Texnologik jihoz

2-MAVZU
TEXNOLOGIK JIHOZLARNING TURLANISHI
Reja:
1. “Texnologik jihoz” tushinchasi.
2. Jihozlarning umumlashgan holda turlanishi va tasnifi.
3. Jihozlarning talab qilingan va haqiqiy nomeklaturasi.
4. Transport vositalariga texnik xizmat ko‘rsatish va ta’mirlashda ishlatiladigan nazorat-diagnostika va texnologik jihozlar.
5. Jihozlarning bajaradigan funksiyalari va konstruktiv tuzilishi bo‘yicha tavsifi. Texnologik jihozlarga qo‘yiladigan talablar.
Тexnologik jihozlarning tasnifi va vazifalari
Тexnologik jihozlarni funksional ahamiyati bo’yicha turlari. Avtoservis korxonalarida qo’llaniladigan texnologik jihozlar juda ham turli tuman bo’lib, ularning turlari, ko’rinishi, texnikaviy tavsifi avtomobilga ko’rsatiladigan texnik xizmatning mohiyatidan kelib chiqadi. Shu bilan bir qatorda ТХK va JТ ishlarini bajarashda vazifasi bir xil, ammo ko’rinishi va qo’llanilishida qulayligi bilan farqlanuvchi texnologik jihozlar va asbob uskunalar ham mavjud.
Тexnologik jihozlarni funksional ahamiyati bo’yicha turlari deganda, uni ТХK va JТ ishlarini mexanizatsiyalash vositasi sifatidagi bajaradigan ishlari bo’yicha bo’linishi tushuniladi.
Avtomobillarga ТХK va JТ ishlari turlari, texnologiyasi va ularni amalga oshirishni tashkil etish texnologik jihozlarni funksional ahamiyati bo’yicha turlashni taqozo etadi. Shu sababli texnologik jihozlar quyidagi turlarga bo’linadi va ularning ulushlari foizda ko’rsatilgan:

1. 
   Mehnat unumdorligini oshirishga xizmat qiluvchi jihozlar (gaykaburagich, konveyer) – 37%;
   
2. 
   Ish sifatini oshiruvchi jihozlar (ko’targich, diagnostika jihozlari, domkratlar) – 16%;
   
3. 
   Ishchilarning ishtirokisiz bajarib bo’lmaydigan jihozlar – (maxsus asboblar (kalit), kompressor, vannalar, tokar-jilvirlash stanoklari va boshqalar) – 34%;
   
4. 
   Ko’p toifali jihozlar – (yuvish qurilmalari, diagnostika stendlari va boshqalar) – 13%.