Adabiyot
Bu davrda zamonasining iste'dodli shoirlari va adiblari Qutb Xorazmiy, Sayfi Saroyi, Haydar Xorazmiy, Durbek, Amiriy, Yaqiniy, Atoiy, Sakkokiy, Lutfiy, Bobur, Muhammad Solih.
Navoiy butun faoliyati va ijodiyotini insonning baxtsaodati uchun kurashga, xalqning osoyishtaligiga, o`zaro urushlarning oldini olishga, obodonchilik ishlariga, ilm-fan, san'at va adabiyot taraqqiyotiga bag`ishladi. U o`zbek adabiy tili, o`zbek mumtoz adabiyotini yangi pog`onaga ko`tardi. Navoiy o`ttizdan ortiq yirik badiiy asar yozdi. "Xamsa", "Xazoyin ul-maoniy", "Mahbubul-qulub", "Lison ut-tayr" shular jumlasidandir.
Navoiy tarixni bilishning ahamiyati katta ekanini ta'riflab, odamlarni tarixni o`rganishga da'vat etadi. Uning fikricha, tarix fani shohlar, hukmdorlarning tarjimai holini emas, balki mamlakat tarixini o`rganishi kerak. Navoiy mamlakatni nimalar tanazzulga va nimalar farovonlikka olib kelishini, qanday ishlar tufayli mamlakat obod bo`lishini, xalqqa farog`at va baxt keltirishini tarix ko`rsatib berishi lozim deb hisoblaydi.
Do'stlaringiz bilan baham: |
