Tijorat banklari kreditlari va boshqa qarz mablag’lari hisobidan amalga oshirilgan investitsiya loyihalariga quyidagilarni keltirish mumkin:
Farmatsevtika flakonlari va boshqa shisha idishlar ishlab chiqarish zavodi;
Angren EIZ hududida keramik granitlar ishlab chiqarishni tashkil etish;
Respublika hududlarida meva sabzovot mahsulotlarini qayta ishlash (quritish, muzlatish, konservalar ishlab chiqarish va b.) ob’ektlarini tashkil etish;
Toshkent qishloq xo’jaligi texnikasi zavodi AJ ni modernizatsiyalash va texnologik qayta qurollantirish, zamonaviy traktorlar ishlab chiqarishini tashkil etish;
To’g’ridan-to’g’ri va boshqa xorijiy investitsiya va kreditlar hisobidan amalga oshirilgan investitsiya loyihalariga quyidagilarni keltirish mumkin:
Qandim konlar guruhini ishlab chiqarishga tayyorlash va gazni qayta ishlovchi zavodning qurilishi;
Xauzak va Shadi konlarini ishlab chiqarishga tayyorlash, shuningdek Quvachi-Olot konlarini kengaytirish;
Xisor investitsiya bloki va Ustyurt hududida mahsulotni taqsimlash bo’yicha bitim asosida konlar bilan ishlash va uglevodorod qazib chiqarishni tashkil etish;
Xojisayat gaz kondensati konini, Dengizko’l, Xojidavlat va Sharqiy Olot gaz kondensati konlarini ishlab chiqarishga tayyorlash;
Uyali aloqa tizimini rivojlantirish, kengaytirish. Texnik va texnologik qayta qurollantirish;
Milliy mobil aloqa operatori tarmog’ini yaratish.
Korxona va tashkilotning mablag’lari hisobidan amalga oshirilgan investitsiya loyihalariga quyidagilar keltirilishi mumkin:
Surgil konini ishlab chiqarishga tayyorlash (II bosqich);
Muborak gazni qayta ishlash zavodida ishdan chiqayotgan quvvatlarni o’rnini qoplash;
Gazni oltingugurtdan tozalovchi yangi uchta blok;
Sharqiy Berdax va Shimoliy Berdax konlariga ishlov berishni oxiriga etkazish;
O’zbekiston Respublikasining barcha neft va gaz mavjud bo’lgan hududlarda (Ustyurt, Buxoro-Xiva, Xisor, Surxondaryo, Farg’ona) hamda neft va gaz olish imkoniyati bor hududlarda (Zarafshon, Markaziy Qizilqum, O’rta-Sirdaryo, Xorazm) 2016-2020 yillarda geologik qidiruv ishlarini olib borish (I bosqich);
Respublika bo’ylab 0,4-6-10 kV quvvatli elektr etkazib berish va taqsimlash ob’ektlarini modernizatsiya qilish va rivojlantirish.
O’zbekiston iqtisodiyotiga jalb etilayotgan investitsiyalarning texnologik tarkibida ijobiy o’zgarishlar sodir bo’lmoqda. (8.4-jadval). Jami jalb qilingan 60719,2 mlrd. so’mlik asosiy kapitalga investitsiyalarning texnologik tarkibini Respublika bo’yicha ko’radigan bo’lsak, qurilish – montaj ishlarining ulushi 60,3 % ni, mashina, uskuna, inventar sotib olishga xarajatlar 31,5 % ni hamda boshqa xarajatlar ulushi 8,2 % ni tashkil etganligini guvohi bo’lamiz.
Do'stlaringiz bilan baham: |
