1-laboratoriya ishi: Sifat reaksiyalarini bajarish texnikasi

5-laboratoriya ishi: Quruq tuzni (noma’lum tarkibli) analizini bajarish.

Ishning maqsadi: Noma’lum tarkibli quruq tuzni analizini bajarish.
Quruq moddani eritilgandan so'ng, dastlab undan kationlar topiladi, chunki ba'zi kationlarning bo'lishi bir qator anionlarni modda tarkibida yo'qligi to'g'risida xulosa chiqarishga yordam beradi.
Quruq modda eritmasi tarkibida PO₄^3- anionlarining bo'lishi kationlarni topishga halaqit beradi. III guruh kationlarini (NH₄)₂S ta'sirida cho'ktirishda ishqoriy eritmadan bir vaqtning o'zida II guruh kationlari va magniy kationini fosfatlari ham cho'kmaga tushib qoladi. Shunday qilib P0₄³⁺ anioni ishtirokida III guruh kationlarini II guruh kationlaridan ajratib bo'lmaydi. Ulami ajratish uchun eritmadan PO₄^3- ni yo'qotish kerak. Buning uchun eritmada kislotali muhit(pH=5) mavjud qiladigan atsetat bufer aralashma CH₃COOH+CH₃COONa ishtirokida Fe³⁺ tuzlari bilan PO₄^3- ni FeP0₄ holida cho'kmaga tushiriladi. pH ning bunday qiymatida Ba²⁺, Si²⁺, Ca²⁺ va Mg²⁺ ionlari hamda Zn²⁺, Mn²⁺, Ni²⁺, Co²⁺ va Fe²⁺ (ya'ni barcha ikki zaryadli kationlar) eritmada qoladi. Alyuminiy, xrom fosfatlari, aksincha FePO₄ bilan birga cho'kmaga tushadi. Fosfat anionini to'liq cho'kmaga tushirish uchun ortiqcha Fe³⁺ kationlari zarur bo'ladi. Ortib qolgan Fe³⁺ ni yo'qotish va FePO₄ ni to'liq ajratib olish uchun eritma qaynatiladi. Bunda ortiqcha Fe³⁺ kationlari asosli atsetat holida cho'kmaga tushadi. Cho'kma ajratib olinib Al³⁺, Cr³⁺ kationlari bor- yo'qligi tekshiriladi. Sentrifugat tarkibidagi boshqa kationlar boriigi I-V guruh kationlari aralashmasini analiz qilish tartibi bo'yicha topiladi.