Qobiljonova Diyoraning "Insonga e’tibor va sifatli ta’lim"

O’zbekiston Milliy Universiteti

Biologiya fakulteti Biologiya (turlari bo’yicha)
2-kurs BBU 21-03 guruh talabasi
Qobiljonova Diyoraning “Insonga e’tibor va sifatli ta’lim”
Mavzusida tayyorlagan inshosi.

Insonga e’tibor va sifatli ta’lim

Reja :
I Kirish.
1.Muhtaram prezidentimiz tomonidan kirib kelgan 2023-yil uchun berilgan ushbu nom asosida qanday maqsadlar borligini anglash.
2.Insonga e’tibor tamoyillari, xalqning istak va xohishlarini o’rganish va muammolarini bartaraf etilishiga qaratilgan ustuvor maqsadlar.
3.Eng jiddiy va og’riqli masalalardan biri bo’lgan ta’lim tizimiga bo’lgan yangicha yondashuvlar, ta’limni tizimli isloh qilshga qaratilgan yangi strategiyalar.
II Asosiy qsim:
a) “Insonga e’tibor va sifatli ta’lim” yili uchun belgilangan ustuvor yo’nalishlar.
b) Ta’limni rivojlantirish masalasi, yangi Finlyandiya ta’lim dasturi ustuvorligi, maktabgacha ta’lim va maktab ta’limi uzviyligini ta’minlanishi haqida fikrlarim.
c) Oliy ta’lim sohasining bugungacha erishgan yutuqlari, bartaraf etilishi kerak bo’lgan muammolar haqida.
III Xulosa.
“Zakovat bor joyda ulug’lik bo’ladi, bilim bor joyda buyuklik bo’ladi”
Yusuf Xos Hojib.
Bugun yoritishga harakat qilayotgan ushbu mavzuni boshlashdan avval inshoga epigraf qilib tanlagan yuqoridagi jumlani bejiz keltirganim yo’q.Muhtaram Prezidentimiz kirib kelgan yangi yilga nom berishdan avval o’z so’zlarini aynan Yusuf Xos Hojibning ushbu satrlari bilan boshlaganlari, menga ham o’zgacha ruh,mavzuning tub mohiyatini anglashga madad bo’lmoqda desam mubolag’a bo’lmaydi. Men yosh mutaxxassis, millatning bir bo’lagi, farzandi sifatida bugunda davlatimizda olib borilayotgan islohotlarga, yutuqlarga va albatta yechimini kutayotgan ayrim masalalarga o’z fikrlarimni to’liq yoritib berish ilinjidaman.
Insonga e’tibor va sifatli ta’lim. “Xalq bizdan nimani istaydi ?” bugun davlat har bir islohot uchun xalq istaklarini muhim o’ringa ko’taroyotgani, yuqori mansabdor shaxslarning quyi qismlarga, kerak bo’lsa mahalla , oilalarga kirib muammolarini o’rganayotgani juda quvonarli holat. Prezidentimizning