1. Ma`ruza: Kirish. Eksperiment o`tkazish sxemasini tuzish. Moddalarni tozalash va analiz qilish haqida umumiy tushuncha. Kimyo kabineti va undagi texnika xavfsizligi bilan tanishish

Idishni mexanik va fizik tozalash usullari
Suv bilan yuvish. Kimyoviy idish smola, yog`simon yoki boshqa suvda erimaydigan moddalar bilan ifloslanmagan hollarda idishni issiq suv bilan yuvish mumkin. Agar idishni devorlarida suv tomchilari qolmasa yoki suv yupqa bir tekis qatlam hosil qilsa idishni toza deb hisoblash mumkin.
Agar idish devorlarida qandaydir tuz yoki cho`kma qoldiqlari bo`lsa, idishni suv bilan namlab shyotka bilan tozalash kerak
Xromli aralashmani tayyorlash
1. 92gr maydalangan Na₂CrO₄.2H2O 458 ml suvda eritiladi va aralashtirilgan holda 800ml kontsentrlangan H₂SO₄ qo`shiladi. Olingan qizil g`isht rangli suyuqlik yashil tusga o`tguncha yuvish vositasi sifatida ishlatish mumkin.
2. 100ml kontsentrlangan H₂SO₄ ga aralashtirilgan holda maydalangan 9,9gr K2Cr2O7 qo`shiladi.
3. 100ml konsentrlangan H2SO4 ga 10ml 50% li Na2Cr2O7 qo`shiladi
4. 15gr maydalangan K2Cr2O7 100ml issiq suvda eritiladi eritma sovutiladi va aralashtirilgan holda 100ml H2SO4 tomchilatib qo`shiladi.
Filtrlash va haydash.Bug‟latish va kristallash.
Filtirlash-suyuqlikni filtrlash orqali o`tkazib, qattiq fazani suyuq fazadan ajratishdir.Filtr go`vak material bo`lib, suyuqlikni o`tkazadi, ammo qattiq moddani ushlab qoladi.Laboratoriyada ko`pincha qog`oz filtr yoki g`ovak shisha plastinkalar qo`llaniladi.Sanoatda filtr sifatida qum, zich to`qilgan maxsus gazlama va kartonli filtrlardan foydalaniladi.Filtrlash quyida ko`rsatilgan usullarda olib boriladi.
Oddiy bosim ostida filtrlash
Oddiy bosim ostida filtrlash uchun filtr qog`oz voronkaga to`gri kеladigan doira shaklida qirqiladi. Oddiy doira shaklidagi filtr ikkiga, kеyin to`rtga buklanadi. Bunday tayyorlangan filtr voronkaning chеtiga bir oz yеtmaydigan qilib qo`yiladi. Filtrlashdan oldin filtr filtrlanayotgan suyuqlik yoki toza erituvchi bilan namlab voronkaga zich qilib yopishtiriladi. Filtrlashda aralashmaning sathi filtrning chеtidan bir oz pastroqda bo`lishi kеrak. Filtrlashni tеzlatish maqsadida ayrim hollarda burma filtrlardan foydalaniladi. Bunday filtrlardan ham doira shaklidagi filtrning oldin ikkiga, kеyin to`rtga buklab yasaladi. Uni yana to`rtga buklab, kеyin yеlpig`ichga o`xshatib ochilsa, unda 16 ta buklam hosil bo`ladi. Qaynoq eritmalarni filtrlashda filtrli voronka maxsus elеktroplitka bilan isitiladi yoki issiq filtrlash voronkasidan foydalaniladi.