& Bag`ιnιn`qlι qospa ga`p
Bag`ιnιn`qιlι qospa ga`ptin` quramιndag`ι jay ga`pler ma`nilik jaqtan biri ekinshisin sιpatlap,tu`sindiriw jol menen baylanιsadι.Mιsalι Shapqan attιn` ayaq sesti esitilip,Shamurat dalag`a juwιrιp shιg`ιp ketti.
Bul mιsalda shapqan attιn` ayaq sesti esitilip degen birinshi jay ga`p Shamurat dalag`a juwιrιp shιg`ιp ketti degen ekinshi jay ga`pti ma`nilik jaqtan sιpatlap,og`an g`a`rezli aytιladι,yag`nιy Shamurattιn` dalag`a juwιrιp shιg`ιp ketiwine shapqan attιn` ayaq sestinin` esitiliwi sebepshi.Demek,bundag`ι birinshi jay ga`p ekinshi jay ga`pti sebep ma`nisinde sιpatlaydι
Qospa ga`ptin` quramιndag`ι jay ga`plerdin` biri ekinshisin ma`nilik jaqtan tu`sindirip ,bag`ιna baylanιsqan tu`rine bag`ιnιn`qιlι qospa ga`p dep ataladι.
Bag`ιnιn`qιlι qospa ga`p eki tu`rli bo`lekten—bag`ιnιn`qι ga`p ha`m bas ga`pten du`ziledi.Jay ga`plerdin` ma`nilik jaqtan bas ga`pke g`a`rezli tu`sindiriwshi bo`legi bag`ιnιn`qι ga`p dep ataladι. Bag`ιnιn`qι ga`pti o`zine bag`ιndιrιp kelgen bo`lek bas ga`p dep ataladι. Mιsalι Shamurat shayιn iship bola kelgende,esikten Kewlimjay kirip keldi.
Bul mιsalda Shamurat shayιn iship bola kelgende degen jay ga`p bag`ιnιn`qι ga`p,esikten Kewlimjay kirip keldi degen ga`p bas ga`p.Bunda bag`ιnιn`qι ga`p bas ga`pke ma`nilik jaqtan g`a`rezli bolιp,onι waqιtlιq ma`nide sιpatlaydι ha`m qashan? Degen sorawg`a juwap beredi.Yag`nιy bag`ιnιn`qι ga`p bas ga`ptegi is-ha`rekettin` isleniw waqιt bildiredi.
Bag`ιnιn`qι ga`p, tiykarιnan,bas g`apten burιn keledi.Bul jag`day,ko`binese prozalιq shιg`armalardan orιn aladι.Mιsalι Paraxod ko`z ushιna ketkenshe,xalιq qaytpaydι. Qar ko`p jawsa,egin zu`ra`a`tli boladι.
Do'stlaringiz bilan baham: |
