bilim, oqıw hám kónlikpeler 
ózlestiriledi, olardıń ańlaw qábiliyetleri rawajlanadı, dunya qarası qáliplesedi.
Tábiyattanıwdı oqıtıw ámeliyatında túrli oqıtıw metodları qarar tapqan. 
Biraq, bul júdá áhmiyetli belgilerge qarap olardı tólemdegishe gruppalaw múmkin:
a) oqıwshılar bilim alatuģın derekler; 
b) oqıwshılar iskerliginiń xarakteri; 
d) oqırıw processinde oqıwshılar iskerliginiń xarakteri 
Tábiyattanıwdı oqıtıw metodları tiykarınan 3 toparģa bólinedi. 
Awızeki oqıtıw metodlarıi 
−−−−
materialdı oqıtıwshınıń awızeki bayan etip 
beriwi, sáwbet ótkiziwi, kitap penen islesiw. 
Kórgizbeli oqıtıw metodları 
−
demontraciya qılıp kórsetiw, ózinshe 
gúzetiwler, ekskursiyalar.. 
Ámeliy oqıtıw metodları
−−−−
awızeki hám jazba shınıģıwlar, grafik hám 
laboratoriya jumıslar. 
Oqıtıw metodların metodikalıq usıllar menen adastırmaw kerek. 
Metodikalıq usıl tek metodtıń elementlerinen biri, onıń quramlıq bólegi 
(kórgizbeli qurallardı, kinofilmlerden fragmentlerdi, diafilm, diapozitivlerdi 
kórsetiw, doskadaģi sxemalardan, súwretlerden paydalanıw, tájiriybelerdi 
kórsetiw, geografiya maydanshası, mektep aldı maydanındaģı ámeliy isler 
waqtında ol yaki bul basqa iskerlikti kórsetiw hám basqalar). Metod hám 
metodikalıq usıllar óz ara baylanıslı. Olardıń didaktikalıq birligi sonnan ibarat, olar 
bir-birine ótiwi múmkin. Máselen, oqıwshılar atqaratuģın tájiriybeler oqıtıw 
metodı esaplanadı, tájiriybeni oqıtıwshı tárepinen hikaya waqtında kórsetiliwi 
metodikalıq usıl esaplanadı. Hikaya dawamında oqıtıwshı tárepinen hikaya 
waqtında kórsetiliwi metodikalıq usıl. Hikaya dawamında oqıtıwshı tárepinen 
diafilm kórsetiliwi metodikalıq usıl esaplanıp, oqıw filmlerin kóriw, oqıtıw metodı 
da bolıwı múmkin. Metod hám usıllardan hám usıllardan kompleksli túrde 
paydalanıladı, olar bir-birin toltıradı, úyrenilip atırģan tábiyat deneleri hám 
hádiyselerin balalar tárepinen qabıl qılıp alınıwın jaqsılawģa, tábiyattanıw kursında 

---

túsiniklerdi tuwrı qáliplesiwine xızmet qıladı. Hár bir metod túri kishi usıllardan 
ibarat.