1. Ma`ruza: Kirish. Eksperiment o`tkazish sxemasini tuzish. Moddalarni tozalash va analiz qilish haqida umumiy tushuncha. Kimyo kabineti va undagi texnika xavfsizligi bilan tanishish

Laboratoriyada birinchi yordam ko`rsatish choralari
1. Agar teriga (qo`l, yuz va boshqa joylarga) konsentrlangan kislota (sulfat, nitrat, xlorid va boshqalar) tekkanda, tezlik bilan 3-5 minut davomida kuygan joyni kuchli suv oqimi bilan yuviladi. Keyin taninning 3% li yoki kaliy permanganat eritmasi bilan ho`llangan paxta boylami quyiladi.
2. Teri ishqor eritmasi bilan kuyganda, kuygan joy suv bilan to silliqlik yo`qolguncha yuviladi, keyin taninning 3% li spirtli eritmasining yoki kaliy pennanganat eritmasi bilan ho`llangan paxta boylami quyiladi. Birinchi holda ham, ikkinchi holda ham kuchli kuyganda, birinchi yordamdan keyin tezlik bilan shifokorga murojaat qiling.
3. Ko`zga kislota yoki ishqor sachrasa, tezlik bilan uy temperaturasidagi ko`p miqdorli suv bilan yuviladi va darhol shifokorga murojaat qilinadi.
4. Agar eng issiq narsalar (shisha, metall va boshqalar) dan kuysa, avval taninning 3% li spirli eritmasi yoki kaliy pemanganat eritmasi bilan ho`llangan paxta boylami qo`yiladi, keyin yog`li surtma moy (kuyishga qarshi maz) boylami qo`yiladi.
5. Xlor, brom, vodorod sulfid, uglerod (IV), uglerod (II)-oksidi bilan zaharlanganda tezlik bilan shifokorga murojaat qilinadi.
6. Fosfor ta`siridan kuygan joyiga mis sulfatning 2 % li eritmasi bilan ho`llangan bog`lam qo`yiladi.
7. Mishyak va simob birikmalari hamda ularning tuzlari bilan zaharlanganda tezlik bilan shifokorga murojaat qilinadi.
8. O`qituvchining ruxsatisiz biror moddaning mazasini tatib ko`rish yoki hidlash, shuningdek kimyoviy idishlardan suv ichish ta`qiqlanadi. Laboratoriyada ishlatiladigan hamma moddalar oz yoki ko`p darajada zaharli ekanligini talabalar esdan chiqarmasliklari lozim.
9. Ishni bajarishda biror tushunmovchilik tug`ilsa ishni to`xtatish va o`qituvchi yoki laborantga murojaat qilib tushunib olgandan keyin davom ettirish lozim.
10. Simob metali va uni bug`i kuchli ta`sir qiluvchi zahardir. Shuning uchun simobni asboblar, simobli termonmetrlar singanda tiqilganligi haqida o`qituvchiga va laborantga albatta xabar berish shart.