1-boshlovchi: — Assalomu alaykum, qadrli o‘quvchilar

“Bosh kitob” davra suhbati

1-boshlovchi: — Assalomu alaykum, qadrli o‘quvchilar! Mo‘tabar ustozlar va aziz mehmonlar! O‘zbekiston Respublikasi Konstitutsiyasi kuniga bag‘ishlangan bayram tadbirimizga xush kelibsiz.

2-boshlovchi: — Assalomu alaykum! Ma'lumki, bugungi kunda maktablarimizning har bir sinfida bosh Qomusimiz hisoblangan O’zbekiston Respublikasi Konstitutsiyasini o’rgatuvchi darslar o‘tilyapti. Unda bolalar Konstitutsiya so‘zi «tuzish», «tuzuk», «nizom», «tuzilish», «yaratilish» degan

ma'nolarni anglatishini bilib olganlar.

1-boshlovchi: To‘g‘ri aytasiz.Bizning zukko o‘quvchilarimiz Bosh qomusimiz haqida bilishlari shart bo‘lgan bilim va ma'lumotlarni, huquq va burchlarini o‘z yoshlariga munosib ravishda o‘zlashtirib borishmoqda.

2-boshlovchi: — Darvoqe, bundan 25 yil muqaddam xalqimiz irodasini, ruhiyatini, ijtimoiy ongi va madaniyatini o‘zida to‘la aks ettirgan, muhim siyosiy, huquqiy hujjat sifatida jahonga yangi, istiqboli porloq mustaqil davlat dunyoga kelganining o‘ziga xos isboti sifatida Bosh qomusimiz qabul qilindi.

Muhammadjon:— O‘zbekiston Konstitutsiyasi bizning mustaqilligimizni huquqiy jihatdan ta'minlovchi asosiy qonun hujjati bo‘lgani uchun ham biz 8 dekabrni alohida ardoq va mamnuniyat bilan bayram qilamiz.