Oilaning elektron onlayn-auksion orqali yer uchastkasini sotib olish bilan
Download 85.87 Kb. Pdf ko'rish
|
122-сон 23.03.2023(1)
- Bu sahifa navigatsiya:
- BOG‘LIQ XARAJATLARINI QOPLAB BERISH TARTIBI TO‘G‘RISIDAGI NIZOMNI TASDIQLASH HAQIDA
|
O‘ZBEKISTON RESPUBLIKASI VAZIRLAR MAHKAMASINING QARORI NOGIRONLIGI BO‘LGAN SHAXSNING VA TARKIBIDA NOGIRONLIGI BO‘LGAN SHAXS BOR OILANING ELEKTRON ONLAYN-AUKSION ORQALI YER UCHASTKASINI SOTIB OLISH BILAN BOG‘LIQ XARAJATLARINI QOPLAB BERISH TARTIBI TO‘G‘RISIDAGI NIZOMNI TASDIQLASH HAQIDA “ Yer munosabatlarida tenglik va shaffoflikni ta’minlash, erga bo‘lgan huquqlarni ishonchli himoya qilish va ularni bozor aktiviga aylantirish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida ”gi hamda “ Nogironligi bo‘lgan shaxslarning huquqlari to‘g‘risida ”gi O‘zbekiston Respublikasi Qonunlariga muvofiq Vazirlar Mahkamasi qaror qiladi: 1. “Nogironligi bo‘lgan shaxslarning huquqlari to‘g‘risida”gi O‘zbekiston Respublikasi Qonunining 22-moddasida nogironligi bo‘lgan shaxslarning va o‘z tarkibida nogironligi bo‘lgan shaxs bor oilalarning elektron onlayn-auksionlar vositasida yer uchastkalarini sotib olish bilan bog‘liq xarajatlarining o‘rni Vazirlar Mahkamasi tomonidan belgilangan tartibda qoplanishi nazarda tutilganligi ma’lumot uchun qabul qilinsin. 2. Quyidagilarni nazarda tutuvchi Nogironligi bo‘lgan shaxsning va tarkibida nogironligi bo‘lgan shaxs bor oilaning elektron onlayn-auksion orqali yer uchastkasini sotib olish bilan bog‘liq xarajatlarini qoplab berish tartibi to‘g‘risidagi nizom ilovaga muvofiq tasdiqlansin: elektron onlayn-auksion orqali yer uchastkasini sotib olgan nogironligi bo‘lgan shaxsga va tarkibida nogironligi bo‘lgan shaxs bor oilaga (keyingi o‘rinlarda — imtiyozli toifadagi shaxslar) bir martalik moddiy yordam ko‘rsatish; imtiyozli toifadagi shaxslarning elektron onlayn-auksion orqali yer uchastkasini sotib olish bilan bog‘liq xarajatlarini qoplab berish tartibi va moliyalashtirish manbalari; imtiyozli toifadagi shaxslarning murojaatlarini tumanlarda (shaharlarda) tashkil etiladigan Komissiya tomonidan ko‘rib chiqish; elektron onlayn-auksion orqali yer uchastkasini sotib olgan imtiyozli toifadagi shaxslar ro‘yxatini shakllantirish va yuritish. 3. Belgilab qo‘yilsinki, elektron onlayn-auksion orqali yer uchastkasini sotib olish xarajatlaridan kelib chiqqan holda, oila tarkibidagi nogironligi bo‘lgan shaxslar sonidan qat’i nazar, bazaviy hisoblash miqdorining 100 baravarigacha miqdorda bir martalik moddiy yordam ajratiladi. Bunda elektron onlayn-auksion orqali yer uchastkasini sotib olish xarajatlari miqdori bazaviy hisoblash miqdorining 100 baravarigacha bo‘lganda to‘liq, xarajatlar miqdori ushbu chegaradan yuqori bo‘lgan hollarda esa xarajatlarning bazaviy hisoblash miqdorining 100 baravarigacha bo‘lgan qismi qoplab beriladi. 4. Belgilansinki, imtiyozli toifadagi shaxslarning elektron onlayn-auksion orqali yer uchastkasini sotib olish bilan bog‘liq xarajatlari: “Ayollar daftari”ga kiritilgan shaxslar uchun — “Ayollar daftari” jamg‘armasi; “Yoshlar daftari”ga kiritilgan shaxslar uchun — “Yoshlar daftari” jamg‘armasi; “Temir daftar”ga kiritilgan shaxslar uchun — “Saxovat va ko‘mak” jamg‘armasi hisobidan tegishlicha mazkur jamg‘armalar faoliyatini muvofiqlashtiruvchi tashkilotlar tomonidan moliyalashtiriladi. 5. O‘zbekiston Respublikasi Adliya vazirligi Raqamli texnologiyalar vazirligi bilan birgalikda 2023-yil 1-iyunga qadar imtiyozli toifadagi shaxslarning elektron onlayn-auksion orqali yer uchastkasini sotib olish, shuningdek, sotib olish bilan bog‘liq xarajatlarni qoplab berish jarayonlarini Yagona interaktiv davlat xizmatlari portali orqali amalga oshirish bo‘yicha Vazirlar Mahkamasiga taklif kiritsin. Bunda O‘zbekiston Respublikasi Iqtisodiyot va moliya vazirligi, Kambag‘allikni qisqartirish va bandlik vazirligi, Davlat aktivlarini boshqarish agentligi, Iqtisodiyot va moliya vazirligi huzuridagi Kadastr agentligi ma’lumotlar bazalarining axborot tizimlari Yagona interaktiv davlat xizmatlari portaliga integratsiya qilinishi nazarda tutilsin. 6. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari: imtiyozli toifadagi shaxslarning elektron onlayn-auksion orqali yer uchastkasini sotib olish xarajatlarini qoplash uchun zarur mablag‘lar o‘z vaqtida ajratib borilishini; bir hafta muddatda Nogironligi bo‘lgan shaxsning va tarkibida nogironligi bo‘lgan shaxs bor oilaning elektron onlayn-auksion orqali yer uchastkasini sotib olish bilan bog‘liq xarajatlarini qoplab berish komissiyasi tarkibining tasdiqlanishini ta’minlasin. 7. O‘zbekiston Respublikasi Kambag‘allikni qisqartirish va bandlik vazirligi hamda Iqtisodiyot va moliya vazirligi: manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin; O‘zbekiston Milliy axborot agentligi va O‘zbekiston Milliy teleradiokompaniyasi bilan birgalikda mazkur qarorning mazmun-mohiyatini ommaviy axborot vositalarida muntazam va keng yoritib borsin. 8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov hamda O‘zbekiston Respublikasi kambag‘allikni qisqartirish va bandlik vaziri B.A. Musayev zimmasiga yuklansin. Download 85.87 Kb. Do'stlaringiz bilan baham: 
|