Tushunchasi

1. 
   FANNING MAQSADI VA VAZIFALARI. SOLIQ TUSHUNCHASI. SOLIQNING IQTISODIY MOHIYATI VA AHAMIYATI.
   

1. 
   «Soliq huquqi fanining maqsadi va vazifalari
   

Soliq munosabatlari davlatning bajaradigan vazifa va faoliyati amaliy jarayonining ibtidosini tashkil etadi. Chunki har qanday ustqurma muayyan iqtisodiy bazisdan oziqlanadi.
«Soliq huquqi» fani soliqlarning nazariy jihatlarini, xususiyat- larini o‘rganishdagi asosiy fan hisoblanadi. Fanning predmetiga to‘xtalishdan oldin «Soliq» kategoriyasini to‘liq anglab olish lozim. «Soliq» kategoriyasi — bu muhim iqtisodiy jarayon bo‘lib, uning paydo bo‘lishi va amal qilishi kishilik jamiyatining mavjudligi bilan chambarchas bog‘liqdir. Soliqlar har bir davlat faoliyatining moddiy jihatlarini ta'minlaydi. Iqtisodiyotni davlat tomonidan tartibga solishning muhim vositasi hisoblanadi.
Amaliyotda va umuman, iqtisodiy fanda soliqlarning mohiyatiga nisbatan turlicha qarashlar mavjud. $hu sababli, ushbu kategoriya har bir davlat tomonidan o‘ziga xos tarzda foydalaniladi.Davlat asta-sekin rivojlanib borishi bilan, uning funksiyalari ham muvofiq ravishda kengayib boradi. Bu esa, soliqlarga nisbatan qo‘yiladigan talabning kuchayishiga olib keladi. Shu sababli, soliq tizimi tobora murakkab va ko‘p qirrali bo‘lib boradi. Kishilik jamiyati rivojlanishi tarixi shuni ko‘rsatadiki, davlat ma'muriy boshqaruv bilan shug‘ullangan hollarda, uning ehtiyojlari ma'lum darajada saqlanib qoladi, davlatning iqtiso- diyotni boshqarish majburiyati paydo bo‘lsa, uning xarajatlari va aholidan olinadigan tushumlari ko‘payadi. Bunday holatda soliqlarning shakllari rang-baranglashib boradi.
Har qanday fan o‘zining predmetiga, ya'ni izlanish obyektiga ega bo‘ladi. Masalan, «Texnologiya» fanining predmeti bo‘lib, kimyoviy moddalarning tarkibini o‘rganish hisoblansa, «Mashinasozlik» fani uchun mashinalar mexanizmi xarakterlidir, «Soliq
huquqi» fanining predmeti esa soliq munosabatlari (harakati)ni o‘rganishdir.
Demak,