1. Kern-Yersek testi Grafikalıq diktant Uy, terek, adam

Test sáwbeti ushın sorawlar:
1. Óz atıńdı, familiyańdı, ákeńniń atın ayt.
2. Anańnıń hám ákeńniń ismi shariplerin ayt.
3. Úlkeygenińde sen kim bolasań -ájapama yaki ájaģa ma?
4. Seniń apa-sińliń, aģa-inileriń barma? Kim úlken, kim kishi? Qansha jasqa?
5. Sen neshe jastasań? Bir jıldan keyin neshege shıģasań? Eki jıldan keyin she?
6. Házir kúndiz be yaki azan ba?
7. Sen qashan azanģı awqattı jeyseń-keshte me yaki azanda ma? Qashan túsleneseń - azanda ma yaki kúndiz be ? Qaysısı aldın boladı?
Túslik pe yaki keshki awqat? Kúndizgi awqat degen ne, sen bilesen be?
8. Sen qay jerde jasaysań? Óz úy mánzilindı aytıp ber?
9.Seniń ata-anań kim bolıp isleydi?
10. Sen súwret salıwdı jaqsı kóreseń be?
Mına qálem qanday reńde? (lenta, kóylek, oyınshıq)
11. Házir jıldıń qaysı máwsimi? Sen nege bulay dep esaplaysań?
12. Konkide qashan sırģanıw múmkin-qısta ma yaki jazdama?
13. Qar ne ushın jazda emes, qısta jawadı?
14. Shıpaker, muģallim, satıwshı ne isleydi?
15. Sen mektepke barıwdı qáleyseń be?
16. Mektepte qońıraw hám parta ne ushın kerek?
17.Oń kózińdi, shep qulaģıńdı kórset? Qulaqlar ne ushın kerek?
18. Qanday haywanlardı bilesen?
19. Qanday quslardı bileseń?
20. Qaysısı úlken: sıyırma yaki eshki me?
Qus pa yaki hárre? Qaysısınıń tabanı úlken: iyttiń be yaki qorazdıń?
21. Qaysısı kóp 8 yaki 5? 7 yaki 3?
22. Eger kútilmegende birewdiń zatın sındırıp qoysań, ne islew kerek?
23. Erinsheklik ne sebep jaman qásiyet bolıp esaplanadı?
24. Jaqsı hám jaman qılıqlar. Olar bir-birinen nesi menen parq qıladı?
25. Adamnıń adamģa húrmeti nede kórinedi? Máselen, sen tárbiyashıģa degen óz húrmetińdi qalay bildireseń?
26. Sen qanday «Sıyqırlı sózlerdi» bileseń? Adamlar olar haqqında ne ushın aytadı?
27. Watan degende neni túsineseń?
28. Biziń Watanımızdıń paytaxtı ne dep ataladı?
29. Biziń elimizdiń Prezidenti kim?
30. Qaysı mámleketler biziń qońsılarımız bolıp tabılatuģın bileseń?
Bala menen sáwbetlesiw barısında, onıń siz benen sáwbetlesiwdi qálewi áhmiyetli.
Eger siz balanı qızıqtıra almasańız, onda kontaktta bolıw tilegin oyata almasańız, onda balanıń sorawlarģa bergen juwapların onıń sotsiallıq jetilisiwi kórsetkishi sıpatında qarawģa bolmaydı.
Sorawlar imtixandaģıday etip emes, al «kewil jaqınlıq sáwbeti» manerasında beriliwi tiyis. Bala siziń sorawģa berilip atırģan informatsiyaģa júdá qızıģıp atırģanıńızdı seziniwi kerek. Usınılıp otırģan sorawlar bir qansha akademiyalıq formada qáliplesken. Siz, balanıń ózgesheligin, qarım-qatnasta bolıw jaģdayın, basqa adamlardıń barlıģın yaki joqlıģın, waqıttıń jeterliligin esapqa ala otırıp, olardan dóretiwshilikte paydalanıwıńız múmkin.
Berilgen sorawģa saykes juwaplar durıs dep esaplanadı. «Anam shıpaker bolıp isleydi», «İyttiń tabanı, tawıq tabanına qaraģanda úlken».
Juwaplar durıs emes dep esaplanadı.
«Anam Kamila. Ákem jumısta isleydi». Eger soraw ádewir qıyın bolsa yaki bala óz-pikirlerin ulıwmalastırıwģa qıynalsa, onda oģan járdem beriw kerek, anıqlawshı sorawlar berip yaki bir neshe sózlerdi keltirip, olardan kereklerin tańlap alıwdı usınıw kerek.
Bul sózdiń dástúriy mánisindegi aytıp jiberiw emes, al bala menen sáwbetti qollap-quwatlaw ushın islenedi, basqasha jaģdayda, ol tım-tırıs indemey qalıwı múmkin.
Gúrrińlesiw nátiyjelerin bahalaw
Hár bir juwap ushın 1 ball. 0,5 ball mınaday jaģdayda qoyıladı, eger:
- psixolog balaģa kóp járdem berse;
- bala tolıq juwap bermese.
- bala jiyi-jiyi qátelesse.
22-30 ball – bala mektepte oqıwģa psixologiyalıq tayar;
10-21 ball- mektepke psixologiyalıq tayarlıģınıń ortasha kórsetkishi;
0-9 ball- balanıń ulıwma xabardarlıģınıń tómen dárejesi.
Eskertiw:
Eger bala 0 den 9 ballģa shekem toplasa, onda psixologqa kongamitivnıx protsesslerdi, nerv-psixologiyalıq statustı, puxta diagnostikadan ótkerip, Kern-Yirasek metodın paydalanıw usınıs etiledi. Diagnostika nátiyjeleri qıyın bolıwı múmkin bolģan psixologiyalıq sferanı kórsetip beredi. Alınģan nátiyjeler tiykarında programmanı adresli korrektsiyalıq jobanı yamasa ata-analar menen pedagoglarģa usınıslar beriwdi jobalastırıw múmkin boladı.
Eger bala 10 nan 21 ballģa shekem toplasa, onda psixologqa balaģa qıyınshılıq tuwdırģan máselelerge itibar qaratıw hám olarģa sáykes kerekli diagnostika metodların toplaw usınıs etiledi.