1-laboratoriya ishi: Sifat reaksiyalarini bajarish texnikasi

SiO₃^2--silikat ionlarining reaksiyalari.
1.Bariy xlorid-BaCl₂ bilan o‘tkaziladigan reaksiyalari
BaCl₂ silikat ion SiO₃^2- bilan oq cho‘kma BaSiO₃ hosil qiladi. Kislotalar uni parchalab, har xil silikat kislotalar aralashmasidan iborat bo‘lgan iviq cho‘kmaga aylantiradi.
BaCl₂ + Na₂SiO₃  BaSiO₃↓ + 2NaCl
Ba²⁺ + SiO₃^-2  BaSiO₃↓
Tajriba: Natriy silikat eritmasiga bariy xlorid eritmasidan tomizganda oq cho‘kma hosil qiladi. Bu cho‘kmani 2 ga bo‘lib, 1-siga HCl eritmasidan quyilganda, oq cho‘kma parchalanib, iviq cho‘kmaga aylanadi.
2.Kumush nitrat AgNO₃ bilan o‘tkaziladigan reaksiyalar
AgNO₃ silikat eritmalari bilan HNO₃ da eritilganda sariq cho‘kma Ag₂SiO₃ hosil qiladi.
Na₂SiO₃ + 2AgNO₃ → Ag₂ SiO₃↓ + 2NaNO₃
SiO₃^-2 + 2Ag⁺ → Ag₂SiO₃↓
Tajriba: Porbirkaga natriy silikati eritmasidan 2ml quyib, ustiga AgNO₃ eritmasidan bir necha tomchi tomizilsa, probirkada sariq cho‘kma paydo bo‘ladi. Cho‘kmaga AgNO₃ tomizilsa sariq cho‘kma erib ketadi.
Suyultirilgan kislotalarni silikatlarning uncha suyultirilmagan eritmalariga ohista qo‘shilsa, silikat kislotalar oq iviq cho‘kma (gel) holida cho‘kadi. Ba’zan probirkadagi aralashmaning hammasi iviqqa aylanadi. Kislota tez qo‘shiladigan bo‘lsa (ayniqsa silikatlarning suyultirilgan eritmasida) cho‘kma darhol hosil bo‘lmaydi, yoki ko‘p vaqtgacha hosil bo‘lmasligi mumkin. Bunda silikat kislotalar eritmada kolloid (zol) holida qoladi. Iviq hosil bo‘lishida ham qisman kolloid eritma olinadi. SHuning uchun kislotalar ta’sirida silikat kislotalar to‘liq cho‘ka olmaydi. Silikat kislotalarni to‘lik ajratish uchun eritmani konsentrlangan HCl bilan cho‘kma quriguncha bir necha marta bug‘latish kerak. Bunda silikat kislotalar erimaydigan holga keladi va qolgan qoldiqqa kislota qo‘shilgan suv bilan ishlov berib sentrifugada ajratib olish mumkin.