|
Dorivor preparatlari. Strofantin-K (0,05 % li eritmasi 1 ml dan ampulada chiqariladi) va strofantidin atsetat (0,05 % li eritmasi 1 ml dan ampulada chiqariladi).
Strofant o‘simligining bir qancha turlari nam tropik o‘rmonlarda o‘sadi. Ularning tarkibida ham yurak glikozidlari borligi aniqlangan. Bu turlardan yana ikkitasi tibbiyotda ishlatiladi, lekin MDHda bu o‘simliklarning faqat yagona turi – Kombe strofanti urug‘idan foydalanilmoqda.
Dag‘al tukli strofant – Strophanthus hispidus D.C. yirik liana o‘simligi. Bargi oddiy, sertuk, ellipssimon, o‘tkir uchli bo‘ladi. Gullari dixaziyaga (qo‘shaloq shoxchali to‘pgulga) to‘plangan. Gulining tuzilishi Kombe strofantiga o‘xshaydi. Lekin tojbargining uchidagi 20–25 sm uzunlikdagi ipchalari yuqori tomonga yo‘nalgan.
Bu o‘simlik urug‘i tarkibidan K-strofantozid, strofantidin-digitalozid va boshqa yurak glikozidlari ajratib olingan. Urug‘ida glikozidlardan tashqari 30,5 % yog‘, alkaloidlar, saponinlar va boshqa birikmalar bo‘ladi.
CHiroylistrofant – Strophanthus gratus Franch.Bu o‘simlik G‘arbiy Afrikaning nam tropik o‘rmonlarida o‘sadi. Urug‘i mayda, tuksiz va qo‘ng‘ir rangli bo‘lib, undan uabain (strofantin-G) yurak glikozidi ajratib olingan. Urug‘idagi yurak glikozidlarining miqdori 4–8%, strofantin-G ning glikozidlar yig‘indisidagi miqdori 90–95 % ga teng. Urug‘ida yana 35 % yog‘, alkaloidlar, smola va boshqa birikmalar bor.
Tarkibida yurak glikozidi bo‘ladigan boshqa preparatlar ta’sir kuchini anilashda strofantin-G glikozididan standart glikozid sifatida foydalaniladi.
Nashasimon kendir ildizpoyasi va ildizi – Rhizomata et radices apocyni cannabini O‘simlikning nomi. Nashasimon kendir – Apocynum cannabinum L.; kendirdoshlar – Apocynaceae oilasiga kiradi.
Nashasimon kendir ko‘p yillik, bo‘yi 1–1,5 sm ga etadigan o‘t o‘simlik. Ildiz sistemasi er ostida juda kuchli taraqqiy etgan bo‘lib, o‘simlikning vegetativ ko‘payishida katta ahamiyatga ega. Er ostida ildizning yuqori qismidan turli tomonga yo‘nalgan hamda gorizontal joylashgan er ostki yotiq novdalar – -stolonlar chiqadi. Stolonlar ma’lum erda er ustki poya va ildizlar hosil qiladi. Natijada kendir o‘simligi bir-biri bilan er ostida chatishib, bir necha gektarga tarqalib ketadi. Poyasi tik o‘suvchi, yashil yoki to‘q qizil rangli bo‘lib, qarama-qarshi shoxlangan. Bargi oddiy, lansetsimon yoki cho‘ziq tuxumsimon, o‘tkir uchli, tekis qirrali, tuksiz, poyada qisqa bandi bilan qarama-qarshi, ba’zan ketma-ket o‘rnashgan. Gullari ro‘vaksimon qalqonga to‘plangan. Gulkosachasi chuqur besh bo‘lakka qirqilgan, gultojisi pushti yoki oq, silindrsimon – qo‘ng‘iroqsimon bo‘lib, yarmisiga qadar besh bo‘lakka qirqilgan. Otaligi 5 ta, onaligi ikkita meva bargidan tashkil topgan. Mevasi – pishganda ochiladigan bargcha.
Iyun-avgust oylarida gullaydi, mevasi sentyabr-oktyabrda etiladi.
Do'stlaringiz bilan baham: |
