1. Kompleksimetriya usullarining sinflanishi

9. Gaz xromatografiyasi
Gaz xromatografiyasi usulida harakatchan faza sifatida tashuvchi deb ataladigan inert gaz ishlatiladi. Bu usulda aniqlanadigan modda, albatta, gaz holiga о ‘tkazilishi zarur. Gaz xromatografiyasi gaz-qattiq (gazadsorbsion) va gaz-suyuqlik xromatografiyasi usullariga bo'linadi. Gaz adsorbsion usulda turg‘un faza sifatida qattiq adsorbent ishlatiladi. Gazsuyuqlik xromatografiyasi usulida turg‘un faza sifatida biror qattiq moddaga yupqa qavat bilan kiritilgan suyuqlik ishlatiladi. Gaz suyuqlik xromatografiyasi gaz-adsorbsion usul sifatida ko‘proq qo‘llaniladi. Kolonka diametri 3-6 mm, uzunligi 1-3 m li po‘lat, mis yoki shisha naydan iborat. Issiqlik o'tkazuvchanlik, alangani ionlashtirish, elektron ushlash asosidagi detektorlar; geliy, vodorod, azot singari gazlar tashuvchi; silikagel, alyuminiy oksidi, aktivlangan ko‘mir va molekulyar elaklar turg‘un qattiq faza; qutblanmagan uglevodorodlar yoki siloksanlar turg‘un suyuq faza sifatida ishlatiladi. Turg‘un fazalami tutuvchilar sifatida solishtirma yuzasi yetarli darajada katta bo‘Igan mexanik mustahkam, bir jinsli taqsimlanishni ta’minlaydigan, kizelgur, mitti shisha sharikchalari, silikagel, teflon va boshqalar ishlatiladi.
Gaz xromatografiyasida sifat tahlili. Har qanday moddaning turg‘un va harakatchan fazalar bilan o ‘zaro ta’siri uning individual xususiyati hisoblanadi. Xromatografiyada sifat tahlili uchun qo‘llaniladigan asosiy kattalik ushlanish vaqtidir. Kolonkali gaz va suyuqlik xromatografiya usullarida ushlanish vaqti kolonkaning to‘ldirilish sifati, harorat, elyuyentning harakat tezligi, sorbentning navi va boshqa ko‘p omillarga bog‘liq. Shuning uchun ham ushlanish vaqtining qiymati bir kolonkadan ikkinchisiga o‘tganda o ‘zgaradi. Agar toza moddalar asosida analiz qilinayotgan bo‘lsa, tekshirishda olingan ushlanish vaqti toza moddaning shunday qiymati bilan solishtiriladi. Natijalaming yanada ishonchli bo'lishini ta’minlash uchun turli sorbentlar bilan to‘ldirilgan ikkita kolonkada olingan qiymatlar solishtiriladi. Tekshiriladigan modda xromatogrammasi tushirilgandan keyin aralashmaga toza modda qo‘shilib, yana xromatogramma tushiriladi. Agar ushlanish vaqtlari bir xil bo‘Isa, xromatogrammaning yuzasi yoki balandligi ortadi. Bu esa tekshirilayotgan modda tarkibida qo‘shilgan standart moddaga to‘g ‘ri keladigan modda borligi haqida xulosa qilishga imkon beradi.