1-Ma’ruza. Geosiyosat fanining ob’ekti, predmeti va vazifalari

5.Janubiy Afrika	2693418	67,0	93,0	12957
1	Botsvana	600370	2,3	3,2	17970	Gabarone	Respublika
2	Lesoto	30355	2,1	2,7	3610	Maseru	Konstitutsion monarxiya
3	Namibiya	825418	2,5	4,0	10920	Vindxuk	Respublika
4	Svazilend (Esvatini)	17363	1,1	1,3	10680	Mbabane	Konstitutsion monarxiya
5	Janubiy Afrika Respublikasi	1219912	58,6	81,8	13230	Pretoriya	Respublika

Manbalar: Ropulation Reference Bureau. 2019 World Population Data Sheet; Ropulation Reference Bureau. World Population Data 2019; http://ostranah.ru/_lists/area.php.
O‘tgan asrning 60-yillari Afrika uchun alohida ahamiyatga ega. Binobarin, 1960 yilda 17 ta mustamlaka mustaqillikka erishgan bo‘lsa, 60-yillar mobaynida yana 15 ta davlat o‘z mustaqilligini qo‘lga kiritdi. Eng oxirgi mustamlaka – Namibiya (Germaniya mustamlakasi) esa 1990 yili mustaqil bo‘ldi.
Hozirda Afrika hududida joylashgan davlatlarning aksariyati respublika davlat boshqaruviga mansub, faqat 3 ta davlat – Marokash qirolligi, Lesoto va Svazilend monarxiya tipiga mansubdir.
Bugungi kunga kelib, Afrika hududida G‘arbiy Saxaradan boshqa barcha davlatlar mustaqillikni qo‘lga kiritdilar.
G‘arbiy Saxara Ispaniyaning sobiq mustamlakasi bo‘lib, 1976 yili mustaqillikka erishgandan so‘ng Marokash va Mavritaniyaning vaqtincha ma’muriy boshqaruviga o‘tgan. 1979 yili Mavritaniya o‘z e’tirozlaridan voz kechgach, Marokash tomonidan egallangan.
Shimoliy Afrika. Mazkur mintaqaning umumiy maydoni 8,5 mln. km. kv. ni, aholisi esa 240 mln. kishini (2019 y.) tashkil qiladi. Ushbu mintaqaga jami quyidagi 7 ta davlat mansub – Jazoir, Misr, Liviya, Marokash, Sudan, Tunis, G‘arbiy Saxara. Ularning deyarli barchasi respublika davlat boshqaruv shakliga ega. Birgina, Marokash Qirolligi davlat tuzumiga ko‘ra monarxiya tipiga mansubdir.
Shimoliy Afrikada hudud salohiyatiga ko‘ra Liviya (1,7 mln. km. kv.) alohida ajralib turadi. Aholi soni bo‘yicha esa mintaqada Misr (99,1 mln. kishi, 2019 y.) yetakchi. Ushbu mintaqa davlatlarining bevosita Afrikaning shimolida, O‘rta yer dengizi qirg‘oqlarida joylashganligi, Janubiy Yevropa davlatlariga qo‘shniligi, ularning tarixiy rivojlanishida o‘z ta’sirini ko‘rsatgan. Mintaqaning geosiyosiy o‘rnidagi yana bir muhim xususiyat chekka g‘arb tomonidan Gibraltar bo‘g‘izi orqali Atlantika okeaniga chiqa olsa, eng chekka sharq tomonida Suvaysh kanali orqali Qizil va Arabiston dengizlariga hamda Hind okeaniga chiqish imkoniyatiga ega ekanligi bilan belgilanadi.