1-§. Direktor Lavozim vazifalari

Klassifikator boʻyicha:

t/r	Lavozim nomi	MMSK boʻyicha kodi	Xodimlar toifasi	Taʼlimning eng past darajasi
538	Direktorning moliya-iqtisod ishlari boʻyicha oʻrinbosari	1120	Boshqaruv	O/M

6-§. Harbiy chaqiriqqa qadar tayyorgarlik rahbari


Lavozim vazifalari:
Oʻzbekiston Respublikasi “Umumiy harbiy majburiyat va harbiy xizmat toʻgʻrisida”gi qonuni, Oʻzbekiston Respublikasi Vazirlar Mahkamasining “Oʻzbekiston Respublikasi yoshlarni harbiy xizmatga tayyorlash tizimini yanada takomillashtirish toʻgʻrisida” gi qarori, “Chaqiriqqa qadar boshlangʻich tayyorgarlikni tashkil etish va uni amalga oshirish tartibi toʻgʻrisida”gi Nizom talablari asosida, mudofaa va milliy havfsizlikni taʼminlash sohasidagi qonun hujjatlari asosida ishlarni olib borish;
oʻquvchilarga fuqaro muhofazasi asoslari, birinchi tibbiy yordam koʻrsatish, harbiy texnika tavsiflarini oʻrgatish, ularni vatanparvarlik ruhida tarbiyalash va vatanparvarlik oyliklarini oʻtkazish;
oʻquvchilarga qurolli kuchlarining shonli anʼanalarini oʻrgatish, harbiy qismlarga sayoxatlar tashkillashtirish, oʻgʻil bolalarni oʻrnatilgan tartibda tibbiy koʻrikdan oʻtkazish, oʻquv mashgʻulotlarini tashkil etish;
oʻquvchilarning mashgʻulotlarga qatnashish hisobini yuritish, ularning davomati, oʻquv materialini oʻzlashtirishini nazorat qilib borish;
jismoniy tarbiya oʻqituvchilari bilan birgalikda harbiy sport oʻyinlari, musobaqalarni oʻtkazish, harbiy kasb asoslarini oʻrganish boʻyicha toʻgarak tashkil etish;
tuman (shahar) mudofaa boʻlinmalariga oʻquvchilarning chaqiriqqacha harbiy hisobga olishga hamkorlik qilish, favqulodda vaziyatlarda fuqaro muhofazasi va himoyasi boʻyicha tadbirlarni amalga oshirish;
alohida himoya vositalarini, harbiy texnika boʻyicha koʻrgazmali qoʻllanmalarni va chaqiriqqacha oʻquvchilarni tayyorlashda qoʻllaniladigan boshqa ashyolarni foydalanishga tayyor holda ushlab turish va saqlash qoidalariga amal qilish;
mashgʻulotlarda xavfsizlik texnikasi, sanitariya–gigiyena qoidalariga amal qilinishini taʼminlash.
Bilishi kerak:
“Umumiy harbiy majburiyat va harbiy xizmat”, “Mudofaa toʻgʻrisida”, normativ-huquqiy hujjatlarni;
“Chaqiriqqa qadar boshlangʻich tayyorgarlikni tashkil etish va uni amalga oshirish tartibi toʻgʻrisida”gi Nizomni;
davlatning tashqi va ichki siyosatini, yoshlarni vatanparvarlik ruhida maʼnaviy-ahloqiy tarbiyalashni, harbiy tayyorgarlik boʻyicha oʻqitishning oʻziga xos xususiyatlarini, yoshlarga oid qonun hujjatlarini, xavfsizlik texnikasi qoidalarini.
Malaka talablari:
oliy maʼlumot, Oʻzbekiston Respublikasi Qurolli kuchlarida xizmat qilgan zaxira kadrlar, staj talab etilmaydi;
axborot-kommunikatsiya texnologiyalaridan foydalanishni bilishi.