1-mavzu: «Restoran menejmenti»fanining maqsadi va vazifalari Reja

TAOMNOMAGA ASOSIY TALABLAR
Mijozlar uchun hamma narsa aniq yozilishi kerak (taom nomlari, ichimliklar, qandolat mahsulotlarining nomlarini qisqartirib yozish mumkin zmas). Qanday taom tavsiya qilinayapti, tayyorlangan mahsulot bahosi — hammasini iste’molchi bilishi lozim.
Har bir taom va ichimlikning nomi aniq bo‘lsa, chiroyli, kishini o‘ziga jalb qiladigan bo‘lsa, mijoz iste’mol qilganda uning mazasini tatib mazmun shakliga monand ekanligiga ishonch hosil qiladi.
Taomnoma shunday rasmiylashtirilishi kerakki, u reklama rolini o‘ynashi bilan birga umumiy ovqatlanish korxonasining o‘ziga xos xususiyatlarini ifoda etadi. Umumiy ovqatlanish korxonalarining tamg‘asi taomnomaga bezak vazifasini o‘taydi. Taomnoma yaxshi qog‘ozga aniq, yaxshi o‘qiladigan qilib, chiroyli harflar bilan yozilishi kerak. Harflar hajmi, bir-biriga mosligi, so‘zlar oralig‘i did bilan hisobga olinishi zarur. Chunki so‘zlar har xil odam nazariga har xil tashlanadi. Taomnoma ochilganda o‘ng tomonining yuqori qismi darrov ko‘zga tashlanadi, demak xuddi shu yerdan estetik his bilan ish boshlash lozim. Yangi taomlar, gazak, ichimliklar nomi chiroyli qilib yoziladi. Taomnoma pastki chap tomonida taom haqida kishini o‘ziga jalb qiladigan tarixiy ma’lumotnoma qismlari rasm bilan berilishi mumkin. Bosmaxonada chop etiladigan taomnomalarning har bir bo‘limida qo‘shimcha taomlar yoziladigan joy qolishi kerak, yangi taom, gazak, ichimliklar kiritiladi. Bunday taomnomalarda ovqat narxi kompyuterda yoziladi.
Xorijiy turistlarga xizmat qiladigan restoran, kafelar taomnomalari chet tillarda (ingliz, nemis, fransuz, yapon, koreys) beriladi.
Lyuks toifasidagi restoranlar taomnomalarida 15 tagacha sovuq, 3 tagacha issiq gazak, 5 ta suyuq ovqat, 30 ta ikkinchi issiq ovqat, 6 tagacha shirin taomlar bo‘ladi. Shahar tashqarisidagi milliy va tematik restoranlarda taom va ichimliklar miqdori alohida belgilanadi. Bunday hollarda restoranning asosiy assortimenti milliy va tematik yo‘nalishdagi maxsus taom va ichimliklardan iborat bo‘ladi.