|
Fermentlerdiń qásiyetleri
Fermentlerde hám anorganik katalizatorlar menen uliwmaliqqa iye bolǵan tán qasiyetleri bar. Sonnan fermentler hám reaksiyadan keyin ózgermesten qaladi, lekin reaksiya bolip ótip atirǵan ortaliq ferment aktivligine tásir etiw mumkinligin esapqa aliw kerek. Fermentler juda az konsentratsiyada hám tásir ete aladi. Misali 370S temperatura buzaw asqazaniniń shilliq qabati fermentiniń bir molekulasi minut dawaminda kazeinogenniń 1000 000 ǵa jaqin molekulasina tásir ete aladi, yaǵniy olardi jamley aladi.
Fermentler hám basqa katalizatorlar siyaqli teńlik konstantasina hám erkin energiyaniń ózgerisine tásir etpeydi. Termodinamik teńlik payda bolǵanda katalizatorlar ximiyaliq reaksiyalar tezligin asiradi.
Fermentler belok tabiyatli zatlar bolǵanliǵi sebepli, beloklarǵa tán bolǵan barliq qásiyetlerge iye boladi. Buǵan olardiń suwdaǵi eritpelerinde kolloid eritpeler payda boliwi, amfoter elektrolitler ekenligin, tarqalip aminokislotalar payda qiliwin dalil etip kórsetiw mumkin. Lekin fermentlerdiń ózine tán ayrim qásiyetleri hám bar. Misali, olar tásiriniń qaytariwshańliǵi, termolabilligi hám eritpeniń ortaliqqa, yaǵniy vodorod ionlari konsentrasiyasina baylanisliǵi hámde spesifikligi siyaqlilardi kórsetiw mumkin.
Do'stlaringiz bilan baham: | 
