1-modda. Ushbu Qonunning maqsadi davlat bojini belgilash, undirish, uni qaytarish va uni to‘lashdan ozod qilish sohasidagi munosabatlarni tartibga solishdan iborat


Download 1.3 Mb.
bet1/42
Sana17.06.2023
Hajmi1.3 Mb.
#1531964
  1   2   3   4   5   6   7   8   9   ...   42
Bog'liq
O‘RQ-600 06.01.2020




[OKOZ:

1.07.00.00.00 Moliya va kredit to‘g‘risidagi qonunchilik. Bank faoliyati / 07.18.00.00 Davlat boji / 07.18.01.00 Umumiy qoidalar. Davlat boji to‘lovchilar va undiriladigan obyektlar]

[TSZ:

1.Moliya / Budjet. Budjetdan tashqari jamg‘armalar]

O‘zbekiston Respublikasining Qonuni
Davlat boji to‘g‘risida
Qonunchilik palatasi tomonidan 2019-yil 9-dekabrda qabul qilingan
Senat tomonidan 2019-yil 14-dekabrda ma’qullangan
[OKOZ:

1.07.00.00.00 Moliya va kredit to‘g‘risidagi qonunchilik. Bank faoliyati / 07.18.00.00 Davlat boji / 07.18.01.00 Umumiy qoidalar. Davlat boji to‘lovchilar va undiriladigan obyektlar]

1-bob. Umumiy qoidalar
1-modda. Ushbu Qonunning maqsadi
Ushbu Qonunning maqsadi davlat bojini belgilash, undirish, uni qaytarish va uni to‘lashdan ozod qilish sohasidagi munosabatlarni tartibga solishdan iborat.
Oldingi tahrirga qarang.
2-modda. Davlat boji to‘g‘risidagi qonunchilik
Davlat boji to‘g‘risidagi qonunchilik ushbu Qonun va boshqa qonunchilik hujjatlaridan iboratdir.
Agar O‘zbekiston Respublikasining xalqaro shartnomasida O‘zbekiston Respublikasining qonunchiligida nazarda tutilganidan boshqacha qoidalar belgilangan bo‘lsa, O‘zbekiston Respublikasining xalqaro shartnomasi qoidalari qo‘llaniladi.
(2-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
3-modda. Davlat boji turlari
Davlat boji yuridik ahamiyatga molik harakatlarni amalga oshirganlik va (yoki) bunday harakatlar uchun vakolatli muassasalar va (yoki) mansabdor shaxslar tomonidan hujjatlar berganlik uchun undiriladigan majburiy to‘lovdir.
Davlat boji turlari jumlasiga quyidagilar ham kiradi:
O‘zbekiston Respublikasi konsullik muassasalari tomonidan konsullik harakatlarini amalga oshirganlik uchun to‘lanadigan konsullik yig‘imi;
Oldingi tahrirga qarang.
ixtirolarga, foydali modellarga, sanoat namunalariga, seleksiya yutuqlariga, tovar belgilariga, xizmat ko‘rsatish belgilariga, geografik ko‘rsatkichlarga, tovar kelib chiqqan joy nomlariga, integral mikrosxemalar topologiyalariga huquqiy muhofaza berish bilan bog‘liq yuridik ahamiyatga molik harakatlarni amalga oshirganlik uchun to‘lanadigan patent boji.
(3-modda ikkinchi qismining uchinchi xatboshisi O‘zbekiston Respublikasining 2022-yil 3-martdagi O‘RQ-757-sonli Qonuni tahririda — Qonunchilik ma’lumotlari milliy bazasi, 04.03.2022-y., 03/22/757/0181-son)
LexUZ sharhi
Qarang: O‘zbekiston Respublikasi Fuqarolik kodeksining 62-bobi, O‘zbekiston Respublikasining 2002-yil 29-avgustdagi 397-II-son “Ixtirolar, foydali modellar va sanoat namunalari to‘g‘risida”gi Qonuni, O‘zbekiston Respublikasining 2002-yil 29-avgustdagi 395-II-son “Seleksiya yutuqlari to‘g‘risida”gi Qonuni, O‘zbekiston Respublikasining 2001-yil 12-maydagi 218-II-son “Integral mikrosxemalar topologiyalarini huquqiy muhofaza qilish to‘g‘risida”gi Qonuni.
4-modda. Davlat bojini to‘lovchilar
Vakolatli muassasalarga va (yoki) mansabdor shaxslarga murojaat qilayotgan va o‘ziga nisbatan yuridik ahamiyatga molik harakat va (yoki) hujjatlar berish amalga oshiriladigan yuridik va jismoniy shaxslar davlat bojini to‘lovchilardir.
LexUZ sharhi
Qarang: O‘zbekiston Respublikasi Fuqarolik kodeksining 4-bobi.
5-modda. Undirish obyektlari
Davlat boji quyidagilardan undiriladi:
1) fuqarolik ishlari bo‘yicha sudlarga beriladigan da’vo arizalaridan, davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining va ular mansabdor shaxslarining qarorlari, harakatlari (harakatsizligi) ustidan berilgan arizalardan (shikoyatlardan), alohida tartibda yuritiladigan ishlarga doir arizalardan, fuqarolik ishlari bo‘yicha sudlarning hal qiluv qarorlari, ish yuritishni tugatish to‘g‘risidagi, da’voni ko‘rmasdan qoldirish to‘g‘risidagi, sud jarimalarini solish to‘g‘risidagi ajrimlar ustidan beriladigan apellatsiya, kassatsiya shikoyatlaridan va nazorat tartibidagi shikoyatlardan, hakamlik sudining hal qiluv qarorlari yuzasidan nizolashish haqidagi arizalardan, hakamlik sudining hal qiluv qarorlarini majburiy ijro etish uchun ijro varaqasi berish to‘g‘risidagi arizalardan, hakamlik sudining hal qiluv qarorlari yuzasidan nizolashish haqidagi, hakamlik sudining hal qiluv qarorlarini majburiy ijro etish uchun ijro varaqasi berish to‘g‘risidagi ishlar yuzasidan fuqarolik ishlari bo‘yicha sud ajrimlari ustidan beriladigan apellatsiya, kassatsiya shikoyatlaridan va nazorat tartibidagi shikoyatlardan, chet davlat sudining hamda chet davlat hakamlik sudining (arbitrajining) hal qiluv qarorini tan olish va ijroga qaratish haqidagi arizalardan, chet davlat sudining hamda chet davlat hakamlik sudining (arbitrajining) hal qiluv qarorini tan olish va ijroga qaratish to‘g‘risidagi ishlar yuzasidan fuqarolik ishlari bo‘yicha sud ajrimlari ustidan beriladigan apellatsiya, kassatsiya shikoyatlaridan va nazorat tartibidagi shikoyatlardan, shuningdek fuqarolik ishlari bo‘yicha sudlar tomonidan hujjatlarning dublikatlarini va ko‘chirma nusxalarini berganlik uchun;
LexUZ sharhi
Qarang: O‘zbekiston Respublikasining Fuqarolik protsessual kodeksi.
Oldingi tahrirga qarang.
2) iqtisodiy sudlarga beriladigan da’vo arizalaridan, tashkilotlarni va fuqarolarni bankrot deb topish to‘g‘risidagi arizalardan, nizo predmetiga nisbatan mustaqil talablar bilan arz qiluvchi uchinchi shaxs sifatida ishga kirishish haqidagi arizalardan, iqtisodiyot sohasida yuridik shaxslar va yakka tartibdagi tadbirkorlarning huquqlari yuzaga kelishi, o‘zgarishi yoki bekor bo‘lishi uchun ahamiyatga ega bo‘lgan faktlarni aniqlash to‘g‘risidagi arizalardan, iqtisodiy sudning hal qiluv qarorlari, ish yuritishni tugatish haqidagi, da’voni ko‘rmasdan qoldirish to‘g‘risidagi, sud jarimalarini solish haqidagi ajrimlar ustidan beriladigan apellatsiya, kassatsiya va nazorat shikoyatlaridan, hakamlik sudining hal qiluv qarorlari yuzasidan nizolashish to‘g‘risidagi, arbitrajning hal qiluv qarori ustidan shikoyat qilish to‘g‘risidagi, hakamlik sudining hal qiluv qarorlarini majburiy ijro etish uchun ijro varaqasi berish haqidagi arizalardan, hakamlik sudining hal qiluv qarorlari yuzasidan nizolashish to‘g‘risidagi, arbitrajning hal qiluv qarori ustidan shikoyat qilish to‘g‘risidagi, hakamlik sudining hal qiluv qarorlarini majburiy ijro etish uchun ijro varaqasi berish haqidagi ishlar bo‘yicha iqtisodiy sud ajrimlari ustidan beriladigan apellatsiya, kassatsiya va nazorat shikoyatlaridan, chet davlat sudining, arbitrajning hal qiluv qarorini tan olish va ijroga qaratish to‘g‘risidagi arizalardan, chet davlat sudining, arbitrajning hal qiluv qarorini tan olish va ijroga qaratish haqidagi ishlar bo‘yicha sud ajrimlari ustidan beriladigan apellatsiya, kassatsiya va nazorat shikoyatlaridan, shuningdek iqtisodiy sudlar tomonidan hujjatlarning dublikatlarini va ko‘chirma nusxalarini berganlik uchun;
(5-moddaning 2-bandi O‘zbekiston Respublikasining 2022 yil 16-maydagi O‘RQ-769-sonli Qonuni tahririda — Qonunchilik ma’lumotlari milliy bazasi, 17.05.2022-y., 03/22/769/0421-son)
LexUZ sharhi
Qarang: O‘zbekiston Respublikasining Iqtisodiy protsessual kodeksi, O‘zbekiston Respublikasining “Hakamlik sudlari to‘g‘risida”gi Qonuni, O‘zbekistan Respublikasining “To‘lovga qobiliyatsizlik to‘g‘risida”gi Qonuni.
Oldingi tahrirga qarang.
3) ma’muriy sudlarga beriladigan idoraviy normativ-huquqiy hujjatlar yuzasidan nizolashish to‘g‘risidagi arizalardan, respublika ijro etuvchi hokimiyat organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining va ular mansabdor shaxslarining qarorlari, harakatlari (harakatsizligi) yuzasidan nizolashish to‘g‘risidagi, saylov komissiyalarining harakatlari (qarorlari) yuzasidan nizolashish haqidagi, notarial harakatni sodir etishni, fuqarolik holati dalolatnomalarining yozuvlarini qayd etishni rad etganlik yuzasidan nizolashish yoxud notariusning yoki fuqarolik holati dalolatnomalarini qayd etish organi mansabdor shaxsining harakatlari (harakatsizligi) yuzasidan nizolashish to‘g‘risidagi, davlat ro‘yxatidan o‘tkazishni rad etganlik yoxud belgilangan muddatda davlat ro‘yxatidan o‘tkazishdan bo‘yin tovlaganlik ustidan beriladigan, shu jumladan zararning o‘rnini qoplash haqidagi talablar bilan bog‘liq arizalardan (shikoyatlardan), ma’muriy sudlarning hal qiluv qarorlari, ish yuritishni tugatish to‘g‘risidagi, da’voni ko‘rmasdan qoldirish haqidagi, sud jarimalarini solish to‘g‘risidagi ajrimlar ustidan beriladigan apellatsiya va kassatsiya shikoyatlaridan, shuningdek ma’muriy sudlar tomonidan hujjatlarning dublikatlarini va ko‘chirma nusxalarini berganlik uchun;
(5-moddaning 3-bandi O‘zbekiston Respublikasining 2023-yil 26-apreldagi O‘RQ-833-sonli Qonuni tahririda — Qonunchilik ma’lumotlari milliy bazasi, 27.04.2023-y., 03/23/833/0236-son)
LexUZ sharhi
Qarang: O‘zbekiston Respublikasining Ma’muriy sud ishlarini yuritish to‘g‘risidagi kodeksi
4) notariuslar va O‘zbekiston Respublikasining konsullari tomonidan notarial harakatlarni amalga oshirganlik uchun;
LexUZ sharhi
Qarang: O‘zbekiston Respublikasining “Notariat to‘g‘risida”gi Qonuni.
5) fuqarolik holati dalolatnomalarini qayd etganlik uchun, shuningdek fuqarolarga fuqarolik holati dalolatnomalari qayd etilganligi to‘g‘risida takroriy guvohnoma berganlik uchun hamda fuqarolik holati dalolatnomalari yozuviga o‘zgartishlar, qo‘shimchalar, tuzatishlar kiritilishi va uning qayta tiklanishi munosabati bilan guvohnoma berganlik uchun;
LexUZ sharhi
Qarang: O‘zbekiston Respublikasi Vazirlar Mahkamasining 2016-yil 14-noyabrdagi 387-sonli qarori bilan tasdiqlangan “Fuqarolik holati dalolatnomalarini qayd etish” qoidalari.
Oldingi tahrirga qarang.
6) O‘zbekiston Respublikasi fuqarosining identifikatsiyalovchi ID-kartasi, O‘zbekiston Respublikasi fuqarosining xorijga chiqish uchun biometrik pasporti, shuningdek fuqaroligi bo‘lmagan shaxsning harakatlanish hujjati berilganligi uchun, chet eldan O‘zbekiston Respublikasiga kirish huquqini beruvchi hujjatlarni, O‘zbekiston Respublikasiga taklif qilish to‘g‘risidagi hujjatlarni berganlik uchun, chet el fuqarosining yoki fuqaroligi bo‘lmagan shaxsning identifikatsiyalovchi ID-kartasini berganlik uchun, shuningdek O‘zbekiston Respublikasining fuqaroligiga qabul qilish, uni tiklash va undan chiqish to‘g‘risidagi iltimosnomalarni hamda O‘zbekiston Respublikasining fuqarosi deb tan olish to‘g‘risidagi arizalarni ko‘rib chiqqanlik uchun, O‘zbekiston Respublikasi fuqarolarini doimiy yashash va vaqtincha turgan joyi bo‘yicha ro‘yxatga olganlik uchun, shuningdek chet el fuqarolarini hamda fuqaroligi bo‘lmagan shaxslarni doimiy yashash joyi bo‘yicha ro‘yxatga olganlik uchun;
(5-moddaning 6-bandi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
7) yuridik shaxslarni va yakka tartibdagi tadbirkorlarni davlat ro‘yxatidan o‘tkazganlik uchun;
8) ov qilish huquqiga doir ruxsatnoma berganlik uchun;
Oldingi tahrirga qarang.
9) ixtirolar, foydali modellar, sanoat namunalari, seleksiya yutuqlari, tovar belgilari, xizmat ko‘rsatish belgilari, geografik ko‘rsatkichlar, tovar kelib chiqqan joy nomlari, integral mikrosxemalar topologiyalari, elektron hisoblash mashinalari uchun yaratilgan dasturlar va ma’lumotlar bazalarini huquqiy himoya qilish uchun;
(5-moddaning 9-bandi O‘zbekiston Respublikasining 2022-yil 3-martdagi O‘RQ-757-sonli Qonuni tahririda — Qonunchilik ma’lumotlari milliy bazasi, 04.03.2022-y., 03/22/757/0181-son)
10) chet ellik yuridik shaxslardan ko‘rgazma yuklarini rasmiylashtirganlik, chet ellik yuridik shaxslarga bojxona yuk deklaratsiyasi blanklarini realizatsiya qilganlik uchun;
11) xalqaro jamoat tashkilotlarini ro‘yxatga olganlik, nodavlat notijorat tashkilotlarini, shu jumladan diniy tashkilotlar, xalqaro va chet el nodavlat notijorat tashkilotlarining vakolatxonalari va filiallari xodimlarini, shuningdek ularning qaramog‘ida bo‘lgan oila a’zolarini akkreditatsiya qilganlik, maxsus ro‘yxatga olinishi kerak bo‘lgan mol-mulkni boshqa shaxsga berish shartnomalarini tasdiqlaganlik, baholanishi lozim bo‘lgan boshqa shartnomalarni tasdiqlaganlik, O‘zbekiston Respublikasi fuqarolarining chet ellik fuqarolari bilan nikohlarini, shuningdek chet ellik fuqarolarning o‘zaro nikohlarini ro‘yxatdan o‘tkazganlik, O‘zbekiston Respublikasi fuqarolarining chet ellik fuqarolar bilan hamda belgilangan tartibda bedarak yo‘qolgan yoki aqliy zaiflik yoki ruhiy kasallik tufayli muomalaga layoqatsiz deb topilgan shaxslar bilan yoki jinoyati uchun kamida uch yil muddatga ozodlikdan mahrum qilishga hukm qilingan shaxslar bilan nikohini bekor qilishni ro‘yxatdan o‘tkazganlik uchun;
Oldingi tahrirga qarang.
12) chet el fuqarolariga va fuqaroligi bo‘lmagan shaxslarga chiqish yoki kirish-chiqish vizalarini berganlik va ularning amal qilish muddatini uzaytirganlik, chet el fuqarolariga va fuqaroligi bo‘lmagan shaxslarga ko‘p martalik kirish-chiqish vizalarini rasmiylashtirganlik, chet el fuqarolarini va fuqaroligi bo‘lmagan shaxslarni kirish vizasining amal qilish muddati davriga vaqtincha turgan joyi bo‘yicha ro‘yxatdan o‘tkazganlik va vizaning amal qilish muddati uzaytirilgan davrda vaqtincha turgan joyi bo‘yicha ro‘yxatga olingan muddatini uzaytirganlik uchun, MDHga a’zo davlatlar fuqarolarini, shuningdek fuqarolik haqida belgilari mavjud bo‘lmagan sobiq SSSR pasportlari bilan MDHga a’zo davlatlaridan kelgan shaxslarni vaqtincha turgan joyi bo‘yicha ro‘yxatdan o‘tkazganlik, chet el fuqarosining, shu jumladan MDHga a’zo davlatlar fuqarosining yoki fuqaroligi bo‘lmagan shaxsning O‘zbekiston Respublikasida doimiy yashashga oid hujjatlarini ko‘rib chiqqanlik va rasmiylashtirganlik, chet el fuqarosiga yoki fuqaroligi bo‘lmagan shaxsga pasport yoki uning o‘rnini bosuvchi hujjat yo‘qolganligi haqida ma’lumotnomalar berganlik uchun;
(5-moddaning 12-bandi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Oldingi tahrirga qarang.
13) chet el tijorat tashkilotlarining O‘zbekiston Respublikasi hududidagi vakolatxonalarini akkreditatsiya qilganlik uchun;
(5-moddaning 13-bandi O‘zbekiston Respublikasining 2022-yil 6-dekabrdagi O‘RQ-808-sonli Qonuni tahririda — Qonunchilik ma’lumotlari milliy bazasi, 07.12.2022-y., 03/22/808/1069-son)
14) faoliyatning ayrim turlarini amalga oshirishga doir litsenziyalar va ruxsatnomalar berganlik uchun.
6-modda. Davlat boji stavkalarining miqdorlari
Davlat boji stavkalarining miqdorlari ushbu Qonun ilovasiga muvofiq belgilanadi.
[OKOZ:

1.07.00.00.00 Moliya va kredit to‘g‘risidagi qonunchilik. Bank faoliyati / 07.18.00.00 Davlat boji / 07.18.03.00 Davlat boji bo‘yicha imtiyozlar]

2-bob. Davlat bojini to‘lashdan ozod qilish
7-modda. Davlat bojini to‘lashdan ozod qilish
Davlat bojini to‘lashdan ozod qilinadigan jismoniy va yuridik shaxslarning qat’iy ro‘yxati ushbu Qonun bilan belgilanadi.
Oldingi tahrirga qarang.
2020-yil 1-yanvarga qadar qabul qilingan boshqa qonunchilik hujjatlarida nazarda tutilgan va ushbu Qonunda nazarda tutilmagan davlat bojini to‘lashdan ozod qilish ushbu hujjatlarning amal qilish muddati tugaguniga qadar kuchda qoladi.
(7-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
8-modda. Fuqarolik ishlari bo‘yicha sudlarda davlat bojini to‘lashdan ozod qilish
Fuqarolik ishlari bo‘yicha sudlarda davlat bojini to‘lashdan quyidagilar ozod qilinadi:
1) da’vogarlar — ish haqini undirish to‘g‘risidagi da’volar va mehnat huquqlari munosabatlaridan kelib chiqadigan boshqa talablar yuzasidan;
2) da’vogarlar — alimentlar undirish to‘g‘risidagi da’volar yuzasidan;
3) da’vogarlar — mehnatda mayib bo‘lganligi yoki sog‘lig‘ining boshqacha tarzda shikastlanganligi, shuningdek boquvchisi vafot etganligi tufayli yetkazilgan zararning o‘rnini qoplash to‘g‘risidagi da’volar yuzasidan;
4) da’vogarlar — qonunga xilof ravishda hukm etganlik, jinoiy javobgarlikka tortganlik, ma’muriy jazo berganlik tufayli jismoniy shaxsga yetkazilgan zararning o‘rnini qoplash bilan bog‘liq nizolar yuzasidan;
5) da’vogarlar — jinoyat tufayli yetkazilgan moddiy zararning o‘rnini qoplash to‘g‘risidagi da’volar yuzasidan;
Oldingi tahrirga qarang.
51) da’vogarlar — tazyiq va zo‘ravonlikdan jabrlangan xotin-qizlarga yetkazilgan ma’naviy va moddiy zararning o‘rnini qoplash to‘g‘risidagi da’volar yuzasidan;
(8-moddaning birinchi qismi O‘zbekiston Respublikasining 2020-yil 5-oktabrdagi O‘RQ-640-sonli Qonuniga asosan 51-band bilan to‘ldirilgan — Qonun hujjatlari ma’lumotlari milliy bazasi, 05.10.2020-y., 03/20/640/1348-son)
6) yuridik va jismoniy shaxslar — alimentlarni undirishga doir fuqarolik ishlari bilan bog‘liq hujjatlarni ularga berganlik uchun;
Oldingi tahrirga qarang.
7) qonunchilikda nazarda tutilgan hollarda boshqa shaxslarning qonun bilan muhofaza qilinadigan huquqlari hamda manfaatlari himoya qilinishini so‘rab sudga ariza bilan murojaat etgan yuridik va jismoniy shaxslar;
(8-moddaning 7-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
8) yuridik va jismoniy shaxslar — davlat ijrochisining harakatlari (harakatsizligi) ustidan shikoyatlar yuzasidan;
9) tadbirkorlik subyektlari tadbirkorlik faoliyatini amalga oshirish bilan bog‘liq bo‘lgan huquqlari va qonuniy manfaatlarini buzadigan davlat organlari hamda boshqa organlarning qarorlari, ular mansabdor shaxslarining harakatlari (harakatsizligi) ustidan sudga murojaat qilganda;
10) iste’molchilar — o‘z huquqlari va qonuniy manfaatlari buzilishi bilan bog‘liq da’volar yuzasidan;
11) tovarlarning (ishlarning, xizmatlarning) xavfsiz bo‘lishi va sifati ustidan nazoratni amalga oshiruvchi davlat organlari va iste’molchilarning jamoat birlashmalari — iste’molchilarning (iste’molchilar nomuayyan doirasining) manfaatlarini ko‘zlab beriladigan da’volar yuzasidan;
12) da’vogarlar — o‘rmon daraxtlarini o‘zboshimchalik bilan kesish hamda o‘rmondan foydalanish, o‘rmonni qo‘riqlash va muhofaza qilishning tartibi va shartlarini boshqacha tarzda buzish tufayli o‘rmon fondiga yetkazilgan zararni undirish to‘g‘risidagi ishlar yuzasidan;
13) davlat organlari — o‘zboshimchalik bilan qurilgan imoratlarni buzish to‘g‘risidagi da’volar yuzasidan, shuningdek jismoniy shaxslarga tegishli bo‘lgan, tarixiy, ilmiy, badiiy qimmatga yoki o‘zga madaniy qimmatga ega bo‘lgan mol-mulkni jismoniy shaxslar bu mol-mulkka xo‘jasizlarcha munosabatda bo‘lgan hollarda jismoniy shaxslardan davlat mulkiga olib qo‘yish to‘g‘risidagi ishlar yuzasidan;
Oldingi tahrirga qarang.
131) O‘zbekiston Respublikasi Uy-joy kommunal xizmat ko‘rsatish vazirligi huzuridagi Ko‘p kvartirali uy-joy fondidan foydalanish sohasini nazorat qilish inspeksiyasi va uning hududiy inspeksiyalari — ko‘p kvartirali uy-joy fondini saqlash va undan foydalanish sohasida o‘z zimmasiga yuklatilgan vakolatlarga muvofiq sudlarga ko‘rib chiqish uchun kiritiladigan da’volar yuzasidan;
(8-moddaning birinchi qismi O‘zbekiston Respublikasining 2022-yil 31-maydagi O‘RQ-773-sonli Qonuniga asosan 131-band bilan to‘ldirilgan — Qonunchilik ma’lumotlari milliy bazasi, 01.06.2022-y., 03/22/773/0461-son)
14) O‘zbekiston Respublikasi Savdo-sanoat palatasi va uning hududiy boshqarmalari — palata a’zolarining manfaatlarini ko‘zlab qilingan da’volar bo‘yicha, shuningdek davlat va xo‘jalik boshqaruvi organlarining, mahalliy davlat hokimiyati organlarining qarorlari, ular mansabdor shaxslarining harakatlari (harakatsizligi) ustidan qilingan shikoyatlar yuzasidan;
15) nodavlat notijorat tashkilotlari — o‘z huquqlari va qonuniy manfaatlarini buzayotgan davlat organlarining g‘ayriqonuniy qarorlari, ular mansabdor shaxslarining harakatlari (harakatsizligi) ustidan sudga shikoyat qilganda;
16) Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi hamda Qoraqalpog‘iston Respublikasi, viloyatlar va Toshkent shahar fuqarolarning o‘zini o‘zi boshqarish organlari faoliyatini muvofiqlashtirish bo‘yicha hududiy kengashlar — fuqarolarning o‘zini o‘zi boshqarish organlari manfaatlarini ko‘zlab qilingan da’volar bo‘yicha, shuningdek fuqarolar o‘zini o‘zi boshqarish organlarining huquqlari va qonuniy manfaatlarini buzayotgan davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, ular mansabdor shaxslarining qarorlari, harakatlari (harakatsizligi) ustidan sudga shikoyat qilganda;
17) nogironligi bo‘lgan shaxslarning jamoat birlashmalari, shuningdek ularning muassasalari, o‘quv-ishlab chiqarish korxonalari va birlashmalari — barcha da’volar yuzasidan;
18) O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining hududiy bo‘linmalari — pensionerlardan (nafaqa oluvchilardan) ortiqcha (noqonuniy) to‘langan pensiyalarning va nafaqalarning summalarini undirish bilan bog‘liq da’volar yuzasidan;
19) O‘zbekiston Respublikasi Bandlik va mehnat munosabatlari vazirligi hamda uning joylardagi organlari — ko‘chish joyiga bormagan yoki ko‘chib borgan joylarini o‘zboshimchalik bilan tark etgan ko‘chirib keltiriluvchilarga nisbatan ko‘chish bilan bog‘liq bo‘lgan xarajatlarning o‘rnini qoplash to‘g‘risida taqdim etilgan da’volar yuzasidan;
Oldingi tahrirga qarang.
20) O‘zbekiston Respublikasi Ekologiya va atrof-muhitni muhofaza qilish davlat qo‘mitasi va uning joylardagi organlari — atrof-muhitni ifloslantirganlik, tabiatdan o‘zboshimchalik bilan foydalanganlik va tabiiy resurslardan foydalanish hamda ularni muhofaza qilish tartibi va shartlarini boshqacha tarzda buzganlik tufayli tabiiy obyektlarga va komplekslarga yetkazilgan zararning o‘rnini qoplash haqidagi, shuningdek qattiq maishiy chiqindilarni to‘plash va olib chiqish xizmatlari uchun majburiy to‘lovlar bo‘yicha qarzdorlikni undirish to‘g‘risidagi da’volar yuzasidan;
(8-moddaning 20-bandi O‘zbekiston Respublikasining 2021-yil 25-avgustdagi O‘RQ-711-sonli Qonuni tahririda — Qonunchilik ma’lumotlari milliy bazasi, 26.08.2021-y., 03/21/711/0825-son)
Oldingi tahrirga qarang.
21) O‘zbekiston Respublikasi Suv xo‘jaligi vazirligi va uning joylardagi organlari — suv to‘g‘risidagi qonunchilikni buzganlik tufayli davlatga yetkazilgan zararning o‘rnini qoplash uchun mablag‘larni davlat daromadiga undirish to‘g‘risidagi da’volar yuzasidan;
(8-moddaning 21-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
22) sug‘urta faoliyatini tartibga solish va nazorat qilish organi — majburiy sug‘urta operatsiyalari bilan bog‘liq ishlar yuzasidan;
23) davlat soliq xizmati organlari, moliya va bojxona organlari — barcha ishlar hamda hujjatlar yuzasidan, shuningdek alohida yuritiladigan ishlar bo‘yicha sudga arizalar berganlik uchun;
24) ichki ishlar organlari — alimentlar va boshqa to‘lovlarni to‘lashdan bo‘yin tovlayotgan shaxslarni qidirish uchun qilingan xarajatlarni undirish to‘g‘risidagi ishlar yuzasidan;
25) prokuratura organlari — davlatning, yuridik va jismoniy shaxslarning manfaatlarini ko‘zlab qilingan da’volar hamda beriladigan arizalar yuzasidan;
26) adliya organlari — davlatning, yuridik va jismoniy shaxslarning manfaatlarini ko‘zlab qilingan da’volar hamda beriladigan arizalar yuzasidan;
27) undiruvchi yoki davlat ijrochisi — qonunda nazarda tutilgan taqdirda, qarzdorni yoki uning mol-mulkini qidirish bo‘yicha xarajatlarning o‘rnini qarzdor tomonidan qoplash to‘g‘risidagi ishlar yuzasidan;
28) O‘zbekiston fermer, dehqon xo‘jaliklari va tomorqa yer egalari kengashi, Qoraqalpog‘iston Respublikasi, viloyatlar va tumanlar fermer, dehqon xo‘jaliklari va tomorqa yer egalari kengashlari — fermer, dehqon xo‘jaliklari va tomorqa yer egalarining manfaatlarini ko‘zlab qilingan da’volar yuzasidan, shuningdek fermer, dehqon xo‘jaliklari va tomorqa yer egalarining huquqlari va qonuniy manfaatlarini buzayotgan davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining, ular mansabdor shaxslarining qarorlari, harakatlari (harakatsizligi) ustidan fermer, dehqon xo‘jaliklari va tomorqa yer egalarining manfaatlarini ko‘zlab qilingan shikoyatlar yuzasidan;
29) O‘zbekiston Respublikasining Monopoliyaga qarshi kurashish qo‘mitasi va uning hududiy organlari — o‘z zimmasiga yuklatilgan vakolatlariga muvofiq sudlar ko‘rib chiqishi uchun kiritiladigan da’volar yuzasidan;
Oldingi tahrirga qarang.
30) O‘zbekiston Respublikasi Davlat aktivlarini boshqarish agentligi va uning hududiy organlari, O‘zbekiston Respublikasi Davlat aktivlarini boshqarish agentligi huzuridagi Bo‘sh turgan obyektlardan samarali foydalanishni tashkil etish markazi hamda uning hududiy organlari — o‘z zimmasiga yuklatilgan vakolatlariga muvofiq sudlarga ko‘rib chiqish uchun kiritiladigan da’volar va arizalar yuzasidan;
(8-modda birinchi qismining 30-bandi O‘zbekiston Respublikasining 2021-yil 14-yanvardagi O‘RQ-666-sonli Qonuni tahririda — Qonun hujjatlari ma’lumotlari milliy bazasi, 15.01.2021-y., 03/21/666/0032-son)
31) O‘zbekiston Respublikasi Kapital bozorini rivojlantirish agentligi va uning hududiy organlari — o‘z zimmasiga yuklatilgan vakolatlariga muvofiq sudlar ko‘rib chiqishi uchun kiritiladigan da’volar yuzasidan;
32) mulkdorlar — xususiy mulk huquqini amalga oshirish bilan bog‘liq bo‘lgan huquqlari va qonuniy manfaatlari buzilganligi to‘g‘risida davlat organlari va boshqa organlarning, fuqarolar o‘zini o‘zi boshqarish organlarining qarorlari, ular mansabdor shaxslarining harakatlari (harakatsizligi) ustidan sudga shikoyat qilish haqidagi ishlar yuzasidan;
Oldingi tahrirga qarang.
33) yakka tartibdagi quruvchi bilan shartnomaga ko‘ra qishloq joylarda namunaviy loyihalar bo‘yicha yakka tartibda uy-joy qurilishi chog‘ida zimmasiga buyurtmachi vazifasini bajarish qonunchilikka muvofiq yuklatilgan yuridik shaxs — qishloq joylarda namunaviy loyihalar bo‘yicha yakka tartibda uy-joy qurish masalalari yuzasidan yakka tartibdagi uy-joy quruvchilar bilan nizolarni hal qilish to‘g‘risidagi da’volar bo‘yicha;
34) qishloq joylarda namunaviy loyihalar bo‘yicha yakka tartibda uy-joy qurish uchun imtiyozli kreditlar berish qonunchilikka muvofiq qaysi tijorat banklarining zimmasiga yuklatilgan bo‘lsa, o‘sha tijorat banklari — qishloq joylarda namunaviy loyihalar bo‘yicha yakka tartibda uy-joy qurish uchun berilgan imtiyozli ipoteka kreditlari yuzasidan qarz oluvchilarning kreditorlik qarzlarini undirish to‘g‘risidagi da’volar bo‘yicha;
(8-moddaning 33 va 34-bandlari O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
35) chet el investitsiyalari ishtirokidagi aksiyadorlik jamiyatlari — ularning huquqlari va qonuniy manfaatlari buzilganligi to‘g‘risidagi da’volar yuzasidan;
36) tadbirkorlik subyektlari — hakamlik sudining hal qiluv qarorlarini majburiy ijro etish uchun ijro varaqasi berish to‘g‘risida ariza berganda;
Oldingi tahrirga qarang.
37) O‘zbekiston Respublikasi Davlat soliq qo‘mitasi huzuridagi Kadastr agentligi, uning joylardagi organlari — yer to‘g‘risidagi qonun hujjatlari buzilganligi bilan bog‘liq da’volar bo‘yicha;
(8-modda birinchi qismining 37-bandi O‘zbekiston Respublikasining 2021-yil 16-avgustdagi O‘RQ-708-sonli Qonuni tahririda — Qonunchilik ma’lumotlari milliy bazasi, 17.08.2021-y., 03/21/708/0799-son)
38) O‘zbekiston Respublikasi Madaniyat vazirligi huzuridagi Madaniy meros departamenti va uning hududiy boshqarmalari — moddiy madaniy meros obyektlarini muhofaza qilish va ulardan oqilona foydalanishni ko‘zlab qilingan da’volar hamda berilgan arizalar yuzasidan;
Oldingi tahrirga qarang.
39) O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi hamda uning joylardagi organlari — qishloq va suv xo‘jaligi sohasidagi qonunchilikni buzganlik bo‘yicha davlatning, yuridik va jismoniy shaxslarning manfaatlarini ko‘zlab qilingan da’volar hamda beriladigan arizalar yuzasidan;
(8-moddaning 39-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
40) O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil — tadbirkorlik subyektlari manfaatlarini ko‘zlab berilgan da’volar, arizalar va shikoyatlar yuzasidan;
Oldingi tahrirga qarang.
41) O‘zbekiston Respublikasi Qishloq xo‘jaligi vazirligi, uning joylardagi organlari — yer to‘g‘risidagi qonunchilik buzilganligi bilan bog‘liq da’volar bo‘yicha;
(8-moddaning birinchi qismi O‘zbekiston Respublikasining 2021-yil 16-avgustdagi O‘RQ-708-sonli Qonuniga asosan 41-band bilan to‘ldirilgan — Qonunchilik ma’lumotlari milliy bazasi, 17.08.2021-y., 03/21/708/0799-son)
Oldingi tahrirga qarang.
42) O‘zbekiston Respublikasining Hisob palatasi — O‘zbekiston Respublikasining iqtisodiy manfaatlarini himoya qilish maqsadida berilgan da’volar, arizalar va shikoyatlar yuzasidan;
(8-moddaning birinchi qismi O‘zbekiston Respublikasining 2021-yil 25-avgustdagi O‘RQ-711-sonli Qonuniga asosan 42-band bilan to‘ldirilgan — Qonunchilik ma’lumotlari milliy bazasi, 26.08.2021-y., 03/21/711/0825-son)
Oldingi tahrirga qarang.
43) O‘zbekiston Respublikasi Kambag‘allikni qisqartirish va bandlik vazirligi huzuridagi Oila va xotin-qizlar qo‘mitasi hamda uning hududiy bo‘linmalari — xotin-qizlarning huquqlari va qonuniy manfaatlarini himoya qilish maqsadida beriladigan arizalar, shikoyatlar va da’volar yuzasidan.
(8-moddaning birinchi qismi O‘zbekiston Respublikasining 2023-yil 11-apreldagi O‘RQ-829-sonli Qonuniga asosan 43-band bilan to‘ldirilgan — Qonunchilik ma’lumotlari milliy bazasi, 12.04.2023-y., 03/23/829/0208-son)
Ushbu modda birinchi qismining 8 — 10, 14, 32 — 36-bandlarida ko‘rsatilgan shaxslarning talablarini qanoatlantirish to‘liq yoki qisman rad etilgan taqdirda, davlat boji shu shaxslardan talablarning qanoatlantirilishi rad etilgan miqdoriga mutanosib ravishda undiriladi.
9-modda. Iqtisodiy sudlarda davlat bojini to‘lashdan ozod qilish
Iqtisodiy sudlarda davlat bojini to‘lashdan quyidagilar ozod qilinadi:
1) da’vogarlar — o‘rmon daraxtlarini o‘zboshimchalik bilan kesish hamda o‘rmondan foydalanish, o‘rmonni qo‘riqlash va muhofaza qilish tartibi va shartlarini boshqacha tarzda buzish tufayli o‘rmon fondiga yetkazilgan zararni undirish to‘g‘risidagi, o‘rmon xo‘jaligi daromadi summalarini (shu jumladan, o‘rmon daraxtlarini o‘sib turgan joyida sotish qoidalarini buzganlik uchun zarar va neustoykani, shuningdek o‘zboshimchalik bilan o‘rmon daraxtlarini kesganlik, pichan o‘rganlik va mollarni o‘tlatganlik uchun jarimalarni) undirish to‘g‘risidagi ishlar bo‘yicha;
2) O‘zbekiston Respublikasi Savdo-sanoat palatasi va uning hududiy boshqarmalari — palata a’zolarining manfaatlarini ko‘zlab qilingan da’volar yuzasidan;
3) Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi hamda Qoraqalpog‘iston Respublikasi, viloyatlar va Toshkent shahar fuqarolarning o‘zini o‘zi boshqarish organlari faoliyatini muvofiqlashtirish bo‘yicha hududiy kengashlar — fuqarolarning o‘zini o‘zi boshqarish organlari manfaatlarini ko‘zlab qilingan da’volar bo‘yicha;
4) nogironligi bo‘lgan shaxslarning jamoat birlashmalari, shuningdek ularning muassasalari, o‘quv-ishlab chiqarish korxonalari va birlashmalari — barcha da’volar bo‘yicha;
5) O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining hududiy bo‘linmalari — “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuniga muvofiq pensiyalarni to‘lashga ketgan mablag‘larni tashkilotlardan undirib olish bo‘yicha da’volar, shu jumladan regress da’volar yuzasidan;
6) sug‘urta faoliyatini tartibga solish va nazorat qilish organi — majburiy sug‘urta operatsiyalari bilan bog‘liq barcha ishlar bo‘yicha;
Oldingi tahrirga qarang.
7) O‘zbekiston Respublikasi Suv xo‘jaligi vazirligi va uning joylardagi organlari — suv to‘g‘risidagi qonunchilikni buzganlik tufayli davlatga yetkazilgan zararning o‘rnini qoplash uchun mablag‘larni davlat daromadiga undirish to‘g‘risidagi da’volar bo‘yicha;
(9-moddaning 7-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
8) O‘zbekiston Respublikasi Ekologiya va atrof-muhitni muhofaza qilish davlat qo‘mitasi va uning joylardagi organlari — atrof-muhitni ifloslantirganlik, tabiatdan o‘zboshimchalik bilan foydalanganlik va tabiiy resurslardan foydalanish hamda ularni muhofaza qilishning tartib va shartlarini boshqacha tarzda buzganlik tufayli tabiiy obyektlarga va komplekslarga yetkazilgan zararning o‘rnini qoplash to‘g‘risidagi da’volar bo‘yicha;
9) O‘zbekiston Respublikasining Monopoliyaga qarshi kurashish qo‘mitasi va uning hududiy organlari — o‘z zimmasiga yuklatilgan vakolatlariga muvofiq sudlar ko‘rib chiqishi uchun kiritiladigan da’volar bo‘yicha;
Oldingi tahrirga qarang.
10) O‘zbekiston Respublikasi Davlat aktivlarini boshqarish agentligi va uning hududiy organlari, O‘zbekiston Respublikasi Davlat aktivlarini boshqarish agentligi huzuridagi Bo‘sh turgan obyektlardan samarali foydalanishni tashkil etish markazi hamda uning hududiy organlari — o‘z zimmasiga yuklatilgan vakolatlariga muvofiq sudlarga ko‘rib chiqish uchun kiritiladigan da’volar va arizalar bo‘yicha;
(9-modda birinchi qismining 10-bandi O‘zbekiston Respublikasining 2021-yil 14-yanvardagi O‘RQ-666-sonli Qonuni tahririda — Qonun hujjatlari ma’lumotlari milliy bazasi, 15.01.2021-y., 03/21/666/0032-son)
11) O‘zbekiston Respublikasi Kapital bozorini rivojlantirish agentligi va uning hududiy organlari — o‘z zimmasiga yuklatilgan vakolatlariga muvofiq sudlar ko‘rib chiqishi uchun kiritiladigan da’volar bo‘yicha;
12) davlat soliq xizmati organlari, moliya va bojxona organlari — barcha ishlar hamda hujjatlar bo‘yicha, shuningdek alohida yuritiladigan ishlar bo‘yicha sudga arizalar berganlik uchun;
13) prokuratura organlari — davlatning, yuridik va jismoniy shaxslarning manfaatlarini ko‘zlab qilingan da’volar hamda beriladigan arizalar yuzasidan;
14) adliya organlari — davlatning, yuridik va jismoniy shaxslarning manfaatlarini ko‘zlab qilingan da’volar hamda beriladigan arizalar yuzasidan;
Oldingi tahrirga qarang.
141) davlat organlari — o‘zboshimchalik bilan qurilgan imoratlarni buzish to‘g‘risidagi da’volar yuzasidan;
(9-modda O‘zbekiston Respublikasining 2021-yil 25-avgustdagi O‘RQ-711-sonli Qonuniga asosan 141-band bilan to‘ldirilgan — Qonunchilik ma’lumotlari milliy bazasi, 26.08.2021-y., 03/21/711/0825-son)
Oldingi tahrirga qarang.
142) O‘zbekiston Respublikasi Uy-joy kommunal xizmat ko‘rsatish vazirligi huzuridagi Ko‘p kvartirali uy-joy fondidan foydalanish sohasini nazorat qilish inspeksiyasi va uning hududiy inspeksiyalari — ko‘p kvartirali uy-joy fondini saqlash va undan foydalanish sohasida o‘z zimmasiga yuklatilgan vakolatlarga muvofiq sudlarga ko‘rib chiqish uchun kiritiladigan da’volar yuzasidan;
(9-moddaning birinchi qismi O‘zbekiston Respublikasining 2022-yil 31-maydagi O‘RQ-773-sonli Qonuniga asosan 142-band bilan to‘ldirilgan — Qonunchilik ma’lumotlari milliy bazasi, 01.06.2022-y., 03/22/773/0461-son)
15) undiruvchi yoki davlat ijrochisi — qonunda nazarda tutilgan taqdirda, qarzdorni yoki uning mol-mulkini qidirish bo‘yicha xarajatlarning o‘rnini qarzdor tomonidan qoplash to‘g‘risidagi da’volar yuzasidan;
16) xalqaro va chet el hukumat moliya tashkilotlari tomonidan hukumatlararo kelishuvlar asosida berilgan kreditlar bo‘yicha asosiy qarzdor sifatida qatnashuvchi davlat organlari va tashkilotlari — subzayom oluvchilardan paydo bo‘lgan qarzdorliklarni undirish to‘g‘risidagi da’volar yuzasidan;
17) davlat ehtiyojlari uchun tovarlar (ishlar, xizmatlar) yetkazib berish shartnomalari bo‘yicha sotib oluvchi hisoblangan davlat organlari va tashkilotlari — yetkazib beruvchilar (pudratchilar) tomonidan shartnoma majburiyatlarining bajarilmaganligi bilan bog‘liq da’volar yuzasidan;
18) O‘zbekiston fermer, dehqon xo‘jaliklari va tomorqa yer egalari kengashi, Qoraqalpog‘iston Respublikasi, viloyatlar va tumanlar fermer, dehqon xo‘jaliklari va tomorqa yer egalari kengashlari — fermer, dehqon xo‘jaliklari va tomorqa yer egalarining manfaatlarini ko‘zlab qilingan da’volar yuzasidan;
19) arizachi va javobgar — huquqiy ta’sir choralarini qo‘llash to‘g‘risidagi ishlar bo‘yicha;
20) chet el investitsiyalari ishtirokidagi aksiyadorlik jamiyatlari — ularning huquqlari va qonuniy manfaatlari buzilganligi to‘g‘risidagi da’volar yuzasidan;
21) tadbirkorlik subyektlari — hakamlik sudining hal qiluv qarorlarini majburiy ijro etish uchun ijro varaqasi berish to‘g‘risida ariza berganda;
Oldingi tahrirga qarang.
22) O‘zbekiston Respublikasi Davlat soliq qo‘mitasi huzuridagi Kadastr agentligi, uning joylardagi organlari — yer to‘g‘risidagi qonunchilik buzilganligi bilan bog‘liq da’volar bo‘yicha;
(9-modda birinchi qismining 22-bandi O‘zbekiston Respublikasining 2021-yil 16-avgustdagi O‘RQ-708-sonli Qonuni tahririda — Qonunchilik ma’lumotlari milliy bazasi, 17.08.2021-y., 03/21/708/0799-son)
23) O‘zbekiston Respublikasi Madaniyat vazirligi huzuridagi Madaniy meros departamenti va uning hududiy boshqarmalari — moddiy madaniy meros obyektlarini muhofaza qilish va ulardan oqilona foydalanishni ko‘zlab qilingan da’volar hamda berilgan arizalar yuzasidan;
Oldingi tahrirga qarang.
24) O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi hamda uning joylardagi organlari — qishloq va suv xo‘jaligi sohasidagi qonunchilikni buzganlik bo‘yicha davlatning, yuridik va jismoniy shaxslarning manfaatlarini ko‘zlab qilingan da’volar hamda beriladigan arizalar yuzasidan;
(9-moddaning 24-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
25) O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil — tadbirkorlik subyektlari manfaatlarini ko‘zlab beriladigan da’volar, arizalar va shikoyatlar yuzasidan;
Oldingi tahrirga qarang.
26) O‘zbekiston Respublikasining Hisob palatasi — O‘zbekiston Respublikasining iqtisodiy manfaatlarini himoya qilish maqsadida berilgan da’volar, arizalar va shikoyatlar yuzasidan;
(9-modda birinchi qismining 26-bandi O‘zbekiston Respublikasining 2021-yil 25-avgustdagi O‘RQ-711-sonli Qonuni tahririda — Qonunchilik ma’lumotlari milliy bazasi, 26.08.2021-y., 03/21/711/0825-son)
Oldingi tahrirga qarang.
27) O‘zbekiston Respublikasi Qishloq xo‘jaligi vazirligi, uning joylardagi organlari — yer to‘g‘risidagi qonunchilik buzilganligi bilan bog‘liq da’volar bo‘yicha.
(9-moddaning birinchi qismi O‘zbekiston Respublikasining 2021-yil 16-avgustdagi O‘RQ-708-sonli Qonuniga asosan 27-band bilan to‘ldirilgan — Qonunchilik ma’lumotlari milliy bazasi, 17.08.2021-y., 03/21/708/0799-son)
Ushbu modda birinchi qismining 2, 20 va 21-bandlarida ko‘rsatilgan shaxslarning talablarini qanoatlantirish to‘liq yoki qisman rad etilgan taqdirda, davlat boji shu shaxslardan talablarning qanoatlantirilishi rad etilgan miqdoriga mutanosib ravishda undiriladi.
10-modda. Ma’muriy sudlarda davlat bojini to‘lashdan ozod qilish
Ma’muriy sudlarda davlat bojini to‘lashdan quyidagilar ozod qilinadi:
1) tadbirkorlik subyektlari — tadbirkorlik faoliyatini amalga oshirish bilan bog‘liq huquqlari va qonuniy manfaatlarini buzayotgan davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining, ular mansabdor shaxslarining qarorlari, harakatlari (harakatsizligi) ustidan sudga murojaat qilganda;
2) O‘zbekiston Respublikasi Savdo-sanoat palatasi va uning hududiy boshqarmalari — davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining, ular mansabdor shaxslarining qarorlari, harakatlari (harakatsizligi) ustidan palata a’zolarining manfaatlarini ko‘zlab berilgan arizalar bo‘yicha;
3) nodavlat notijorat tashkilotlari — o‘z huquqlari va qonuniy manfaatlarini buzayotgan davlat organlarining g‘ayriqonuniy qarorlari, ular mansabdor shaxslarining harakatlari (harakatsizligi) ustidan sudga shikoyat qilganda;
4) Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi hamda Qoraqalpog‘iston Respublikasi, viloyatlar va Toshkent shahar fuqarolarning o‘zini o‘zi boshqarish organlari faoliyatini muvofiqlashtirish bo‘yicha hududiy kengashlar — fuqarolar o‘zini o‘zi boshqarish organlarining huquqlari va qonuniy manfaatlarini buzayotgan davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining, ular mansabdor shaxslarining qarorlari, harakatlari (harakatsizligi) ustidan sudga shikoyat qilganda;
5) nogironligi bo‘lgan shaxslarning jamoat birlashmalari, shuningdek ularning muassasalari, o‘quv-ishlab chiqarish korxonalari va birlashmalari — o‘z huquqlari va qonuniy manfaatlarini buzayotgan davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining, ular mansabdor shaxslarining g‘ayriqonuniy qarorlari, harakatlari (harakatsizligi) ustidan sudga shikoyat qilganda;
6) davlat soliq xizmati organlari, moliya va bojxona organlari — barcha ishlar hamda hujjatlar bo‘yicha;
7) prokuratura organlari — davlatning, yuridik va jismoniy shaxslarning manfaatlarini ko‘zlab beriladigan arizalar yuzasidan;
8) adliya organlari — davlatning, yuridik va jismoniy shaxslarning manfaatlarini ko‘zlab beriladigan arizalar yuzasidan;
9) yuridik va jismoniy shaxslar — davlat ijrochisining harakatlari (harakatsizligi) ustidan beriladigan arizalar (shikoyatlar) bo‘yicha;
10) O‘zbekiston fermer, dehqon xo‘jaliklari va tomorqa yer egalari kengashi, Qoraqalpog‘iston Respublikasi, viloyatlar va tumanlar fermer, dehqon xo‘jaliklari va tomorqa yer egalari kengashlari — fermer, dehqon xo‘jaliklari va tomorqa yer egalarining huquqlari hamda qonuniy manfaatlarini buzayotgan davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining, ular mansabdor shaxslarining qarorlari, harakatlari (harakatsizligi) ustidan fermer, dehqon xo‘jaliklari va tomorqa yer egalarining manfaatlarini ko‘zlab beriladigan arizalar (shikoyatlar) yuzasidan;
Oldingi tahrirga qarang.
101) O‘zbekiston Respublikasining Monopoliyaga qarshi kurashish qo‘mitasi va uning hududiy organlari — o‘z zimmasiga yuklatilgan vakolatlarga muvofiq sudlar ko‘rib chiqishi uchun beriladigan arizalar yuzasidan;
Oldingi tahrirga qarang.
102) O‘zbekiston Respublikasi Davlat aktivlarini boshqarish agentligi va uning hududiy organlari, O‘zbekiston Respublikasi Davlat aktivlarini boshqarish agentligi huzuridagi Bo‘sh turgan obyektlardan samarali foydalanishni tashkil etish markazi hamda uning hududiy organlari — o‘z zimmasiga yuklatilgan vakolatlarga muvofiq sudlarga ko‘rib chiqish uchun beriladigan da’volar va arizalar yuzasidan;
(10-modda birinchi qismining 102-bandi O‘zbekiston Respublikasining 2021-yil 14-yanvardagi O‘RQ-666-sonli Qonuni tahririda — Qonun hujjatlari ma’lumotlari milliy bazasi, 15.01.2021-y., 03/21/666/0032-son)
103) O‘zbekiston Respublikasi Kapital bozorini rivojlantirish agentligi va uning hududiy organlari — o‘z zimmasiga yuklatilgan vakolatlarga muvofiq sudlar ko‘rib chiqishi uchun beriladigan arizalar yuzasidan;
(10-moddaning birinchi qismi O‘zbekiston Respublikasining 2020-yil 20-maydagi O‘RQ-619-sonli Qonuniga asosan 101, 102 va 103-bandlar bilan to‘ldirilgan — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Oldingi tahrirga qarang.
104) O‘zbekiston Respublikasi Uy-joy kommunal xizmat ko‘rsatish vazirligi huzuridagi Ko‘p kvartirali uy-joy fondidan foydalanish sohasini nazorat qilish inspeksiyasi va uning hududiy inspeksiyalari — ko‘p kvartirali uy-joy fondini saqlash va undan foydalanish sohasida o‘z zimmasiga yuklatilgan vakolatlarga muvofiq sudlar ko‘rib chiqishi uchun beriladigan arizalar yuzasidan;
(10-moddaning birinchi qismi O‘zbekiston Respublikasining 2022-yil 31-maydagi O‘RQ-773-sonli Qonuniga asosan 104-band bilan to‘ldirilgan — Qonunchilik ma’lumotlari milliy bazasi, 01.06.2022-y., 03/22/773/0461-son)
11) mulkdorlar — xususiy mulk huquqini amalga oshirish bilan bog‘liq bo‘lgan o‘z huquqlari va qonuniy manfaatlari buzilganligi to‘g‘risida davlat organlarining va boshqa organlarning, fuqarolar o‘zini o‘zi boshqarish organlarining qarorlari, ular mansabdor shaxslarining harakatlari (harakatsizligi) ustidan sudga shikoyat qilish haqidagi ishlar yuzasidan;
12) chet el investitsiyalari ishtirokidagi aksiyadorlik jamiyatlari — ularning huquqlari va qonuniy manfaatlari buzilganligi to‘g‘risidagi arizalar (shikoyatlar) yuzasidan;
13) taraflar — muayyan yashash joyiga ega bo‘lmagan shaxsni reabilitatsiya markaziga joylashtirish haqidagi ishlar yuzasidan;
14) O‘zbekiston Respublikasi Madaniyat vazirligi huzuridagi Madaniy meros departamenti va uning hududiy boshqarmalari — moddiy madaniy meros obyektlarini muhofaza qilish va ulardan oqilona foydalanishga doir ishlar yuzasidan;
15) O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil — tadbirkorlik subyektlari manfaatlarini ko‘zlab berilgan arizalar (shikoyatlar) yuzasidan;
Oldingi tahrirga qarang.
16) O‘zbekiston Respublikasining Hisob palatasi — O‘zbekiston Respublikasining iqtisodiy manfaatlarini himoya qilish maqsadida berilgan arizalar (shikoyatlar) yuzasidan;
(10-moddaning birinchi qismi O‘zbekiston Respublikasining 2021-yil 25-avgustdagi O‘RQ-711-sonli Qonuniga asosan 16-band bilan to‘ldirilgan — Qonunchilik ma’lumotlari milliy bazasi, 26.08.2021-y., 03/21/711/0825-son)
Oldingi tahrirga qarang.
17) O‘zbekiston Respublikasi Kambag‘allikni qisqartirish va bandlik vazirligi huzuridagi Oila va xotin-qizlar qo‘mitasi hamda uning hududiy bo‘linmalari — xotin-qizlarning huquqlari va qonuniy manfaatlarini himoya qilish maqsadida beriladigan arizalar, shikoyatlar va da’volar yuzasidan.
(10-moddaning birinchi qismi O‘zbekiston Respublikasining 2023-yil 11-apreldagi O‘RQ-829-sonli Qonuniga asosan 17-band bilan to‘ldirilgan — Qonunchilik ma’lumotlari milliy bazasi, 12.04.2023-y., 03/23/829/0208-son)
Ushbu modda birinchi qismining 1, 2, 9, 11 va 12-bandlarida ko‘rsatilgan shaxslarning talablarini qanoatlantirish to‘liq yoki qisman rad etilgan taqdirda, davlat boji shu shaxslardan talablarning qanoatlantirilishi rad etilgan miqdoriga mutanosib ravishda undiriladi.
11-modda. Notarial harakatlar amalga oshirilganda davlat bojini to‘lashdan ozod etish
Notarial harakatlar amalga oshirilganda davlat bojini to‘lashdan quyidagilar ozod etiladi:
1) shaxslar — davlat pensiyalari va nafaqalarini olish uchun zarur bo‘lgan, shuningdek vasiylik qilish va farzandlikka olish to‘g‘risidagi ishlar yuzasidan hujjatlarning ko‘chirma nusxalari to‘g‘riligini ularga tasdiqlab berganlik uchun;
2) shaxslar — mol-mulkini davlat foydasiga, shuningdek yuridik shaxslar foydasiga hadya qilish to‘g‘risidagi vasiyatnomalari va shartnomalarini tasdiqlaganlik uchun;
3) davlat soliq xizmati organlari va moliya organlari — ularga davlatning merosga bo‘lgan huquqi to‘g‘risidagi guvohnomalarni (guvohnomalarning dublikatini) berganlik, shuningdek ushbu guvohnomalarni (guvohnomalarning dublikatini) olish uchun zarur bo‘lgan barcha hujjatlar uchun;
4) nogironligi bo‘lgan shaxslarning jamoat birlashmalari, ularning muassasalari, o‘quv-ishlab chiqarish korxonalari va birlashmalari — barcha notarial harakatlar bo‘yicha;
5) shaxslar — ularga quyidagilar uchun merosga bo‘lgan huquqi to‘g‘risida guvohnoma berganlik uchun:
Vatanni himoya qilish chog‘ida, boshqa davlat yoki jamoat vazifalarini bajarayotganligi munosabati bilan yoxud inson hayotini qutqarish, davlat mulkini va huquq-tartibotni muhofaza qilish bo‘yicha fuqarolik burchini ado etish munosabati bilan halok bo‘lgan shaxslarning mol-mulki uchun;
Oldingi tahrirga qarang.
uy-joy (kvartira) uchun yoki uy-joy-qurilish kooperatividagi pay uchun, agar ular meros qoldiruvchining vafot etish kunigacha birga yashagan, doimiy yashash joyi bo‘yicha ro‘yxatga olingan bo‘lsa va meros qoldiruvchining vafotidan keyin ham shu uy-joyda (kvartirada) yashayotgan bo‘lsa;
(11-modda 5-bandining uchinchi xatboshisi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Oldingi tahrirga qarang.
banklardagi omonatlar, shaxsiy va mulkiy sug‘urta shartnomalari bo‘yicha sug‘urta summalari, davlat zayom obligatsiyalari, ish haqi summalari, shaxsiy jamg‘arib boriladigan pensiya hisobvarag‘idagi pul mablag‘lari uchun;
(11-modda 5-bandining to‘rtinchi xatboshisi O‘zbekiston Respublikasining 2022-yil 6-dekabrdagi O‘RQ-808-sonli Qonuni tahririda — Qonunchilik ma’lumotlari milliy bazasi, 07.12.2022-y., 03/22/808/1069-son)
ilm-fan, adabiyot va san’at asarlari, ixtiro, seleksiya yutug‘i, foydali model, sanoat namunasi, integral mikrosxemalar topologiyasi muallifining mulkiy huquqlari, shuningdek ijrochining ijroga doir mulkiy huquqlari uchun;
ilm-fan, adabiyot va san’at asarlari, ixtiro, seleksiya yutug‘i, foydali model, sanoat namunasi, integral mikrosxemalar topologiyasini yaratish va ulardan foydalanish, shuningdek ijrolarni yaratish hamda ulardan foydalanish haqi summalari uchun;
6) shaxslar — pensiyalar va nafaqalar olish uchun ishonchnomani tasdiqlatganlik uchun;
7) onalar — ko‘p bolalik uchun ularga ordenlar va medallar berilganligi haqidagi ishlar bo‘yicha hujjatlar ko‘chirma nusxalarining to‘g‘riligini tasdiqlab berganlik uchun;
8) maktab-internatlar — farzandlarining maktab-internatdagi ta’minoti uchun ota-onalardan qarzlarni undirish to‘g‘risidagi ijro yozuvlarini amalga oshirganlik uchun;
9) moliya organlari — farzandlarining O‘zbekiston Respublikasi Xalq ta’limi vazirligining ixtisoslashtirilgan maktablaridagi ta’minoti uchun ota-onalardan qarzlarni undirish to‘g‘risidagi ijro yozuvlarini amalga oshirganlik uchun;
10) ishlab chiqarishdagi baxtsiz hodisa tufayli vafot etish va halok bo‘lish hodisasiga korxonalar va tashkilotlar hisobidan sug‘urta qilingan jismoniy shaxslarning merosxo‘rlari — sug‘urta puliga vorislik huquqini tasdiqlovchi guvohnoma berganlik uchun;
Oldingi tahrirga qarang.
11) surunkali ruhiy kasallikka chalingan, qonunchilikda belgilangan tartibda vasiylik belgilangan shaxslar — mol-mulkka vorislik qilishlari to‘g‘risida guvohnoma olganliklari uchun;
(11-moddaning 11-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
12) O‘zbekiston Respublikasi Bandlik va mehnat munosabatlari vazirligi hamda uning joylardagi organlari — xodimlarni tashkiliy yo‘sinda ishga qabul qilish tartibida tuziladigan mehnat shartnomalarini tasdiqlaganlik uchun;
13) 1941 — 1945-yillardagi urush nogironlari, 1941 — 1945-yillardagi urush frontlarida yaralangan shaxslar va 1941 — 1945-yillardagi urush frontlarida halok bo‘lgan yoki bedarak yo‘qolgan shaxslarning oila a’zolari, 1941 — 1945-yillardagi urush qatnashchilari hamda Vatanni himoya qilishda va Sovet Armiyasida o‘z xizmat burchini o‘tayotganda yaralangan shaxslar, Afg‘oniston Respublikasida baynalmilal burchini o‘tagan shaxslar, shuningdek 1986 — 1987-yillarda Chernobil AESining zaharlangan mintaqasi doirasida avariya oqibatlarini tugatishda ishtirok etgan shaxslar, 1986-yilda Chernobil AESidagi avariya munosabati bilan zaharlangan mintaqadan ko‘chirilgan (shu jumladan, o‘z ixtiyori bilan chiqib ketgan) shaxslar, agar ular vafot etgan bo‘lsa, ularning oila a’zolari — imtiyozlar berilishi uchun zarur bo‘lgan hujjatlar ko‘chirma nusxalarining to‘g‘riligini tasdiqlatganligi uchun;
14) shaxslar — ularga yo‘lovchilarning majburiy sug‘urtasi yuzasidan sug‘urta summalariga hamda fuqarolarga qarashli mol-mulkning majburiy sug‘urtasi yuzasidan sug‘urta tovoni summalari bo‘yicha merosga bo‘lgan huquqi to‘g‘risida guvohnoma berganlik uchun;
15) fermer xo‘jaligida faoliyatni davom ettirayotgan merosxo‘rlar — ularga fermer xo‘jaligining mol-mulki bo‘yicha merosga bo‘lgan huquqi to‘g‘risida guvohnoma berganlik uchun;
16) yuridik shaxs tashkil etgan va tashkil etmagan holda tuzilgan dehqon xo‘jaligida faoliyatni davom ettirayotgan merosxo‘rlar — ularga dehqon xo‘jaligi mol-mulki bo‘yicha merosga bo‘lgan huquqi to‘g‘risida guvohnoma berganlik uchun;
17) xususiy uy-joy mulkdorlarining shirkatlari, kommunal-foydalanish tashkilotlari — majburiy badallarni to‘lash va kommunal xizmatlar to‘lovi bo‘yicha qarzlarni undirish to‘g‘risidagi ijro yozuvlarini amalga oshirganlik uchun;
Oldingi tahrirga qarang.
18) O‘zbekiston Respublikasi yoki chet davlatlar hududida tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi natijasida jabrlangan jismoniy shaxslar — ularga hujjatlarning dublikatlari, ko‘chirma nusxalari, notarial harakatlarni ro‘yxatdan o‘tkazish reyestridan ko‘chirmalar berilganligi uchun.
(11-modda O‘zbekiston Respublikasining 2021-yil 25-avgustdagi O‘RQ-711-sonli Qonuniga asosan 18-band bilan to‘ldirilgan — Qonunchilik ma’lumotlari milliy bazasi, 26.08.2021-y., 03/21/711/0825-son)
12-modda. Fuqarolik holati dalolatnomalarini qayd etishda davlat bojini to‘lashdan ozod qilish
Fuqarolik holati dalolatnomalarini qayd etishda davlat boji to‘lashdan quyidagilar ozod qilinadi:
Oldingi tahrirga qarang.
1) xalq ta’limi organlari, bolalar masalalari bo‘yicha komissiyalar — yetim bolalarni va ota-onalar qaramog‘idan mahrum bo‘lgan bolalarni bolalar muassasalariga va o‘quv yurtlariga yuborish uchun tug‘ilganlik to‘g‘risida takroriy guvohnomalar berganlik uchun;
(12-moddaning 1-bandi O‘zbekiston Respublikasining 2023-yil 11-apreldagi O‘RQ-829-sonli Qonuni tahririda — Qonunchilik ma’lumotlari milliy bazasi, 12.04.2023-y., 03/23/829/0208-son)
2) jismoniy shaxslar — tug‘ilish, o‘lim qayd etilganligi uchun, ularga farzandlikka olingan, otalik belgilangan, jinsi o‘zgartirilgan hollarida, shuningdek fuqarolik holati dalolatnomalarini qayd etish chog‘ida yo‘l qo‘yilgan xatolar munosabati bilan tug‘ilganlik to‘g‘risidagi hujjatlar yozuvlari o‘zgartirilgan, to‘ldirilgan va tuzatilgan taqdirda guvohnomalar berganlik uchun;
3) jismoniy shaxslar — ularga belgilangan tartibda bedarak yo‘qolgan deb yoki ruhiy holatining buzilganligi (ruhiy kasalligi yoki aqli zaifligi) sababli muomalaga layoqatsiz deb topilgan shaxslar yoxud qilgan jinoyatlari uchun uch yildan kam bo‘lmagan muddatga ozodlikdan mahrum etishga hukm qilingan shaxslar bilan nikohni bekor qilish to‘g‘risida sudning hal qiluv qarori asosida guvohnomalar berganlik uchun;
4) jismoniy shaxslar — ularga reabilitatsiya qilingan qarindoshlarining vafot etganligi to‘g‘risidagi takroriy guvohnomalar berganlik yoki ilgari berilgan guvohnomalarni almashtirganlik uchun;
Oldingi tahrirga qarang.
5) O‘zbekiston Respublikasi yoki chet davlatlar hududida tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylar yoki yashash uchun mo‘ljallanmagan joylar yong‘ini, qulashi, transport vositalarining yonishi) yuz berganligi natijasida jabrlangan jismoniy shaxslar — ularga takroriy guvohnomalar berganlik uchun.
(12-moddaning 5-bandi O‘zbekiston Respublikasining 2021-yil 25-avgustdagi O‘RQ-711-sonli Qonuni tahririda — Qonunchilik ma’lumotlari milliy bazasi, 26.08.2021-y., 03/21/711/0825-son)
Oldingi tahrirga qarang.
13-modda. Migratsiya va fuqarolikni rasmiylashtirish sohasidagi hujjatlarni rasmiylashtirish hamda berishda davlat bojini to‘lashdan ozod qilish
O‘zbekiston Respublikasi fuqarolari davlat bojini to‘lashdan quyidagi hollarda ozod qilinadi:
1) O‘zbekiston Respublikasi fuqarosining diplomatik pasportini berganlik uchun;
2) O‘zbekiston Respublikasi fuqarosining xorijga chiqish uchun biometrik pasportini:
yaqin qarindoshlari vafot etganda yoki ular dafn etilgan joylarni ziyorat qilganda;
fuqarolik, oilaviy va jinoyat ishlari bo‘yicha huquqiy yordam ko‘rsatish to‘g‘risidagi shartnomalarga (bitimlarga) muvofiq ular xorij sudlariga fuqarolik va jinoyat ishlari yuzasidan taraflar, guvohlar va ekspertlar sifatida chaqirilganda;
voyaga yetmagan shaxsga, shuningdek unga hamrohlik qiluvchi shaxsga xorijiy davlatda ixtisoslashgan tibbiy yordam ko‘rsatilganda yoki jarrohlik amaliyoti o‘tkazilganda;
voyaga yetmagan shaxs ilm-fan, ta’lim, sport yoki madaniyat sohalaridan biridagi xalqaro tadbirda yoki musobaqada ishtirok etganda;
Ijtimoiy himoya yagona reyestriga kiritilgan shaxsga, shuningdek unga hamrohlik qiluvchi shaxsga xorijiy davlatda ixtisoslashgan tibbiy yordam ko‘rsatilganda yoki jarrohlik amaliyoti o‘tkazilganda berganlik uchun;
3) yetim bolaga yoki ota-ona qaramog‘idan mahrum bo‘lgan bolaga identifikatsiyalovchi ID-kartasini berganlik uchun;
4) to‘liq davlat ta’minotida bo‘lgan shaxsga xorijga chiqish uchun O‘zbekiston Respublikasi fuqarosining identifikatsiyalovchi ID-kartasini va O‘zbekiston Respublikasi fuqarosining biometrik pasportini berganlik uchun.
O‘zbekiston Respublikasining fuqarolari ushbu modda birinchi qismining 1, 2 va 3-bandlarida ko‘rsatilgan hujjatlarga biron-bir o‘zgartishlar kiritilgan taqdirda ham davlat bojini to‘lashdan ozod qilinadi.
O‘zbekiston Respublikasi yoki chet davlatlar hududida tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi natijasida jabrlangan jismoniy shaxslar yo‘qolgan yoxud yaroqsiz holga kelgan O‘zbekiston Respublikasi fuqarosining identifikatsiyalovchi ID-kartasi (biometrik pasporti), O‘zbekiston Respublikasida doimiy yashovchi chet el fuqarosining yoki fuqaroligi bo‘lmagan shaxsning identifikatsiyalovchi ID-kartasi (yashash guvohnomasi), O‘zbekiston Respublikasi fuqarosining xorijga chiqish uchun biometrik pasporti, O‘zbekiston Respublikasi hududida doimiy yashovchi fuqaroligi bo‘lmagan shaxsning xorijga chiqish uchun harakatlanish hujjati o‘rniga tegishincha shunday identifikatsiyalovchi ID-karta, biometrik pasport berilganligi uchun, shuningdek O‘zbekiston Respublikasi hududida vaqtincha bo‘lib turgan chet el fuqarosiga yoki fuqaroligi bo‘lmagan shaxsga pasportning yoki uning o‘rnini bosuvchi hujjatning hamda O‘zbekiston Respublikasiga taklif qilish to‘g‘risidagi hujjatning yo‘qolganligi haqida ma’lumotnoma berilganligi uchun davlat bojini to‘lashdan ozod qilinadi.
(13-modda O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
14-modda. Konsullik yig‘imini to‘lashdan ozod qilish
Konsullik yig‘imini to‘lashdan quyidagilar ozod qilinadi:
1) O‘zbekiston Respublikasining konsullik yig‘imlarini undirishdan voz kechish to‘g‘risidagi xalqaro shartnomasi mavjud bo‘lsa, chet ellik fuqarolar;
2) repatriatsiya ishlari bo‘yicha hujjatlarni rasmiylashtirish chog‘ida O‘zbekiston Respublikasining fuqarolari va fuqaroligi bo‘lmagan shaxslar;
3) chet ellik fuqarolar chet el diplomatik pasportlariga o‘zarolik asosida viza qo‘yish chog‘ida;
4) O‘zbekiston Respublikasi fuqarolari, chet ellik fuqarolar va fuqaroligi bo‘lmagan shaxslar mehnat staji, ijtimoiy ta’minot to‘g‘risidagi va alimentlar undirish haqidagi ishlarga doir hujjatlarni so‘rab olish va legallashtirish chog‘ida;
5) chet davlatlarning belgilangan tartibda akkreditatsiyadan yoki ro‘yxatdan o‘tkazilgan doimiy vakolatxonalari, xalqaro hukumatlararo tashkilotlarning va chet davlatlar hukumat tashkilotlarining vakolatxonalari, xalqaro va xorijiy nodavlat notijorat tashkilotlarining vakolatxonalari hamda filiallari xodimlari (ularning oila a’zolari);
6) belgilangan tartibda akkreditatsiyadan o‘tkazilgan matbuot vakillari (ularning oila a’zolari);
7) insonparvarlik yordamini kuzatib keluvchi chet ellik fuqarolar;
8) o‘n olti yoshga to‘lmagan bolalar;
9) O‘zbekiston Respublikasi Prezidentining, O‘zbekiston Respublikasi Oliy Majlisi palatalarining va O‘zbekiston Respublikasi Vazirlar Mahkamasining, shuningdek budjet tashkilotlarining taklifiga binoan O‘zbekiston Respublikasiga keluvchi chet ellik fuqarolar, agar kontrakt shartlariga ko‘ra viza olish bilan bog‘liq xarajatlar qabul qiluvchi tarafning zimmasiga yuklatilgan bo‘lsa;
Oldingi tahrirga qarang.
91) O‘zbekiston Respublikasi yoki chet davlatlar hududida tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi natijasida jabrlangan jismoniy shaxslar ularning yo‘qolgan hujjatlarini yoxud qonunchilik hujjatlarida belgilangan, yaroqsiz holga kelgan, muayyan faktni tasdiqlaydigan hujjatlarini tiklash chog‘ida, shuningdek O‘zbekiston Respublikasining diplomatik vakolatxonalari yoki konsullik muassasalari tomonidan ushbu hujjatlarning ko‘chirma nusxalari, dublikatlari hamda ularning mavjudligi haqidagi ma’lumotnomalar talab qilib olinganda;
(14-modda O‘zbekiston Respublikasining 2021-yil 25-avgustdagi O‘RQ-711-sonli Qonuniga asosan 91-band bilan to‘ldirilgan — Qonunchilik ma’lumotlari milliy bazasi, 26.08.2021-y., 03/21/711/0825-son)
10) ushbu Qonunning 11, 12 va 13-moddalarida nazarda tutilgan hollarda.
15-modda. Ayrim toifadagi shaxslarni davlat bojini to‘lashdan ozod qilish
Oldingi tahrirga qarang.
Doimiy yashash va vaqtincha turgan joyi bo‘yicha ro‘yxatdan o‘tkazganlik uchun davlat bojini to‘lashdan quyidagilar ozod qilinadi:
(15-modda birinchi qismining birinchi xatboshisi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Oldingi tahrirga qarang.
keksalar va nogironligi bo‘lgan shaxslar uchun internat uylarida yashovchi keksalar va nogironligi bo‘lgan shaxslar;
(15-moddasi birinchi qismining ikkinchi xatboshisi O‘zbekiston Respublikasining 2022-yil 17-maydagi O‘RQ-770-sonli Qonuni tahririda — Qonunchilik ma’lumotlari milliy bazasi, 18.05.2022-y., 03/22/770/0424-son)
maktab-internatlar, akademik litseylar va kasb-hunar kollejlarining to‘liq davlat ta’minotida bo‘lgan va yotoqxonalarda yashovchi o‘quvchilari.
Dehqon xo‘jaliklarini, davlat korxonalari negizida tuzilayotgan aksiyadorlik jamiyatlarini, O‘zbekiston Respublikasida ro‘yxatga olingan nodavlat notijorat tashkilotlarining alohida bo‘linmalarini (vakolatxonalari va filiallarini), shuningdek xususiy uy-joy mulkdorlarining shirkatlarini davlat ro‘yxatidan o‘tkazganlik uchun davlat boji undirilmaydi.
Ushbu Qonunga doir ilova 10 va 11-bandlarining “a” — “g” kichik bandlarida, 12, 13 va 15-bandlarining “a” va “b” kichik bandlarida nazarda tutilgan davlat bojini (patent bojini) to‘lashdan 1941 — 1945-yillardagi urush ishtirokchilari yoki ularga tenglashtirilgan shaxslar, shuningdek o‘z nomiga muhofaza hujjati talab etiladigan ixtirolarning, foydali modellarning, sanoat namunalarining, seleksiya yutuqlarining, topologik integral mikrosxemalarning, elektron hisoblash mashinalari uchun yaratilgan dasturlarning va ma’lumotlar bazalarining yagona mualliflari bo‘lgan, I guruh nogironi bo‘lgan shaxslar.
Konsert-tomosha faoliyatini amalga oshirish huquqi uchun davlat boji to‘lashdan quyidagilar ozod etiladi:
1) I va II guruh nogironligi bo‘lgan shaxslar;
2) IV reyting guruhiga kiritilgan, ta’lim muassasalarida o‘qiydigan va konsert-tomosha faoliyatida ishtirok etish huquqini birinchi marta olayotgan ijrochilar mazkur ta’lim muassasasida o‘qish muddati davomida, lekin konsert-tomosha faoliyatini amalga oshirish huquqini olgan sanadan bir yildan ortiq bo‘lmagan muddatda davlat bojini to‘lamaydi (tegishli tasdiqlovchi hujjat mavjud bo‘lganda).
Konsert-tomosha faoliyatini amalga oshirish huquqiga doir litsenziya berganlik uchun davlat bojini to‘lovchi pensionerlar konsert-tomosha faoliyatini amalga oshirish huquqi uchun belgilangan miqdorning 50 foizi miqdorida davlat boji to‘laydi.
Oldingi tahrirga qarang.
Davlat notarial idorasining xususiy amaliyot bilan shug‘ullanish istagini bildirgan notariusi xususiy notarial faoliyat bilan shug‘ullanish huquqiga doir litsenziya berilganligi uchun davlat boji to‘lashdan ozod qilinadi.
(15-modda O‘zbekiston Respublikasining 2020-yil 20-maydagi O‘RQ-619-sonli Qonuniga asosan oltinchi qism bilan to‘ldirilgan — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
[OKOZ:

1.07.00.00.00 Moliya va kredit to‘g‘risidagi qonunchilik. Bank faoliyati / 07.18.00.00 Davlat boji / 07.18.04.00 Davlat bojini to‘lash tartibi]

3-bob. Davlat boji to‘lovlarini, tushumlarini hisobga olish va qaytarish tartibi
16-modda. Davlat boji to‘lovlarini va tushumlarini hisobga olish
Davlat boji naqd pulsiz o‘tkazilganligiga doir to‘lov topshiriqnomalari, davlat bojini to‘lash uchun pul qabul qilib olinganligi to‘g‘risidagi kvitansiya davlat bojini undiradigan davlat organlarida qoladigan tegishli materiallarga qo‘shib qo‘yiladi.
Notarial harakatlarni ro‘yxatdan o‘tkazish reyestrida kiritilgan davlat boji summasi, davlat boji to‘langanligi haqidagi hujjatning sanasi va raqami ko‘rsatiladi.
To‘lovchilar davlat bojini to‘lashdan ozod etilgan hollarda, tegishli hujjatlarga (reyestrlarga, daftarlarga va boshqa shu kabilarga) tasdiqlovchi hujjatlarning ko‘chirma nusxalari ilova qilingan holda belgi qo‘yiladi, bundan pensiyalar va nafaqalar olish uchun ishonchnomalarni tasdiqlash hollari mustasno.
Oldingi tahrirga qarang.
Davlat boji tushumlarini hisobga olish davlat bojini undiradigan davlat organlari va tashkilotlari, shuningdek xususiy amaliyot bilan shug‘ullanuvchi notariuslar tomonidan O‘zbekiston Respublikasi Moliya vazirligi va O‘zbekiston Respublikasi Davlat soliq qo‘mitasi tomonidan belgilangan tartibda amalga oshiriladi.
(16-moddaning to‘rtinchi qismi O‘zbekiston Respublikasining 2022-yil 6-dekabrdagi O‘RQ-808-sonli Qonuni tahririda — Qonunchilik ma’lumotlari milliy bazasi, 07.12.2022-y., 03/22/808/1069-son)
Oldingi tahrirga qarang.
Davlat boji tushumlari bo‘yicha hisobot davlat bojini undiruvchi davlat organlari va tashkilotlari, shuningdek xususiy amaliyot bilan shug‘ullanuvchi notariuslar tomonidan o‘zi joylashgan erdagi davlat soliq xizmati organlariga yilning har choragida, hisobot choragidan keyingi oyning 10-kunidan kechiktirmasdan taqdim etiladi.
(16-moddaning beshinchi qismi O‘zbekiston Respublikasining 2022-yil 6-dekabrdagi O‘RQ-808-sonli Qonuni tahririda — Qonunchilik ma’lumotlari milliy bazasi, 07.12.2022-y., 03/22/808/1069-son)
17-modda. Davlat bojini to‘lash va hisobga o‘tkazish tartibi
Davlat boji, agar ushbu Qonunda boshqacha qoida belgilanmagan bo‘lsa, davlat boji undiriladigan yuridik ahamiyatga molik harakatlar amalga oshirilguniga qadar va (yoki) bunga vakolatli bo‘lgan muassasalar (mansabdor shaxslar) tomonidan hujjatlar berilguniga qadar naqd pulli yoki naqd pulsiz shaklda to‘lanadi.
To‘lovchining davlat bojini naqd pulsiz shaklda to‘laganligi fakti qog‘ozdagi yoki elektron shakldagi to‘lov hujjati bilan tasdiqlanadi.
To‘lovchining davlat bojini naqd pul shaklida to‘laganligi fakti bank tomonidan to‘lovchiga beriladigan belgilangan shakldagi kvitansiya yoki O‘zbekiston Respublikasi Moliya vazirligi va O‘zbekiston Respublikasi Davlat soliq qo‘mitasi belgilagan shaklda to‘lovni amalga oshirgan mansabdor shaxs yoxud davlat organi va tashkilotning kassasi tomonidan to‘lovchiga beriladigan kvitansiya bilan tasdiqlanadi.
Davlat bojini to‘lashning o‘ziga xos xususiyatlari amalga oshirilayotgan yuridik ahamiyatga molik harakatlarning turiga, to‘lovchilarning toifalariga yoki boshqa holatlarga ko‘ra ushbu Qonunning 19 — 24-moddalariga muvofiq belgilanadi.
Davlat boji to‘lov hujjatlari asosida O‘zbekiston Respublikasining Davlat budjetiga o‘tkaziladi, bundan davlat bojining qaysi davlat organlari xizmatlari uchun davlat boji undirilayotgan bo‘lsa, o‘sha davlat organi tasarrufida qoldirilayotgan qismi mustasno.
Oldingi tahrirga qarang.
Davlat bojining bir qismi davlat organi tasarrufida qoldirilgan taqdirda, davlat boji yagona hisobvarag‘iga keyinchalik O‘zbekiston Respublikasi Davlat budjeti va davlat organi o‘rtasida qonunchilikka muvofiq taqsimlangan holda to‘lanadi.
Davlat bojining davlat organi tasarrufida qoldiriladigan miqdori qonunchilikda belgilanadi.
(17-moddaning oltinchi va yettinchi qismlari O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Mulkiy nizo bo‘yicha sudga da’vo arizasi berilganda, shuningdek mol-mulkning oldi-sotdi, hadya, ayirboshlash shartnomasini notarial tartibda tasdiqlashda, merosga bo‘lgan huquqni rasmiylashtirishda, agar da’vo qiymati, shartnoma summasi yoki meros miqdori chet el valyutasida belgilansa, davlat bojining miqdori harakatlar amalga oshirilgan sanada O‘zbekiston Respublikasining Markaziy banki tomonidan belgilangan kurs bo‘yicha milliy valyutada belgilanadi va undiriladi.
18-modda. Davlat bojini qaytarish tartibi
Davlat boji quyidagi hollarda to‘liq yoki qisman qaytarilishi kerak:
Oldingi tahrirga qarang.
1) davlat boji qonunchilikda talab qilinganidan ortiqcha miqdorda to‘langanida;
(18-moddaning 1-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
2) sud da’vo arizasini (arizani, shikoyatni) qaytarganda yoki qabul qilishni rad etganda, shuningdek notarius notarial harakatlarni amalga oshirishni rad etganda;
(18-modda birinchi qismining ikkinchi bandi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
3) apellatsiya, kassatsiya va nazorat shikoyati qaytarilganda yoki uni qabul qilish rad etilganda;
4) davlat boji to‘langan da’vo arizasi (ariza, shikoyat) yoki apellatsiya, kassatsiya va nazorat shikoyati sudga kelib tushmaganda;
5) agar ish sudga taalluqli bo‘lmasa, ishni yuritish tugatilganda;
6) ariza ko‘rmasdan qoldirilganda, agar u muomalaga layoqatsiz shaxs tomonidan berilgan bo‘lsa;
7) sudning yoki hakamlik sudining ish yurituvida ayni bir taraflar o‘rtasidagi, ayni bir predmet to‘g‘risidagi va ayni bir asoslar bo‘yicha nizo yuzasidan ish mavjud bo‘lsa, ariza ko‘rmasdan qoldirilganda;
8) agar taraflar o‘rtasida nizoni hal qilish uchun hakamlik sudiga topshirish to‘g‘risida hakamlik bitimi tuzilgan bo‘lsa, ariza ko‘rmasdan qoldirilganda;
9) agar taraflar o‘rtasida mediativ kelishuv tuzilgan bo‘lsa, ariza ko‘rmasdan qoldirilganda;
10) ishda ishtirok etgan shaxs vafot etganida, agar nizoli huquqiy munosabat huquqiy vorislikka yo‘l qo‘ymasa;
11) da’vogar nizoni sudga qadar hal etish (e’tiroz bildirish) tartibiga rioya etmaganda, agar bu hol qonunda ushbu toifadagi nizolar uchun yoki taraflarning shartnomasida nazarda tutilgan hamda bunday hal etish imkoniyati boy berilgan bo‘lsa;
12) voyaga yetmagan bolalari bo‘lmagan er-xotinning nikohi o‘zaro rozilik asosida bekor qilinganligini qayd etish uchun davlat boji to‘langanda, agar er-xotinning yarashishi yoki ulardan birining sudga kelmaganligi tufayli nikohni bekor qilish amalga oshirilmagan bo‘lsa;
13) agar ishda ishtirok etayotgan yuridik shaxs tugatilgan bo‘lsa;
14) sud buyrug‘ini chiqarish to‘g‘risidagi arizani qabul qilish rad etilganda;
Oldingi tahrirga qarang.
15) O‘zbekiston Respublikasining fuqarolariga va O‘zbekiston Respublikasida doimiy yashovchi fuqaroligi bo‘lmagan shaxslarga xorijga chiqish huquqi uchun hujjat berish rad etilganda.
(18-modda birinchi qismining 15-bandi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Davlat boji summalarini qaytarish to‘lovchining yozma arizasiga binoan yoki sudning hal qiluv qarorlari asosida amalga oshiriladi. Davlat boji summasini qaytarish uchun arizachi davlat bojini undirgan tegishli davlat organiga yoki tashkilotga murojaat qilishi kerak. Davlat bojini undirgan davlat organi yoki tashkilotning rahbari uni qaytarish qonuniyligini tasdiqlagan taqdirda, davlat organi yoki tashkilot va davlat bojining boshqa oluvchilari ilgari o‘z hisobvaraqlariga o‘tkazilgan davlat boji summalarining tegishli qismlarini to‘lovchining yozma arizasi olingan kundan e’tiboran besh kun ichida yoki sud hujjatlari asosida qaytaradi. O‘z navbatida davlat organi yoki tashkilot qaytarilishi lozim bo‘lgan, ilgari O‘zbekiston Respublikasining Davlat budjeti daromadiga o‘tkazilgan davlat boji summasining bir qismini qaytarish to‘g‘risida davlat soliq xizmati organiga yozma shaklda xabar yuboradi.
O‘zbekiston Respublikasining Davlat budjeti daromadiga o‘tkazilgan davlat bojini qaytarish to‘g‘risidagi qaror soliq organi tomonidan davlat organi yoki tashkilotning tegishli xabarnomasi olingan kundan e’tiboran o‘n kun ichida qabul qilinadi. Davlat bojini qaytarish to‘g‘risida qaror qabul qilingan taqdirda soliq organi davlat bojini to‘lovchiga qaytarishni amalga oshirish uchun O‘zbekiston Respublikasining G‘aznachiligiga qaytarish to‘g‘risida tegishli topshiriqnoma yuboradi.
4-bob. Davlat bojini undirishning o‘ziga xos xususiyatlari
19-modda. Sudlarda davlat bojini undirishning o‘ziga xos xususiyatlari
Sudlarga beriladigan da’vo arizalaridan, alohida tartibda yuritiladigan ishlar bo‘yicha arizalardan, ma’muriy-huquqiy munosabatlardan kelib chiqadigan ishlar bo‘yicha sudlarga beriladigan shikoyatlardan, sudlarning hal qiluv qarorlari ustidan apellatsiya, kassatsiya va nazorat tartibidagi shikoyatlardan, shuningdek sudlar tomonidan hujjatlarning ko‘chirma nusxalarini berganlik uchun davlat boji quyidagi tartibda undiriladi:
shartnomalarni haqiqiy emas deb e’tirof etish to‘g‘risidagi, shartnomalarni bekor qilish to‘g‘risidagi yoki ularning shartlariga o‘zgartish va qo‘shimchalar kiritish haqidagi da’vo arizalariga shartnoma to‘laligicha yoki uning biron-bir qismi nizolashilayotganligidan qat’i nazar, shartnoma oldi nizolari bo‘yicha arizalar uchun belgilangan stavkalar bo‘yicha to‘lanadi;
qarshi da’vo arizalaridan, shuningdek uchinchi shaxslarning ishga mustaqil da’vo talablari bilan kirishganligi to‘g‘risidagi arizalardan davlat boji umumiy asoslarda undiriladi.
Sud dastlabki da’vogarni uning roziligiga ko‘ra boshqa shaxs bilan almashtirganda bu shaxs davlat bojini umumiy asoslarda to‘lashi kerak.
Ishdan dastlabki da’vogar chiqib ketgan va u huquqiy voris bilan almashtirilgan hollarda, davlat boji, agar u dastlabki da’vogar tomonidan to‘lanmagan bo‘lsa, qanoatlantirilgan da’vo talablari miqdoriga mutanosib ravishda huquqiy vorisdan undiriladi.
Sudya bir yoki bir nechta birlashgan da’vo talabini alohida ish yuritish uchun ajratgan taqdirda, da’vo taqdim etilganda to‘langan davlat boji qayta hisoblab chiqilmaydi va qaytarilmaydi. Alohida ish yurituvga ajratganlik yuzasidan davlat boji ikkinchi bor to‘lanmaydi.
Oldingi tahrirga qarang.
Ilgari ko‘rmasdan qoldirilgan takroran berilgan arizalar bo‘yicha davlat boji qaytadan umumiy asoslarda to‘lanadi. Agar ariza ko‘rmasdan qoldirilganligi munosabati bilan davlat boji qaytarilishi kerak bo‘lsa-yu, lekin qaytarilmasa, agar davlat boji budjetga o‘tkazilgan kundan e’tiboran fuqarolik to‘g‘risidagi qonunchilikka muvofiq da’vo muddati tugamagan bo‘lsa, davlat boji to‘langanligi to‘g‘risidagi dastlabki hujjat takroran berilgan arizaga ilova qilinishi mumkin.
Davlat boji hisoblab chiqariladigan da’vo bahosi da’vogar tomonidan, belgilangan hollarda esa fuqarolik protsessual va iqtisodiy protsessual qonunchilikka muvofiq sud tomonidan aniqlanadi.
(19-moddaning beshinchi va oltinchi qismlari O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Agar ishni muhokamaga tayyorlash kunida da’vogar alimentlarni undirish to‘g‘risidagi ishni tugatish haqida ariza bergan bo‘lsa, bunday hollarda javobgardan davlat boji undirilmaydi.
Da’vogar tomonidan da’vo talablari kamaytirilgan taqdirda, to‘langan davlat boji qayta hisoblab chiqilmaydi.
Da’vo summasi ko‘paytirilgan taqdirda, davlat bojining yetishmayotgan summasi da’voning ko‘paytirilgan summasiga muvofiq to‘lanadi.
Da’vogar davlat bojini to‘lashdan ozod etilgan taqdirda da’vo qanoatlantirilsa, davlat boji javobgardan (agar u davlat bojini to‘lashdan ozod etilmagan bo‘lsa) davlat daromadiga belgilangan da’vo summasiga muvofiq undiriladi.
Da’vo birgalikda bir nechta da’vogar tomonidan bir yoki bir nechta javobgarga nisbatan taqdim etilganda, davlat boji da’voning umumiy summasidan kelib chiqqan holda hisoblab chiqariladi va da’vogarlar tomonidan ular qo‘ygan talablar ulushiga mutanosib tarzda to‘lanadi.
Da’voning umumiy summasidan kelib chiqqan holda davlat boji quyidagi hollarda ham undiriladi:
da’vo da’vogar tomonidan bir nechta javobgarga nisbatan taqdim etilganda;
da’vo arizalarini qabul qiladigan sudya bir turdagi bir necha talabni bir ish yurituviga birlashtirganda.
Davlat bojini to‘lashdan ozod etilgan bir yoki bir nechta da’vogar tomonidan bir nechta javobgarga nisbatan taqdim etilgan da’vo to‘liq yoki qisman qanoatlantirilganda davlat bojini undirish sudning hal qiluv qaroriga binoan har bir javobgardan belgilangan qarz summasidan kelib chiqqan holda alohida-alohida amalga oshiriladi. Agar bunday da’vo bir nechta da’vogar tomonidan bir javobgarga nisbatan taqdim etilgan bo‘lsa, davlat boji javobgardan umumiy belgilangan qarz summasidan kelib chiqqan holda budjetga undiriladi.
Sud boshqa shaxsni ikkinchi javobgar sifatida jalb qilgan va da’vo summasining bir qismini bir javobgardan, qolgan qismini esa ikkinchisidan undirishga hukm qilgan taqdirda va, agar bunda da’vogar davlat bojini to‘lashdan ozod qilingan bo‘lsa, davlat boji da’voning qanoatlantirilgan umumiy summasidan hisoblab chiqariladi hamda har bir javobgardan unga belgilangan da’vo summasi miqdoriga mutanosib ravishda budjetga undiriladi.
Davlat bojini to‘lashdan ozod qilingan da’vogar o‘z talablarini da’vo berilganidan keyin ular javobgar tomonidan ixtiyoriy ravishda to‘liq yoki qisman qanoatlantirilganligi tufayli qo‘llab-quvvatlamagan hollarda davlat bojining summasi javobgardan sud ajrimi bo‘yicha budjetga undiriladi.
Oldingi tahrirga qarang.
Da’vogar arizada da’vo summasini ko‘rsatmagan hollarda sudya da’vo arizasini qabul qilish asnosida, da’voning taxminiy bahosidan kelib chiqqan holda to‘lanishi lozim bo‘lgan davlat bojining miqdorini dastlabki tarzda belgilaydi. Agar sud hal qiluv qarorini chiqarganda da’voning umumiy summasi oshsa, davlat boji da’voning oshib ketgan summasidan kelib chiqqan holda hisoblab chiqariladi. Bunda vujudga kelgan farq da’vogardan yoki da’vo to‘liq qanoatlantirilgan taqdirda — javobgardan budjet daromadiga undirilishi lozim. Sud da’vogar arizada ko‘rsatgan talablar doirasidan qonunchilikda belgilangan hollarda ish holatlariga bog‘liq ravishda chiqib ketganda ham davlat boji shunday tartibda hisoblab chiqariladi. Bunday hollarda da’vo qisman qanoatlantirilgan taqdirda, davlat boji javobgardan da’voning qanoatlantirilgan qismiga mutanosib ravishda undiriladi, davlat bojining qolgan qismi esa da’vogardan undirilishi lozim.
(19-moddaning o‘n oltinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Sud mol-mulkni meros qilib olish huquqi to‘g‘risida hal qiluv qarori qabul qilgan taqdirda, davlat boji mol-mulkning umumiy qiymatidan kelib chiqqan holda sud tomonidan hisoblab chiqariladi va har bir merosxo‘rdan uning ulushiga mutanosib ravishda undiriladi.
Mol-mulkka bo‘lgan mulk huquqi to‘g‘risidagi, mol-mulkni talab qilib olish haqidagi, mol-mulkdagi ulushga bo‘lgan huquqni e’tirof etish to‘g‘risidagi, umumiy mol-mulkdan ulush ajratish haqidagi va merosxo‘rlarning o‘zlariga tegishli mol-mulk ulushini talab qilib olish to‘g‘risidagi da’vo arizalari uchun davlat boji ushbu mol-mulk yoki uning ulushi qiymatidan kelib chiqqan holda to‘lanishi lozim.
Bir vaqtning o‘zida mulkiy va nomulkiy xususiyatga ega bo‘lgan da’vo arizalari uchun mulkiy xususiyatdagi da’vo arizalari uchun belgilangan stavkalar bo‘yicha va nomulkiy xususiyatga ega da’vo arizalari uchun belgilangan stavkalarga ko‘ra, har bir talab bo‘yicha alohida-alohida davlat boji to‘lanadi.
Qiymat jihatidan baholanmaydigan talablar (o‘zboshimchalik bilan egallab olingan joylarni bo‘shatish to‘g‘risidagi, natura shaklida maydon berish haqidagi, topshirish balansini qabul qilishga majburlash bilan bog‘liq nizolar va boshqalar) nomulkiy xususiyatga ega da’vo arizalari jumlasiga kiradi.
Nikohni bekor qilish bilan bir vaqtda mol-mulkni bo‘lish to‘g‘risidagi da’vo arizalaridan nikohni bekor qilganlik uchun va mol-mulkni bo‘lganlik uchun davlat boji undiriladi.
Da’vo arizasini (arizani, shikoyatni) qaytarishga asos bo‘lgan sharoitlar bartaraf etilganidan so‘ng takroran beriladigan da’vo arizalariga (arizalarga, shikoyatlarga) davlat boji to‘langanligi to‘g‘risidagi dastlabki hujjat davlat boji takroran to‘lanishining oldini olish uchun ilova qilinishi mumkin.
Arizachi davlat bojini to‘lashdan ozod qilingan hollarda da’vo qanoatlantirilgan taqdirda davlat boji, agar javobgar davlat bojini to‘lashdan ozod qilinmagan bo‘lsa, qanoatlantirilgan da’vo talablari miqdoriga mutanosib ravishda javobgardan undiriladi.
Davlat boji to‘lashdan ozod qilingan davlat organlari hamda boshqa shaxslar tomonidan yuridik va jismoniy shaxslarning manfaatlarini ko‘zlab bildirilgan talablarini qanoatlantirish rad etilgan yoki ular qisman qanoatlantirilgan taqdirda, davlat boji ariza qaysi shaxslarning manfaatlarini ko‘zlab taqdim etilgan bo‘lsa, shu shaxslardan da’vo talablarining qanoatlantirilishi rad etilgan qismiga mutanosib ravishda undiriladi.
Muayyan sudda ko‘rilishi lozim bo‘lgan bir nechta ish uchun bir to‘lov topshiriqnomasi bo‘yicha davlat boji o‘tkazilgan hollarda topshiriqnoma ishlarning biriga ilova qilinadi. Mazkur ish bo‘yicha to‘langan davlat bojining summasi to‘g‘risida qolgan ishlarga belgi qo‘yiladi va to‘lov topshiriqnomasi qo‘shib qo‘yilgan ish ko‘rsatiladi.
Sud buyrug‘i bekor qilingan taqdirda, undiruvchi tomonidan to‘langan davlat boji qaytarilmaydi. Da’vo undiruvchi tomonidan qarzdorga nisbatan da’vo ishini yuritish tartibida qo‘zg‘atilgan taqdirda u to‘lanishi lozim bo‘lgan davlat boji hisobiga o‘tkaziladi.
Pul mablag‘lari mavjud bo‘lmagan va bu xizmat ko‘rsatuvchi bank tomonidan tasdiqlangan taqdirda, tadbirkorlik faoliyati bilan shug‘ullanuvchi yuridik va jismoniy shaxslarga sudning ajrimiga ko‘ra davlat bojini kechiktirib to‘lashga ruxsat berilishi mumkin. Bank tasdig‘ida sudga murojaat qilingan sanadan ko‘pi bilan uch kun oldingi sana qayd etilgan bo‘lishi kerak.
Aksiyadorlar aksiyadorlik jamiyatining faoliyatidan kelib chiqadigan nizolar bo‘yicha o‘z huquqlari va qonuniy manfaatlari buzilganligi to‘g‘risidagi da’vo bilan iqtisodiy sudga murojaat qilgan taqdirda aksiyadorlarga davlat bojini to‘lash muddati kechiktirilib, bu boj keyinchalik aybdor tarafdan undirib olinadi.
20-modda. Notarial harakatlar bajarilganligi uchun davlat boji undirishning o‘ziga xos xususiyatlari
Oldingi tahrirga qarang.
Notarial harakatlar notariuslar tomonidan bajarilganligi uchun davlat boji ular amalga oshirilganda undiriladi, notarial idoralardagi ishlarda mavjud bo‘lgan hujjatlarning dublikatlarini, hujjatlarning ko‘chirma nusxalarini, notarial harakatlarni ro‘yxatga olish reyestridan ko‘chirmalarni berganlik uchun esa ular berilayotganda undiriladi.
(20-moddaning birinchi qismi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Davlat boji to‘lashdan bir taraf ozod etiladigan bitimlar bo‘yicha davlat bojini boshqa taraf to‘liq to‘laydi.
Oldingi tahrirga qarang.
Notarius depozitiga qabul qilish uchun pul summalari pochta orqali yoki bankdan kelib tushgan hollarda davlat bojining tegishli summalari kelib tushgan puldan ushlab qolinadi, ularning qoldig‘i esa depozitga qabul qilinadi. Ushlab qolingan davlat boji summalari notarius tomonidan depozit summalari bankka navbatdagi topshirish chog‘ida budjetga o‘tkazilib, bank kvitansiyasi notarial idora ishlarida saqlanadi.
(20-moddaning uchinchi qismi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Oldingi tahrirga qarang.
Notarial idora binosidan tashqarida amalga oshiriladigan notarial harakatlar uchun davlat boji ikki baravar miqdorda undiriladi, bundan fuqarolarning o‘zini o‘zi boshqarish organlari binolarida notariuslarning sayyor qabullari chog‘ida amalga oshiriladigan notarial harakatlar, shuningdek ozodlikdan mahrum qilish joylaridagi yoki qamoqda saqlanayotgan shaxslarning ishonchnomalarini notarial tartibda tasdiqlash mustasno.
(20-moddaning to‘rtinchi qismi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Bir nechta merosxo‘r (shu jumladan qonun bo‘yicha, vasiyatnoma bo‘yicha va merosdan majburiy ulush olish huquqiga ega bo‘lgan merosxo‘rlar) mavjud bo‘lgan hollarda davlat boji har bir merosxo‘rga tegishli meros ulushidan hisoblab chiqariladi.
Voyaga yetmagan merosxo‘rlar (shu jumladan meros qoldiruvchilarning bolalari bo‘lmagan merosxo‘rlar) mavjud bo‘lgan taqdirda davlat boji faqat voyaga yetgan merosxo‘rlardan ularning merosdagi ulushiga mutanosib ravishda undiriladi.
Oldingi tahrirga qarang.
Agar merosga bo‘lgan huquq to‘g‘risidagi guvohnoma merosxo‘rlarning arizasi bo‘yicha meros mol-mulkning bir qismiga berilayotgan bo‘lsa, davlat boji mol-mulkning berilayotgan guvohnomada ko‘rsatilgan qismi uchun belgilangan stavka bo‘yicha hisoblab chiqariladi. Keyinchalik mol-mulkning qolgan qismiga guvohnoma berilganida davlat boji uning avvalgi guvohnoma (guvohnomalar) berilganligi uchun to‘langan qismi chiqarib tashlangan holda mutanosib ravishda undiriladi.
(20-moddaning yettinchi qismi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Qonun bo‘yicha bir vaqtning o‘zida boshqa merosxo‘rlar mavjud bo‘lgan taqdirda, meros mol-mulkning bir qismi merosxo‘rlarga vasiyatnoma bo‘yicha o‘tgan hollarda davlat boji vasiyatnoma bo‘yicha mol-mulkning qismidan alohida hisoblab chiqariladi, qolgan mol-mulkning qismidan esa umumiy tartibda hisoblab chiqariladi.
Qonun bo‘yicha va vasiyatnoma bo‘yicha meros qilib olinayotgan mol-mulkdan merosning majburiy ulushi ajratilgan hollarda davlat boji qonunga binoan vorislik huquqi bo‘yicha o‘tayotgan butun mol-mulkning qismidan, shu jumladan majburiy ulush bilan birga hisoblab chiqariladi.
Oldingi tahrirga qarang.
Sudlarning ilgari berilgan guvohnomalar haqiqiy emasligi to‘g‘risidagi hal qiluv qarorlari asosida beriladigan merosga bo‘lgan huquq to‘g‘risidagi takroriy guvohnomalar uchun davlat boji umumiy asoslarda undiriladi. Bunda birlamchi guvohnoma uchun to‘langan davlat boji summasi qaytarilishi yoki soliq to‘lovchining arizasiga ko‘ra yangi guvohnoma berganlik uchun beriladigan summa hisobiga, agar summalar budjetga o‘tkazilgan kundan e’tiboran fuqarolik to‘g‘risidagi qonunchilikda nazarda tutilgan da’vo muddati tugamagan bo‘lsa, o‘tkazilishi lozim. Sud tomonidan haqiqiy emas deb topilgan har qanday shartnoma takroran tasdiqlangan taqdirda ham masala xuddi shunday tartibda hal qilinadi.
(20-moddaning o‘ninchi qismidagi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
Notarius reyestrida takroriy guvohnomalar va shartnomalarni qayd qilishda tegishli katakchada davlat boji qachon va qancha summada undirilganligi hamda undirish to‘g‘risidagi yozuv qayerda borligi ko‘rsatiladi. Bunda notarial idora ishlarida qoladigan asosiy hujjatlarga sudning tegishli guvohnomalar va shartnomalarni haqiqiy emas deb topish to‘g‘risidagi hal qiluv qarorlari ilova qilinishi kerak.
(20-moddaning o‘n birinchi qismi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Kredit tashkilotlari tomonidan beriladigan sertifikatlar va akkreditivlarga doir merosga bo‘lgan huquq to‘g‘risida guvohnoma berganlik uchun davlat boji umumiy asoslarda undiriladi.
Er-xotinning birgalikda yashaganda olingan va er-xotindan birining vafotidan keyin qolgan mol-mulkka doir merosga bo‘lgan huquq to‘g‘risida guvohnoma berganlik uchun davlat boji meros bo‘yicha haqiqatda o‘tayotgan mol-mulkning qismidan undiriladi.
Davlat boji mutanosib ravishda undiriladigan notarial harakatlar bajarilganda uni hisoblab chiqarish taraflar ko‘rsatgan summadan ushbu moddada belgilangan qoidalarga rioya etgan holda amalga oshiriladi.
Jismoniy va yuridik shaxslarga tegishli uylar, kvartiralar, dala hovlilari, garajlar, boshqa imoratlar, binolar va inshootlarni boshqa shaxsga o‘tkazish shartnomalarini tasdiqlaganlik uchun davlat boji summasi ularning umumiy maydonidan kelib chiqqan holda hisoblab chiqariladi.
Eng kam va eng ko‘p summa ko‘rsatilgan shartnomalarni tasdiqlashda davlat boji eng ko‘p summadan kelib chiqqan holda hisoblab chiqariladi va undiriladi.
Ayirboshlash shartnomalari bo‘yicha davlat boji qiymati yuqori bo‘lgan mol-mulkdan hisoblab chiqariladi.
Shartlariga ko‘ra to‘lovlar summasida ijaraga oluvchi tomonidan quriladigan imoratlar va boshqa inshootlar, xonalarni jihozlash qiymati, shuningdek ijaraga oluvchi tomonidan amalga oshiriladigan kapital ta’mirlash hamda boshqa shu kabilarning qiymati hisobga olinadigan mulk ijarasi shartnomasini tasdiqlashda hisoblab chiqariladigan va undiriladigan davlat bojining summasi amalga oshiriladigan xarajatlarning qiymati hisobga olingan holda belgilanadi.
Oldingi tahrirga qarang.
Ijro yozuvlarini yozganlik uchun tegishli davlat boji summasini to‘lashdan undiruvchi ozod qilingan taqdirda yozuv bo‘yicha qarz undirilayotgan chog‘da qarzdordan undiriladi.
(20-moddaning o‘n to‘qqizinchi qismi O‘zbekiston Respublikasining 2020-yil 20-maydagi O‘RQ-619-sonli Qonuni tahririda — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
Oldingi tahrirga qarang.
Ikki yoki undan ortiq shaxs nomidan yoxud ikki yoki undan ortiq shaxs nomiga berilgan bitta ishonchnomani tasdiqlashda davlat boji bitta harakatga nisbatan undiriladi.
Ikki yoki undan ortiq shaxsning bitta arizadagi (majburiyatdagi) imzolarini shahodatlashda davlat boji bitta harakatga nisbatan undiriladi.
(20-modda O‘zbekiston Respublikasining 2020-yil 20-maydagi O‘RQ-619-sonli Qonuniga asosan yigirmanchi va yigirma birinchi qismlar bilan to‘ldirilgan — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
21-modda. Konsullik yig‘imini undirishning o‘ziga xos xususiyatlari
Konsullik yig‘imi konsullik harakatlari amalga oshirilguniga qadar to‘lanadi. Konsullik yig‘imlari O‘zbekiston Respublikasining Davlat budjeti daromadiga o‘tkaziladi. Konsullik yig‘imlarining to‘langan summalari qaytarilmaydi.
Konsullik yig‘imlari summalarini O‘zbekiston Respublikasining Davlat budjetiga, shuningdek xorijda to‘langan yig‘imlarni O‘zbekiston Respublikasi diplomatik vakolatxonasining va konsullik muassasasining maxsus bank hisobvaraqlariga hisoblab chiqarish, undirish va hisobga o‘tkazish tartibi O‘zbekiston Respublikasi Tashqi ishlar vazirligi tomonidan O‘zbekiston Respublikasi Moliya vazirligi bilan kelishilgan holda belgilanadi.
Konsullik yig‘imlarining miqdori O‘zbekiston Respublikasi Prezidentining qarori bilan belgilanadi.
22-modda. Davlat bojini boshqa organlar va tashkilotlar tomonidan undirishning o‘ziga xos xususiyatlari
Fuqarolik holati dalolatnomalarini qayd etganlik uchun davlat boji dalolatnomalarni ro‘yxatda qayd etish chog‘ida, takroriy guvohnomalar berganlik uchun esa ular berilayotganda to‘lanadi.
Oldingi tahrirga qarang.
O‘zbekiston Respublikasi fuqarosining identifikatsiyalovchi ID-kartasini, O‘zbekiston Respublikasi fuqarosining xorijga chiqish uchun biometrik pasportini, fuqaroligi bo‘lmagan shaxsning harakatlanish hujjatini berganlik uchun, shuningdek chet el fuqarolariga yoki fuqaroligi bo‘lmagan shaxslarga identifikatsiyalovchi ID-karta berganlik uchun, doimiy yashash va vaqtincha turgan joyi bo‘yicha ro‘yxatdan o‘tkazganlik uchun davlat boji tegishli hujjatlar olinguniga qadar, fuqarolik masalalariga doir arizalardan esa bunday arizalar berilguniga qadar to‘lanadi.
(22-moddaning ikkinchi qismi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Oldingi tahrirga qarang.
Xorijdan kirish va xorijga chiqish huquqiga doir hujjatlarni, chet el fuqarosining yoki fuqaroligi bo‘lmagan shaxsning identifikatsiyalovchi ID-kartasini berganlik uchun, O‘zbekiston Respublikasining fuqaroligiga qabul qilish, uni tiklash va undan chiqish to‘g‘risidagi iltimosnomalardan yoki O‘zbekiston Respublikasining fuqarosi deb tan olish to‘g‘risidagi arizalardan, shuningdek korxonalar, muassasalar va tashkilotlar tomonidan xorijga xizmat safariga yuboriladigan fuqarolarning xorijga chiqish huquqini beruvchi hujjatlardan davlat boji belgilangan tartibda ushbu korxonalar, muassasalar va tashkilotlar tomonidan to‘lanadi.
(22-moddaning uchinchi qismi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Xorijga xizmat safariga yuborilgan xodimlar bilan birgalikda ularning xotini va bolalari xizmat safarining butun muddatiga safarga borganida davlat boji xizmat safariga yuborilganlarning o‘zidan undirilganligi kabi tartibda va miqdorlarda undiriladi. Oila a’zolari xorijga xizmat safariga yuborilgan shaxsning oldiga mehmon bo‘lib oddiy safarga borganida davlat boji umumiy asoslarda undiriladi.
Chet ellik fuqarolarga O‘zbekiston Respublikasidan chiqishga vizalar berganlik uchun davlat boji, har bir shaxsga alohida viza yoki bir nechta shaxsga umumiy viza berilayotganligidan qat’i nazar, o‘n olti yoshga to‘lgan har bir shaxsdan undiriladi.
Oldingi tahrirga qarang.
O‘zbekiston Respublikasi fuqarolariga ov qilish huquqiga doir ruxsatnoma berganlik uchun davlat boji hujjat berilayotganda to‘lanadi.
(22-moddaning oltinchi qismi O‘zbekiston Respublikasining 2022-yil 14-martdagi O‘RQ-759-sonli Qonuni tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
Oldingi tahrirga qarang.
221-modda. Davlat xizmatlarini olish uchun O‘zbekiston Respublikasi Yagona interaktiv davlat xizmatlari portali orqali murojaat qilishda davlat boji undirishning o‘ziga xos xususiyatlari
Har qanday davlat xizmatini olish, shu jumladan litsenziya, ruxsatnoma olish, davlat ro‘yxatidan o‘tish va boshqa xizmatlar uchun O‘zbekiston Respublikasi Yagona interaktiv davlat xizmatlari portali orqali mustaqil ravishda murojaat etilganda davlat boji, yig‘imlar va boshqa to‘lovlar Davlat xizmatlari markazlari orqali yoki xizmat ko‘rsatuvchi organlarga bevosita murojaat etilgan taqdirda to‘lanadigan summaning 90 foizi miqdorida undiriladi.
(221-modda O‘zbekiston Respublikasining 2020-yil 20-maydagi O‘RQ-619-sonli Qonuniga asosan kiritilgan — Qonun hujjatlari ma’lumotlari milliy bazasi, 21.05.2020-y., 03/20/619/0622-son)
23-modda. Intellektual mulk obyektlarini huquqiy himoya qilish chog‘ida davlat bojini undirishning o‘ziga xos xususiyatlari
Oldingi tahrirga qarang.
Davlat bojini to‘lovchi tomonidan davlat boji (patent boji) ixtirolar, foydali modellar, sanoat namunalari, seleksiya yutuqlari huquqiy himoya qilinguniga qadar, tovar belgilari, xizmat ko‘rsatish belgilari, geografik ko‘rsatkichlar, tovarlar kelib chiqqan joy nomlari, integral mikrosxemalar topologiyalari, elektron hisoblash mashinalari uchun yaratilgan dasturlar yoki ma’lumotlar bazalari hamda elektron hisoblash mashinalari uchun yaratilgan dasturlardan va ma’lumotlar bazalaridan foydalanishga bo‘lgan mulkiy huquqlarni boshqa shaxsga o‘tkazish to‘g‘risidagi shartnomalar ro‘yxatdan o‘tkazilguniga qadar to‘lanadi.
(23-moddaning birinchi qismi O‘zbekiston Respublikasining 2022-yil 3-martdagi O‘RQ-757-sonli Qonuni tahririda — Qonunchilik ma’lumotlari milliy bazasi, 04.03.2022-y., 03/22/757/0181-son)
Davlat boji (patent boji) davlat bojini to‘lovchi tomonidan to‘langanligi fakti qog‘ozdagi yoki elektron shakldagi to‘lov hujjati bilan tasdiqlanadi.
Davlat boji (patent boji) to‘langanligini tasdiqlovchi to‘lov hujjatida buyurtmanoma yoki patentning, guvohnomaning ro‘yxatdan o‘tkazish raqami hamda davlatning boji (patent boji) to‘langan harakatning nomi, shuningdek soliq to‘lovchining identifikatsiya raqami bo‘lishi kerak.
Agar davlat ekspertizasi o‘tkazilganligi uchun davlat boji (patent boji) ixtirolar, foydali modellar, sanoat namunasi variantlari guruhiga buyurtmanoma berilganligi va ekspertiza o‘tkazilganligi uchun belgilangan miqdordan kam miqdorda to‘langan bo‘lsa, davlat ekspertizasi davlat bojini to‘lovchi tomonidan tanlangan yoxud bunday tanlov mavjud bo‘lmaganda, ixtiro, foydali model formulasida yoki sanoat namunasi tavsifida ko‘rsatilgan ixtirolar, foydali modellar, sanoat namunasi variantlariga nisbatan o‘tkaziladi.
Agar buyurtmanoma berilganligi hamda tovar belgisi va xizmat ko‘rsatish belgisi davlat ekspertizasidan o‘tkazilganligi uchun davlat boji (patent boji) buyurtmanoma berilganligi hamda tovar belgisi va xizmat ko‘rsatish belgisi davlat ekspertizasidan o‘tkazilganligi uchun belgilangan miqdordan kam miqdorda bo‘lsa, ekspertiza Tovarlar va xizmatlar xalqaro tasnifining davlat bojini to‘lovchi tomonidan tanlangan sinflariga nisbatan o‘tkaziladi.
Davlat bojini to‘lovchi vakolatli organning davlat bojining (patent bojining) yetishmayotgan qismi qo‘shimcha ravishda to‘lanishi to‘g‘risidagi bildirishnomasi olingan sanadan e’tiboran uch oy ichida zarur summani qo‘shimcha ravishda to‘lash huquqiga ega.
Oldingi tahrirga qarang.
Davlat bojining (patent bojining) yetishmayotgan qismi vakolatli organning davlat bojining (patent bojining) yetishmayotgan qismi qo‘shimcha ravishda to‘lanishi to‘g‘risidagi bildirishnomasi olingan sanadan e’tiboran uch oy ichida to‘lanmagan taqdirda, ixtirolarni, foydali modellarni, sanoat namunalarini, seleksiya yutuqlarini huquqiy himoya qilish, tovar belgilarini, xizmat ko‘rsatish belgilarini, geografik ko‘rsatkichlarni, tovarlar kelib chiqqan joy nomlarini, integral mikrosxemalar topologiyalarini, elektron hisoblash mashinalari uchun yaratilgan dasturlarni va ma’lumotlar bazalarini hamda elektron hisoblash mashinalari uchun yaratilgan dasturlardan va ma’lumotlar bazalaridan foydalanishga bo‘lgan mulkiy huquqlarni boshqa shaxsga o‘tkazish to‘g‘risidagi shartnomalarni ro‘yxatdan o‘tkazish amalga oshirilmaydi. Bunda davlat bojining (patent bojining) ilgari to‘langan, to‘liq bo‘lmagan miqdori qaytarilmaydi.
(23-moddaning yettinchi qismi O‘zbekiston Respublikasining 2022-yil 3-martdagi O‘RQ-757-sonli Qonuni tahririda — Qonunchilik ma’lumotlari milliy bazasi, 04.03.2022-y., 03/22/757/0181-son)
Oldingi tahrirga qarang.
Tovar belgisini ro‘yxatdan o‘tkazish uchun talabnomaga oid huquqni va tovar belgisiga doir huquqlarni rezidentdan oluvchi norezident bo‘lgan taqdirda, davlat boji (patent boji) norezidentlar tegishli huquqlardan boshqa shaxs foydasiga voz kechganligi (ularni boshqa shaxsga o‘tkazganligi) munosabati bilan o‘zgartishlar kiritganlik (tovar belgisini ro‘yxatdan o‘tkazish uchun talabnomaga oid huquqdan boshqa shaxs foydasiga voz kechilganligi munosabati bilan arizachini o‘zgartirganlik) yoki ro‘yxatdan o‘tkazganlik (tovar belgilariga doir huquqlarni boshqa shaxsga o‘tkazish to‘g‘risidagi shartnomalarni ro‘yxatga olganlik) uchun belgilangan miqdorlarda tegishincha to‘lanadi.
(23-modda O‘zbekiston Respublikasining 2022-yil 2-fevraldagi O‘RQ-749-sonli Qonuniga asosan sakkizinchi qism bilan to‘ldirilgan — Qonunchilik ma’lumotlari milliy bazasi, 03.02.2022-y., 03/22/749/0101-son — 2022-yil 4-maydan kuchga kiradi)
24-modda. Faoliyatning alohida turlarini amalga oshirishga doir litsenziya berilganligi uchun davlat boji undirishning o‘ziga xos xususiyatlari
Konsert-tomosha faoliyatini amalga oshirish huquqi uchun litsenziya olayotgan jismoniy shaxslar davlat bojini o‘ziga berilgan reyting guruhiga qarab tabaqalashtirilgan miqdorlarda to‘laydi.
Konsert-tomosha faoliyatini amalga oshirish huquqi uchun litsenziya olayotgan yuridik shaxslar davlat bojini har bir ijrochi uchun unga berilgan reyting guruhiga qarab tabaqalashtirilgan miqdorlarda to‘laydi.
5-bob. Yakunlovchi qoidalar
25-modda. Davlat bojining to‘g‘ri undirilishi ustidan nazorat
Davlat bojining to‘g‘ri hisoblab chiqarilishi, to‘liq undirilishi va O‘zbekiston Respublikasining Davlat budjetiga o‘z vaqtida o‘tkazilishi ustidan nazorat “Davlat soliq xizmati to‘g‘risida”gi O‘zbekiston Respublikasi Qonuniga muvofiq davlat soliq xizmati organlari tomonidan amalga oshiriladi.
26-modda. Nizolarni hal etish
Oldingi tahrirga qarang.
Davlat bojini belgilash, undirish, undan ozod qilish va uni qaytarish sohasidagi munosabatlarni tartibga solish bilan bog‘liq nizolar qonunchilikda belgilangan tartibda hal etiladi.
(26-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
27-modda. Davlat boji to‘g‘risidagi qonunchilikni buzganlik uchun javobgarlik
Davlat bojini belgilash, undirish, undan ozod qilish va uni qaytarish sohasidagi qonunchilikni buzganlikda aybdor shaxslar belgilangan tartibda javobgar bo‘ladi.
(27-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
[OKOZ:

1.21.00.00.00 O‘zgartirish va qo‘shimchalar kiritish bo‘yicha kompleks tusdagi hujjatlar / 21.01.00.00 O‘zbekiston Respublikasining qonunlari]

28-modda. O‘zbekiston Respublikasining ayrim qonun hujjatlariga o‘zgartishlar kiritish
1. O‘zbekiston Respublikasining 1991-yil 19-noyabrda qabul qilingan Davlat tasarrufidan chiqarish va xususiylashtirish to‘g‘risida”gi 425-XII-sonli Qonuni (O‘zbekiston Respublikasi Oliy Kengashining Axborotnomasi, 1992-yil, № 1, 43-modda; 1993-yil, № 5, 236-modda; 1994-yil, № 11-12, 285-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda; 1998-yil, № 3, 38-modda; 1999-yil, № 1, 20-modda; 2003-yil, № 1, 8-modda; O‘zbekiston Respublikasi Oliy Majlisi palatalarining Axborotnomasi, 2006-yil, № 4, 153-modda; 2010-yil, № 9, 337-modda; 2011-yil, № 4, 97-modda; 2012-yil, № 12, 336-modda; 2014-yil, № 1, 2-modda; 2016-yil, № 12, 383-modda; 2017-yil, № 6, 300-modda; 2018-yil, № 1, 1-modda, № 4, 224-modda; 2019-yil, № 2, 47-modda, № 8, 470-modda) 15-moddasining birinchi qismi quyidagi tahrirda bayon etilsin:
“Ommaviy mulk obyektlarini tasarruf etuvchi mol-mulkni yangi mulkdorga topshirayotganda unga shakli O‘zbekiston Respublikasi Vazirlar Mahkamasi tomonidan belgilanadigan, mulkdorlik huquqini tasdiqlovchi order beradi. Davlat bojining miqdori va uni to‘lash tartibi qonunda belgilanadi”.
2. O‘zbekiston Respublikasining 1994-yil 6-mayda qabul qilingan “Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi to‘g‘risida”gi 1060-XII-sonli Qonuni (O‘zbekiston Respublikasi Oliy Kengashining Axborotnomasi, 1994-yil, № 5, 136-modda; O‘zbekiston Respublikasi Oliy Majlisining Axborotnomasi, 2002-yil, № 4-5, 74-modda, № 9, 165-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda) 9-moddasining sakkizinchi qismi quyidagi tahrirda bayon etilsin:
“EHM uchun yaratilgan dasturlarni yoki ma’lumotlar bazalarini ro‘yxatdan o‘tkazish hamda EHM uchun yaratilgan dasturlar va ma’lumotlar bazalaridan foydalanishga bo‘lgan mulkiy huquqlarni boshqa shaxsga o‘tkazish to‘g‘risidagi shartnomalarni ro‘yxatdan o‘tkazish bilan bog‘liq yuridik ahamiyatga ega harakatlarni bajarganlik uchun davlat boji undiriladi. Ro‘yxatdan o‘tkazish uchun davlat bojining miqdorlari va uni to‘lash muddatlari, davlat bojini to‘lashdan ozod qilish, uning miqdorlarini kamaytirish yoki uni qaytarib berish uchun asoslar, shuningdek ro‘yxatdan o‘tkazish uchun davlat boji summasidan foydalanish tartibi qonunda belgilanadi”.
3. O‘zbekiston Respublikasining 1994-yil 6-mayda qabul qilingan “Ixtirolar, foydali modellar va sanoat namunalari to‘g‘risida”gi 1062-XII-sonli Qonunining (O‘zbekiston Respublikasining 2002-yil 29-avgustda qabul qilingan 397-II-sonli Qonuni tahririda) (O‘zbekiston Respublikasi Oliy Majlisining Axborotnomasi, 2002-yil, № 9, 158-modda; O‘zbekiston Respublikasi Oliy Majlisi palatalarining Axborotnomasi, 2008-yil, № 7, 355-modda; 2011-yil, № 12/2, 364-modda; 2017-yil, № 6, 300-modda, № 9, 510-modda) 34-moddasiga quyidagi o‘zgartishlar kiritilsin:
1) birinchi qismning ikkinchi jumlasi chiqarib tashlansin;
2) ikkinchi qismdagi “O‘zbekiston Respublikasi Vazirlar Mahkamasi tomonidan” degan so‘zlar “qonunda” degan so‘z bilan almashtirilsin.
4. O‘zbekiston Respublikasining 1996-yil 25-aprelda qabul qilingan “Banklar va bank faoliyati to‘g‘risida”gi 216-I-sonli Qonuni (O‘zbekiston Respublikasining 2019-yil 5-noyabrda qabul qilingan O‘RQ-580-sonli Qonuni tahririda) 20-moddasining beshinchi qismi quyidagi tahrirda bayon etilsin:
“Litsenziya berilganligi uchun qonunda belgilangan miqdorda davlat boji undiriladi”.
5. O‘zbekiston Respublikasining 1996-yil 30-avgustda qabul qilingan “Seleksiya yutuqlari to‘g‘risida”gi 270-I-sonli Qonunining (O‘zbekiston Respublikasining 2002-yil 29-avgustda qabul qilingan 395-II-sonli Qonuni tahririda) (O‘zbekiston Respublikasi Oliy Majlisining Axborotnomasi, 2002-yil, № 9, 156-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda; 2017-yil, № 9, 510-modda; 2018-yil, № 7, 431-modda; 2019-yil, № 1, 1-modda, № 11, 791-modda) 29-moddasiga quyidagi o‘zgartishlar kiritilsin:
1) birinchi qismning ikkinchi jumlasi chiqarib tashlansin;
2) ikkinchi qismdagi “O‘zbekiston Respublikasi Vazirlar Mahkamasi tomonidan” degan so‘zlar “qonunda” degan so‘z bilan almashtirilsin.
6. O‘zbekiston Respublikasining 1996-yil 26-dekabrda qabul qilingan “Siyosiy partiyalar to‘g‘risida”gi 337-I-sonli Qonuni (O‘zbekiston Respublikasi Oliy Majlisining Axborotnomasi, 1997-yil, № 2, 36-modda; 1999-yil, № 9, 229-modda; 2004-yil, № 1-2, 18-modda, № 5, 90-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2008-yil, № 12, 637, 640-moddalar; 2014-yil, № 1, 2-modda; 2018-yil, № 4, 224-modda; 2019-yil, № 2, 47-modda, № 10, 674-modda) 8-moddasi ikkinchi qismining oltinchi xatboshisidagi “qonun hujjatlarida” degan so‘zlar “qonunda” degan so‘z bilan almashtirilsin.
7. O‘zbekiston Respublikasining 1998-yil 30-aprelda qabul qilingan 607-I-sonli Qonuni bilan tasdiqlangan O‘zbekiston Respublikasining Oila kodeksi (O‘zbekiston Respublikasi Oliy Majlisining Axborotnomasi, 1998-yil, 5-6-songa ilova; 2003-yil, № 1, 8-modda; 2004-yil, № 1-2, 18-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 157-modda; 2008-yil, № 4, 189-modda; 2009-yil, № 9, 328-modda; 2010-yil, № 9, 334, 335-moddalar; 2011-yil, № 9, 252-modda, № 12/2, 363-modda; 2013-yil, № 4, 98-modda; 2014-yil, № 1, 2-modda; 2016-yil, № 9, 276-modda; 2017-yil, № 9, 510-modda, № 10, 605-modda; 2018-yil, № 1, 1, 4-moddalar, № 4, 224-modda, № 8, 469-modda) 202-moddasining ikkinchi qismi quyidagi tahrirda bayon etilsin:
“Gerbli guvohnoma berishda fuqarolik holati dalolatnomalarini yozish organlari qonunda belgilangan tartibda va miqdorda davlat bojini hamda O‘zbekiston Respublikasi Vazirlar Mahkamasi tomonidan belgilangan tartibda va miqdorda gerb yig‘imini undiradi”.
Oldingi tahrirga qarang.
(28-moddaning 8-bandi O‘zbekiston Respublikasining 2021-yil 14-iyuldagi O‘RQ-701-sonli Qonuniga asosan o‘z kuchini yo‘qotgan — Qonunchilik ma’lumotlari milliy bazasi, 15.07.2021-y., 03/21/701/0674-son)
9. O‘zbekiston Respublikasining 2001-yil 12-mayda qabul qilingan “Integral mikrosxemalar topologiyalarini huquqiy muhofaza qilish to‘g‘risida”gi 218-II-sonli Qonunining (O‘zbekiston Respublikasi Oliy Majlisining Axborotnomasi, 2001-yil, № 5, 87-modda; 2002-yil, № 9, 165-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda) 17-moddasiga quyidagi o‘zgartishlar kiritilsin:
1) birinchi qismning ikkinchi jumlasi chiqarib tashlansin;
2) ikkinchi qismdagi “O‘zbekiston Respublikasi Vazirlar Mahkamasi tomonidan” degan so‘zlar “qonunda” degan so‘z bilan almashtirilsin.
10. O‘zbekiston Respublikasining 2001-yil 30-avgustda qabul qilingan “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi 267-II-sonli Qonunining (O‘zbekiston Respublikasi Oliy Majlisining Axborotnomasi, 2001-yil, № 9-10, 178-modda; 2002-yil, № 9, 165-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 9, 418-modda; 2011-yil, № 12/2, 364-modda; 2012-yil, № 12, 336-modda; 2017-yil, № 4, 138-modda, № 9, 510-modda) 33-moddasiga quyidagi o‘zgartishlar kiritilsin:
1) birinchi qismning ikkinchi jumlasi chiqarib tashlansin;
2) ikkinchi qismdagi “O‘zbekiston Respublikasi Vazirlar Mahkamasi tomonidan” degan so‘zlar “qonunda” degan so‘z bilan almashtirilsin.
11. O‘zbekiston Respublikasining 2004-yil 3-dekabrda qabul qilingan “O‘zbekiston Respublikasi Savdo-sanoat palatasi to‘g‘risida”gi 712-II-sonli Qonuni (O‘zbekiston Respublikasining 2018-yil 9-iyulda qabul qilingan O‘RQ-483-sonli Qonuni tahririda) (O‘zbekiston Respublikasi Oliy Majlisi palatalarining Axborotnomasi, 2018-yil, № 7, 428-modda; 2019-yil, № 11, 791-modda) 21-moddasi birinchi qismining oltinchi xatboshisidagi “shuningdek o‘z” degan so‘zlar chiqarib tashlansin.
12. O‘zbekiston Respublikasining 2011-yil 4-oktabrda qabul qilingan “Kredit axboroti almashinuvi to‘g‘risida”gi O‘RQ-301-sonli Qonuni (O‘zbekiston Respublikasi Oliy Majlisi palatalarining Axborotnomasi, 2011-yil, № 10, 271-modda; 2013-yil, № 4, 98-modda; 2015-yil, № 8, 312-modda; 2019-yil, № 3, 166-modda) 8-moddasining beshinchi qismidagi “O‘zbekiston Respublikasi Vazirlar Mahkamasi tomonidan” degan so‘zlar “qonunda” degan so‘z bilan almashtirilsin.
13. O‘zbekiston Respublikasining 2018-yil 8-yanvarda qabul qilingan “Ma’muriy tartib-taomillar to‘g‘risida”gi O‘RQ-457-sonli Qonuni (O‘zbekiston Respublikasi Oliy Majlisi palatalarining Axborotnomasi, 2018-yil, № 1, 2-modda) 40-moddasining uchinchi qismidagi “qonun hujjatlarida” degan so‘zlar “qonunda” degan so‘z bilan almashtirilsin.
14. O‘zbekiston Respublikasining 2018-yil 22-yanvarda qabul qilingan O‘RQ-460-sonli Qonuni bilan tasdiqlangan “O‘zbekiston Respublikasining Fuqarolik protsessual kodeksi (O‘zbekiston Respublikasi Oliy Majlisi palatalarining Axborotnomasi, 2018-yil, 1-songa 1-ilova, № 10, 672-modda; 2019-yil, № 3, 166-modda, № 5, 261-modda, № 9, 592-modda, № 10, 671-modda, № 11, 791-modda) 128-moddasidagi “qonun hujjatlari bilan” degan so‘zlar “qonunda” degan so‘z bilan almashtirilsin.
15. O‘zbekiston Respublikasining 2018-yil 24-yanvarda qabul qilingan O‘RQ-461-sonli Qonuni bilan tasdiqlangan O‘zbekiston Respublikasining Iqtisodiy protsessual kodeksi (O‘zbekiston Respublikasi Oliy Majlisi palatalarining Axborotnomasi, 2018-yil, 1-songa 2-ilova, № 7, 433-modda, № 10, 672-modda; 2019-yil, № 3, 166-modda, № 5, 261, 266-moddalar, № 9, 592-modda, № 10, 671-modda, № 11, 791-modda) 113-moddasidagi “qonun hujjatlari bilan” degan so‘zlar “qonunda” degan so‘z bilan almashtirilsin.
16. O‘zbekiston Respublikasining 2018-yil 25-yanvarda qabul qilingan O‘RQ-462-sonli Qonuni bilan tasdiqlangan O‘zbekiston Respublikasining Ma’muriy sud ishlarini yuritish to‘g‘risidagi kodeksi (O‘zbekiston Respublikasi Oliy Majlisi palatalarining Axborotnomasi, 2018-yil, 1-songa 3-ilova, № 10, 672-modda; 2019-yil, № 5, 261-modda, № 9, 592-modda, № 11, 791-modda) 111-moddasidagi “qonun hujjatlari bilan” degan so‘zlar “qonunda” degan so‘z bilan almashtirilsin.
29-modda. Ushbu Qonunning ijrosini, yetkazilishini, mohiyati va ahamiyati tushuntirilishini ta’minlash
O‘zbekiston Respublikasi Moliya vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.
Oldingi tahrirga qarang.
30-modda. Qonunchilikni ushbu Qonunga muvofiqlashtirish
(30-moddaning nomi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
O‘zbekiston Respublikasi Vazirlar Mahkamasi:
davlat bojini budjet tashkilotlarining budjetdan tashqari jamg‘armalariga taqsimlash masalasini o‘rganish yakunlariga ko‘ra 2020-yil 1-iyunga qadar bo‘lgan muddatda O‘zbekiston Respublikasi Oliy Majlisining Qonunchilik palatasiga davlat boji taqsimlanishini yanada takomillashtirishga doir takliflar kiritsin;
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.
31-modda. Ushbu Qonunning kuchga kirishi
Ushbu Qonun rasmiy e’lon qilingan kundan e’tiboran kuchga kiradi.
O‘zbekiston Respublikasining Prezidenti Sh. MIRZIYOYEV
Toshkent sh.,
2020-yil 6-yanvar,
O‘RQ-600-son
[OKOZ:

1.07.00.00.00 Moliya va kredit to‘g‘risidagi qonunchilik. Bank faoliyati / 07.18.00.00 Davlat boji / 07.18.02.00 Davlat boji miqdorlari]

“Davlat boji to‘g‘risida”gi O‘zbekiston Respublikasi Qonuniga
ILOVA
Davlat boji stavkalarining
MIQDORLARI
Oldingi tahrirga qarang.


Download 1.3 Mb.

Do'stlaringiz bilan baham:
  1   2   3   4   5   6   7   8   9   ...   42



Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling